Ɨnû 11:8 - Meta’

⁸ Ɨvɨ mɨ̀mə̌d bɨrɨ nokɨ ɨgun ɨnə̂njɨ̀ ɨŋga əbeŋ ə kyeŋ ze nɨ mbɨ nyaʼa kombɨ Ə̀nùŋɨ̀sɨg mɨ̀mə̌d əzed ə baʼnɨ. Bə̂d mbɨə tɔŋ əsɨ ze ənɨ ɨnə̂njɨ̀ cherə ni Sodòm fɔrɨ ə Ɨjìpt.

Ikan feg

⁸ Ìmbɔb iwu biri bɔngɔ aseg igun inɔnjì ikye aben kyen. Mbi ya bə̀ kàrà aben kyen ze ane Sodòm tì Ijìb. À ya bə̀ angu ne mbi ya kɔ̀mbi Anɔŋisəg igun azed abaʼri.

Ɨnû 11:8 ပူးပေါင်းရင်းမြစ်များ

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Ɨ̀fàʼì 9:4

Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”

Mə̀Hibrù 13:12

À yɨ ɨchî nɨ Yeso nyaʼa bə zə ŋgəʼ ənjìm ɨkam ɨmbə̀ʼ bə̂d zeŋ ənjìm ənəm əməd.

Mə̀Hibrù 6:6

Mbɨ mɨ fə ton ə Ŋwiə̀, njɨ zɨə kàŋ seə nɨ wɨrɨ ghɨ ni mbɨ beŋ tə fîŋ, ɨmbə̀ʼ ɨghəm nɨ ɨ mbɨə wɨrɨə kòmbɨ̀ ə Wan Ŋwìə̀ əzed ə baʼnɨ bə̀ nàʼə̀ tɨ̀nìd ətu ɨ bɔ əsaŋ əsaŋ.

2 Pità 2:6

Ŋwìə̀ nyaʼa bə̀ zɨ̀ ɨchə ɨgwɨ ɨsɨ mbe nɨ mbɨ nyaʼə tɔŋ ənɨ ə Sodòm mbɨ Gòmorà. Wɨ̀ nyaʼa nimnɨ ɨsɨ mbe ənɨ ɨwid. Wɨ̀ nyaʼa ghɨ̀ ni mbɨ yeʼ ənweenɨ əmbɨ ə bə̂d mbe nɨ chəi mbɨə wumnɨ əməd.

Jûd 1:7

Mbə̀ kɔndɨ ə Sodòm mbɨ Gòmorà bə̀ kɔndɨ ɨbeŋ mbe nɨ nyaʼa ɨban ɨban. Ɨ mbɨə nyaʼə ghɨ̀ ɨnyamnɨ-ɨnû bə̀ ghɨ̀ tɨkwɨrɨ ɨfabrɨ-ɨnû jìm mbe nɨ bə̂d ə feenɨə. Ɨchî nɨ mbɨə zəə ŋgəʼ ɨŋga ɨwid we nɨ ten i koŋ yɨ ənweenɨ əmbɨ ə bə̂d mɨ̀jìm.

Ɨnû 11:13

Àmei ənɨ ə nyùmə̀ we, si nyaʼa wùd kwàʼ rɨ̀kǎ, əba ə fibɨ̀ ənɨ mbɨ ghapɨ nəb te rɨŋga əsɨ ze ɨsɨ wum nyaʼa buʼə. Si ze nyaʼa wùd əne, zwiirɨ bə̂d chuʼ sambe. Ə̀bùʼ ə bə̂d ə nyaʼa bɔ kwàʼ rɨŋgəʼ, əne mbɨ nyaʼa nàʼ ɨwumnɨ əmbɨ ə Ŋwìə̀ we nɨ yeʼ ɨkaŋ.

Ɨnû 11:9

Bə̂d rɨŋga ɨsɨ jìm, rɨŋga mɨnəbɨ jìm, bə̂d nɨə ghàm tɨkwɨrɨ ɨŋgam əbeŋ jìm mbɨ ə bə̂d rɨŋga ɨbeŋ jìm bɨrɨ toŋ ɨghə ɨgwɨ ɨvɨ mɨ̀mə̌d ɨni tad rɨ əbà. Chəi mbɨ bɨrɨ ben ni mbɨ tweŋ ɨvɨ mɨ̀mə̌d.

Ɨnû 14:20

Mbɨ nyaʼa mìn rɨtam vaìn te ɨŋga əsɨ ze nɨ mbɨə mìnə̀ mɨ̀noʼ əsaŋ əsɨ ze. Ənəm ə nyaʼa koŋ rɨ əsɨ ze yèn ɨghabɨ mɨ̀kilometà əkɨ ətad, bə̀ sà ɨŋga ɨghabɨ ə metà mɔʼ mbɨ əkwirɨ.

Ɨnû 14:8

Aŋgɨrə̀ nɨ pe ənɨ mbɨ mɨbe nyaʼa beenɨ əbɔʼ wɨ rɨtu we. Ɨ wɨə nyaʼə ghàə̀ ni, “Babilɔ̀n kyeŋ ə fə buʼ ə! Wɨ̀ fə buʼ ə! Wɨ̀ nyaʼa ghɨ̀ ɨbeŋ jìm nɔ mɨnoʼ kǎ kǎ tɨ ənɨ ɨchî nɨ wɨ̀ nyaʼə ghɨ̀ ɨfabrɨ ɨnû.”

Ɨnû 16:19

Əsɨ ə kyeŋ ze ə nyaʼa sandɨ ɨba tad. Ɨsɨ kyeŋ jìm rɨŋga ɨsɨg nyaʼa buʼ ə. Ŋwìə̀ nyaʼa kɔndɨ ə Babilɔ̀n kyeŋ we, əne nàʼ toʼ mɨ̀nòʼ ɨ bɔ. Mɨnôʼ mbe ə chwiə ni məd wɨə sə ɨtəm kwàʼ rɨŋgəʼ.

Ɨnû 17:1

Aŋgɨrə̀ fibɨ̀ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nyaʼa yeʼe pè ghà ɨ num ni, “Yeʼe, mə bɨrɨ chwi ɨchî nɨ mbɨ bɨrɨ chə ə̀kùnɨ̀ ə ka ze nɨ chub ɨgun mɨgyɨ̂ kyeŋ nɔnɔʼ ɨ ne.

Ɨnû 17:18

Əyi we nɨ à kəʼ zə yɨ əsɨ ə kyeŋ ze nɨ ɨfɔ̀n məd ə tùmbɨ̀ mɨfɔ̀n mɨ̀jìm ɨgwɨ ə si.”

Ɨnû 17:5

Mbɨ nyaʼa ŋwàʼnɨ̀ ɨkum ənɨ əkəŋ ɨsɨ əməd nɨ əton ənɨ ɨkum we yeʼ ənə̀mə. Ɨkum we yɨ ni, “Babilɔ̀n kyeŋ, ɨŋgɔb ɨ̀kùnɨ̀ jìm mbɨ ɨŋgɔb ɨnû rɨbɔ̀ŋ yiirɨ mbe nɨ yeʼ ɨgwɨ ə si.”

Ɨnû 18:10

Ɨchî nɨ mbɨə bɔə ni mbɨ bɨrɨ zə ŋgəʼ ɨghabɨ əməd, mbɨ bɨrɨ təm əsa əgha ghà ni, “Ŋgəʼ bɨrɨ nyɨ ɨgwɨ ne! Ŋgəʼ bɨrɨ nyɨ ɨgwɨ ne, àwɔ̀ əsɨ ə kyeŋ, àwɔ̀ Babilɔ̀n nɨ yeʼ əbeŋ nɨ berɨ ɨka! Ŋwìə̀ fə nɨŋ àmei awà fìbɨ̀ chə əwe!”

Ɨnû 18:18

kyeŋ rɨkǎ ənɨ mbɨ zə ndiʼ rɨ ənɨ ɨwid we nɨə tɔ̀n əməd. Mbɨ bɨrɨ zə əne ghà ni, “À kɨ əsɨ zi nɨ nyaʼa ɨghabɨ əsɨ ə kyeŋ zɔ̂ ə?”

Ɨnû 18:2

Wɨ̀ nyaʼa kyeŋ ənɨ ə gɨ̂ kǎ kǎ ghà ni, “Babilɔ̀n kyeŋ fə buʼ ə! Wɨ̀ fə buʼ ə! Wɨ̀ fə bèŋ ənɨ əsɨ nɨ ɨzwî rɨbɔ̀ŋ ə chub əŋgu, ənɨ əsɨ nɨ ɨzwî mbe nɨ chəi mbɨ zeŋɨ ə nə̀mbɨ̀ əŋgu, ənɨ əsɨ nɨ tɨnən te nɨ chəi tɨ zeŋɨ mbɨ te nɨ bə̂d ban ə nə̀mbɨ̀ əŋgu.

Ɨnû 18:21

Aŋgɨrə̀ nɨ berɨ ɨka nyaʼa bèʼ ɨti nɨ nyaʼa ɨghabɨ ɨti ŋgə̀ŋ kyeŋ màʼ ɨŋga rɨ̀bàà. Wɨ̀ nyaʼə màʼ əne ghàə̀ ni, “À yɨ ɨchî nɨ mbɨ bɨrɨ maʼ ə Babilɔ̀n ə si ənɨ ɨka. Chəi bə̂d bɨrɨ nɔ wɨrɨ zə əməd.

Ɨnû 18:24

Ənəm ə bə̂d ɨ̀kə̀n, ənəm ə bə̂d Ŋwiə̀ mbɨ ənəm ə bə̂d mɨjìm mbe nɨ mbɨ nyaʼa zwiirɨ ɨgwɨ ə si fə tàb əwe.”