Ɨnû 11:18 - Meta’

¹⁸ Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ikan feg

¹⁸ Bəd mbe ne kayi mə̀Ju məjìm yaya gàŋa. Nyumə̀ fə kòʼ ni chə̀ bəd mbe ne àghò we gàŋa inɔb. Nyùmə̀ fə kòʼ ne àghò biri saʼ bəd ne ya ku, bə̀ nàʼ chùd abə ìmbe bəd àfàʼì ne ya bədkə̀n fɔrɔ abə ìmbe bəd ne ghùmnə ìwe, kə̀ àkə bəd kyen kə̀ ìmbi kwa kwa; Nyùmə̀ fə kòʼ ni nimni bəd mbe ne chìkə̀ isəg.”

Ɨnû 11:18 ပူးပေါင်းရင်းမြစ်များ

Matìyò 5:12

Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Lk 1:50

Məd wɨə dììrɨ̀ ə bə̂d mbe nɨə wumnɨ əməd, kɔ rɨ ənɨ ɨghəm bə̂d fibɨ̀ wò pè ənɨ wɨ cherə.

Mə̀Hibrù 9:27

Ɨchî nɨ Ŋwìə̀ nyaʼa fə nuŋ ni wə̀d ə berɨ kwɨ ɨghəm we mɔʼ, à sɨ əwu rənjìm wɨ̀ saʼ əməd,

Ɨnû 10:7

Àyɨə ənɨ aŋgɨrə̀ we nɨ pe ənɨ mbɨ sambe fə i taŋ, Ŋwiə̀ bɨrɨ ghɨ ɨnû mbe nɨ yeʼ ənə̀mə, ɨchî nɨ wɨ̀ nyaʼa fə ghǎ əmbɨ mbi bə̂d ə̀fàʼì mbe nɨ yeʼ bə̂d ɨ̀kə̀n ɨməd.”

Ɨnû 11:2

Àyɨə tɨrə̀ mɨ̀g e ɨkye ɨkam we nɨ kad mbàn ze, ɨmbə̀ʼ ɨghəm nɨ mbɨ fə nàʼ əmbɨ ə bə̂d mbe nɨ kaʼi mɨ̀Jû. Mbɨ bɨrɨ təʼrɨ əsɨ ə zeŋɨ əmɨg ɨwum kwè chɔ̀b rɨ̀be.

Ɨnû 13:10

Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.

Ɨnû 13:16

Ɨ zɨə nyaʼə bə̀ ghɨ̀ ni mbɨ zɨ ənweenɨ ɨgun əbɔ ə jɨgɨ kɨ̀ ənɨ əkəŋ ɨsɨ bə̂d mɨjìm, kɨ̀ à kɨ ə bə̂d kwa kɨ̀ mbɨ kyeŋ, kɨ̀ à kɨ ə bə̂d mbɔ̂n kɨ̀ bə̂d ɨkwaŋ, kɨ̀ à kɨ ə ɨ̀bòʼò kɨ̀ bə̂d nɨ yeʼ ənɨ ə ɨghəm.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 15:7

Əghɨ ə mɔʼ rəbɔʼ ɨghɨ ɨkwè mbe nɨ yeʼ ɨkǎ nyaʼa nàʼ ɨŋgupɨ ɨkaŋ sambe nɨ mbɨ nyaʼa tekɨ ənɨ ə gôl əmbɨ mbɨ̀aŋgɨrə̀ mbe sambe. Ɨsə ɨtəm Ŋwìə̀ we nɨ tən i koŋ koŋ nyaʼa swi ɨŋga ŋgupɨ ɨkaŋ mbe.

Ɨnû 18:6

Mbə̀ ghɨ ənɨ məd ɨchî nɨ wɨ̀ nyaʼa ghɨ̌ ənɨ bə̂d cherə. Ɨnû mbe nɨ wɨ̀ nyaʼa ghɨ̌ ənɨ ə nən, mbə̀ wi ɨ bɔ ɨghəm be. Mbə̀ nyam mɨnoʼ mbɨ ka ɨghəm be nàʼ ɨ bɔ. Mbə̀ naʼ àmei ɨŋga toʼ ze nɨ wɨ̀ nyaʼa bə̀ nàʼ ɨ nən.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 19:18

Mbə̀ yeʼe kud nyamnyod mɨ̀fɔ̀n, kud nyamnyod ɨtu ɨgwɨ mɨ̀sɔgyɨ̀, kud nyamnyod mɨ̀sɔgyɨ̀, kud nyamnyod ngyi, kud nyamnyod bə̂d mbe nɨə kɔʼə ngyi te bə̀ kud nyamnyod bə̂d mɨjìm, əne yɨ ɨ̀bòʼò mbɨ ə bə̂d nɨ yeʼ ənɨ ə ɨghəm, əne yɨə bə̂d kyeŋ mbɨ mbɨ kwa!”

Ɨnû 19:5

Gɨ̂ nyaʼa yeʼe rɨ ənɨ ətən ɨfɔ̀n, ghàə̀ ni, “Mbə̀ yiirɨ a Ŋwiə̀, mbə̀n bə̂d ə̀fàʼì məd mɨjìm. Mbə̀n mbe nɨə wumnɨ əməd, mbə̀ yiirɨ əməd, əne yɨ mbɨ kwa mbɨ mbɨ kyeŋ!”

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 22:12

Yeso ə ghà ni, “Mbə̀ zə, mə bɨrɨ zambɨ yeʼe! Mə bɨrɨ yeʼe mbɨ ɨchwɨ we nɨ mə bɨrɨ nàʼ əmbɨ wə̀d mɔʼ mɔʼ ɨgwɨ ɨnû mbe nɨ wɨ̀ ghɨ̌.