Ɨnû 11:3 - Meta’

³ Mə bɨrɨ naʼ ɨka əmbɨ mbɨ mɨ̀zərɨmbin mɨbe nɨ zɨ tɨkurɨ ɨdì, ni mbɨ wò ghà ɨkə̂n we nɨ mə̀ ghà əmbɨ mɨ̀mə̌d ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.”

Ikan feg

³ Mə biri nàʼ ika abə ìmbum bəd məbe mbe ne ya zə̰ ati. Mbɔb biri zì ndwi ni chwi gha mbɔb ya inga ngəʼ ghò dènì ikən we ne mə̀ biri chà awɔb gha mbe dène ane tituʼ titad tì aba.”

Ɨnû 11:3 ပူးပေါင်းရင်းမြစ်များ

Matìyò 11:21

Wɨ̀ nyaʼa ghà əmbɨ mɨ̀mə̌d ni, “Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bə̀ nyɨ ɨgwɨ ne, àwɔ̀ Bètsaidà! À kɨ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Matìyò 18:16

À mɨ yeʼ nɨ chəi wɨ̀ zu ənû ze nɨ àwɔ̀ ə ghàə̀, nɨŋ wə̀d cherə mɔʼ kɨ̀ bə̂d cherə mɨbe mbə̀ wò ɨnɔ̂n, ɨmbə̀ʼ mɨ̀zərɨmbin mɨ̀be kɨ̀ mɨtad təm ben ɨnû mbe nɨ àwɔ̀ ə ghà ɨmbə̀ʼ we aŋgɔb.

Lk 10:13

“Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bɨrɨ nyɨ ɨgwɨ ne, àwɔ̀ Bètsaidà. Ɨmbə̀ʼ ɨghəm nɨ à kɨ̀ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Lk 24:48

Mbə yɨ mɨ̀zərɨmbin ənɨ ɨnû mbɔ̂, əne mbə̀ bɨrɨ bə̀ sɨə ghà əmbɨ ə bə̂d cherə.

Jn 15:27

Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 13:31

Ɨ wɨə nyaʼa jwɨ̀ ɨni nɔnɔʼ ɨfě bə̂d mbe nɨ nyaʼə yènə̀ mbɨ məd kɔ rɨ ə Galiliî wò pè ə Jèrusalèm. Bə̂d mbe nɨ wɨ̀ nyaʼa jwɨ ɨfě mɨ̀mə̌d yɨ mɨ̀zərɨmbin mbe nɨə sɨə ghà ɨnû ɨmbə̀ʼ əməd əmbɨ mɨ̀Izre tɨ̀nîn.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

2 Kɔrèn 13:1

Tɨ̀nîn yɨ ɨghəm nɨ pe tad nɨ mɨə yeʼe əsɨ nən. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbɨ mɨ zɨ̀ ɨsaʼi ɨgun ə wə̀d mɔʼɔ, mɨ̀zərɨmbin mɨbe kɨ̀ mɨtad berɨ təm ben ni mbɨ kə̀ʼ zə ənû ze.”

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 11:2

Àyɨə tɨrə̀ mɨ̀g e ɨkye ɨkam we nɨ kad mbàn ze, ɨmbə̀ʼ ɨghəm nɨ mbɨ fə nàʼ əmbɨ ə bə̂d mbe nɨ kaʼi mɨ̀Jû. Mbɨ bɨrɨ təʼrɨ əsɨ ə zeŋɨ əmɨg ɨwum kwè chɔ̀b rɨ̀be.

Ɨnû 11:6

Mbɨ berɨ ɨka nɨ wub əton ɨkaŋ ɨmbə̀ʼ tɨ mbə̀ŋ nɔ i ənɨ ə nyùmə̀ we nɨ mɨ̀mə̌d ə ghà ɨkə̂n Ŋwiə̀. Mbɨ berɨ ɨka nɨ beŋ mɨnib ənɨ ənəm, bə̀ berɨ ɨka nɨ ghɨ̀ ni tɨkwɨrɨ ŋgəʼ kǎ kǎ jìm yeʼe ɨgwɨ ə si ənɨ mɨ̀nyùmə̀ jìm mbe nɨ mbɨ kəbɨ.

Ɨnû 12:6

Əyi we nyaʼa nòrə̀ wò ɨŋga ɨbad rɨkwàʼi, əsɨ nɨ Ŋwìə̀ nyaʼa fə tekɨ ɨ bɔ, əsɨ nɨ mbɨ bɨrɨ nəŋgɨ əməd ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.

Ɨnû 13:5

Mbɨ nyaʼa sàŋ ni nyam kyeŋ ze ghàmə̀ goŋ ɨgɔ̂ bə̀ zɔ̀m ə Ŋwiə̀. Mbɨ nyaʼa bə̀ ben ni zɨ chwi ɨka nɨ tumbɨ bə̂d ənɨ əmɨg ɨwum kwè chɔ̀b rɨ̀be.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.