Ɨnû 12:11 - Meta’

¹¹ Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ikan feg

¹¹ Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 12:11 ပူးပေါင်းရင်းမြစ်များ

Lk 14:26

“Wə̀d mɔʼɔ we nɨ yeʼe əsɨ num nɨ chəi wɨ̀ ghaʼ əmɨ chè i mbǎʼ mbɨ i nɨŋ, chè i ɨwi mbɨ mbi bɔn, chè mbi bɔŋgɔb mbɨ ti njàbɨ, bə̀ chè ka àbei i ɨ̀tènɨ̀, rɨka kùʼi nɨ yeʼ mɨ ə̀mə̀ə̀nɨ̀-ɨnû.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

1 Kɔrèn 15:57

Àyɨə tɨ̀ nàʼ məben-əwe əmbɨ ə Ŋwiə̀ nɨ ghɨ ni tɨ̀ baŋ ɨnû rɨbɔ̀ŋ ənjìm à Ə̀nùŋɨ̀sɨg Yeso Kristo!

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 5:5

À kɨə we nɨ tɨ̀ wɨ̀ baŋ ɨsɨg ə? Àmei wə̀d we nɨ ben ni Yeso yɨə Wan Ŋwìə̀.

Ɨnû 1:2

Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 11:7

Ənɨ mbɨ fə maanɨ nɨ gha ɨkə̂n we, nyam kyeŋ ze nɨ kɔʼ rɨŋga ɨbɨgɨ we nɨ chəi ɨnwǐ bɨrɨ maʼ bid mbɨ mɨ̀mə̌d, baŋ mɨ̀mə̌d əne zwiirɨ mɨ̀mə̌d.

Ɨnû 12:17

Tɨ̀sɔ̀ʼɔ̀ jɔ ze nyaʼa sə ɨtəm əbɔʼ əyi we. Əne zɨ̀ nyaʼa wò kɔ maʼ bid mbɨ ə bɔn mbe nɨ buʼu tɨ ənɨ bɔn əyi we, əne yɨə bə̂d mbe nɨə nuŋ tɨkə rɨ Ŋwiə̀ mbɨ mbe nɨ nyaʼə ghà rəsìʼ ɨmbə̀ʼ ə Yeso. [

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 2:26

Mə bɨrɨ naʼ ɨka nɨ tumbɨ ɨbeŋ jìm əmbɨ ə wə̀d we nɨ baŋ ɨnû rɨbɔ̀ŋ bə̀ sɨə ghɨ̀ ɨnû mbe nɨ mə̀ kəbɨ wò pè ənɨ ɨnwǐ.

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.

Ɨnû 3:12

Mə bɨrɨ nuŋ wə̀d we nɨ baŋ ɨnû rɨbɔ̀ŋ ənɨ ə təʼ ɨŋga mbàn mɨ Ŋwìə̀. Chəi wɨ̀ bɨrɨ nɔ jwɨ rɨŋga mbàn ze. Mə bɨrɨ ŋwàʼnɨ̀ ɨkum mɨ Ŋwiə̀ ɨgwɨ məd, bə̀ ŋwàʼnɨ̀ ɨkum tɨ ənɨ əsɨ mɨ Ŋwiə̀. Əsɨ ze yɨə Jèrusalèm fi we nɨ Ŋwiə̀ ə swiə rɨkaŋ. Mə bɨrɨ bɨ ŋwàʼnɨ̀ mɨ ɨkum fi ɨgwɨ məd.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 3:5

Wə̀d we nɨ baŋ ɨnû rɨbɔ̀ŋ bɨrɨ bɨ zɨ ngywɨ̌ tɨ rɨ̀fɨ ɨghabɨ mɨ̀mə̌d. Chəi mə̀ bɨrɨ nimnɨ ɨkum məd rɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Mə bɨrɨ gha ɨfě mɨ Mbǎʼ bə̀ ghà ɨfě mbɨ̀aŋgɨrə̀ məd ni mə kyerɨ əməd.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.