Ɨnû 11:10 - Meta’

¹⁰ Ɨghaʼi bɨrɨ swi ɨŋga fîŋ bə̂d mbe nɨə chub ɨgwɨ ə si, ɨmbə̀ʼ ɨghəm nɨ mɨ̀zərɨmbin mbe fə kwɨ. Mbɨ bɨrɨ chaanɨ mɨneʼe mbənə mbənə bə̀ ghɨ̀ ɨghaʼi ɨmbə̀ʼ ɨghəm nɨ bə̂d ɨ̀kə̀n mbɔ̂ mɨbe mbɨə nyaʼə chə ə bə̂d rɨ ɨgwɨ ə si.

Ikan feg

¹⁰ Bəd igun isəg biri taŋ gyendi bə̀ kɔd tiboʼ abə mə̀mbin imbə̀ʼ icheg ne bədkə̀n mbo̰ ne ku yaya chə bəd ne yaʼi igun isəg.

Ɨnû 11:10 ပူးပေါင်းရင်းမြစ်များ

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Jn 16:20

Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Jn 7:7

Chəi bə̂d rɨŋga ɨsɨg berɨ əton nɨ ban əwən, àyɨə mbɨ berɨ bàn əmɨ ɨmbə̀ʼ ɨghəm nɨ mə wɨə kɨə ghàə̀ ni ɨnû mbe nɨ mbɨə ghɨ̀ə̀ yɨ ɨnû rɨbɔ̀ŋ.

Ɨ̀fàʼì 5:33

Ənɨ mə̀saʼ əbeŋ mbe nyaʼa zu ənû zɔ̂, mbɨ nyaʼa sə ɨtəm kwàʼ rɨŋgəʼ. Əne mbɨ nyaʼa kə̀b ni njɨ mbə zwiirɨ mɨ̀mə̌d.

1 Kɔrèn 13:6

Chəi ɨghaʼi ghaʼ nɨ zə ni bə̂d ghɨ ɨnû rɨbɔ̀ŋ. Wɨ kə̀b yeʼ ni bə̂d ghɨ ɨnû nɨ kuʼnɨ.

Ɨnû 12:13

Ənɨ tɨ̀sɔ̀ʼɔ̀ jɔ ze nyaʼa zə ni mbɨ fə màʼ əməd ɨgwɨ ə si, zɨ̀ nyaʼa kɔ fid əyi we nɨ nyaʼa gywɨ wan mbaŋə̀ we.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 16:10

Aŋgɨrə̀ we nɨ pe ənɨ mbɨ mɨtân nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨgun ətən ɨfɔ̀n ə nyam kyeŋ ze. Ənɨ wɨ̀ nyaʼa sab əne, ɨsɨ nyaʼa fin ɨŋga əsɨ ze nɨ nyam kyeŋ ze nyaʼə tùmbɨ̀ə̀. Bə̂d mbɨə nyaʼə kud ə əsɔŋ ɨmbə̀ʼ ɨchî nɨ mbɨ nyaʼə zəə ŋgəʼ.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.