Ɨnû 11:17 - Meta’

¹⁷ Ɨ mbɨə nyaʼə wumnɨə ghàə̀ ni, “Tɨ̀ nàʼ məben-əwe ɨ ne, àwɔ̀ Ə̀nùŋɨ̀sɨg Ŋwìə̀kɔʼ, we nɨ yeʼ tɨ̀nîn, nɨ nyaʼa be i əŋgu, ni à fə nɨŋ e ɨka kyeŋ əne à fə kɔ tumbɨ ɨsɨg.

Ikan feg

¹⁷ “Tè nàʼ məyakà ine Anɔŋisəg, Ŋwiyekɔʼ, àghò ne yaʼi, ne ya bì yaʼ, imbə̀ʼ icheg ne àghò fə̀ ko se tùmbə̀ bəd məjìm ane ìwe ika kyen.

Ɨnû 11:17 ပူးပေါင်းရင်းမြစ်များ

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Lk 10:21

À nyaʼa ənɨ ə nyùmə̀ we, Əzwî ə Zeŋɨ ə nyaʼa ghɨ̀ ɨghaʼi swi ɨŋga fîŋ Yeso. Əne wɨ̀ nyaʼa ghà ni, “Mɨ Mbǎʼ, Ə̀nùŋɨ̀sɨg rɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ ɨnû, sɨ chwiə yeʼ əmbɨ ə bɔn bɔd. Ee, kyɨ mɨ Mbǎʼ, à yɨ ɨchî nɨ à kəbɨ we.

Jn 11:41

Mbɨ nyaʼa chɨ̀ ɨti we. Əne Yeso nyaʼa neŋ ɨkaŋ ghà ni, “Mɨ Mbǎʼ, məben-əwe ɨchî nɨ à fə zu ənû ze nɨ mə̀ gha ɨ ne.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

2 Kɔrèn 9:15

Tɨ̀ nàʼ məben-əwe əmbɨ ə Ŋwiə̀ ɨmbə̀ʼ ɨneʼe məd we nɨ wɨ̀ nyaʼa naʼ ɨ na, nɨ yeʼ ɨneʼe we nɨ chəi ənɨ tɨ̀ bə̂d mə̀!

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!

Ɨnû 16:14

Ɨzwî mbɔ̂ yɨ ɨzwî rɨbɔ̀ŋ mbe nɨə ghɨ̀ ɨnû yiirɨ. Mbɨ nyaʼa jwɨ̀ wò əsɨ mɨfɔ̀n mɨjìm rɨŋga ɨsɨg, ɨmbə̀ʼ fɔtɨ mɨ̀mə̌d ni mbɨ maʼ bid əni ə kyeŋ ze nɨ Ŋwìə̀kɔʼ bɨrɨ saʼ ɨsɨg.

Ɨnû 16:5

Mə nyaʼa zu aŋgɨrə̀ we nɨ nyaʼa berɨ ɨka ɨgwɨ mɨnib ghà ni, “Àwɔ̀ Wə̀d Zeŋɨ, àwɔ̀ we nɨ yeʼ tɨ̀nîn, nɨ nyaʼa bei əŋgu, ɨchî nɨ àwɔ̀ ə saʼə bə̂d ə kàŋ kùʼ.

Ɨnû 16:7

Mə nyaʼa zu gɨ̂ nɨ nyaʼə kyeŋə rɨ ənɨ ɨkwi ɨjə̀ŋ ə̀fààrɨ̀. Zɨ̀ nyaʼə kyeŋə ghàə̀ ni, “Ee, Ə̀nùŋɨ̀sɨg Ŋwìə̀kɔʼ, ɨchî nɨ àwɔ̀ ə saʼə bə̂d ə kàŋ kùʼ. À yɨə bə̀ ɨchî rəsìʼ!”

Ɨnû 18:8

Ɨchî nɨ wɨə ghà əne, ŋgəʼ rɨ kǎ kǎ bɨrɨ nyɨ ɨgwɨ məd əni ə fibɨ̀. Ŋgəʼ te yɨ ɨwɔn, yɨ ə̀kə̀nɨ̀ mbɨ ə njì kǎ kǎ. Mbɨ bɨrɨ tɔn əməd ənɨ ɨwid, ɨmbə̀ʼ ɨghəm nɨ Ə̀nùŋɨ̀sɨg Ŋwìə̀ we nɨə saʼ əməd ə berɨ ɨka.”

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 19:6

Mə nyaʼa zu əghɨ ə mɔʼɔ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨghabɨ ɨchî nɨ mbə̀ŋ ə kùmə̀. Zɨ̀ nyaʼə ghàə̀ rɨ̀kǎ ni, “Tɨ̀ yiirɨ ə Ŋwiə̀! Ə̀nùŋɨ̀sɨg a Ŋwìə̀kɔʼ wɨə sɨə tùmbɨ̀ə̀ mbi bə̂d.