Ɨnû 1:4 - Meta’

⁴ À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Ikan feg

⁴ À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 1:4 ပူးပေါင်းရင်းမြစ်များ

Jn 1:1

Bɔŋ Ŋwìə̀ nyaʼa sɨə tekɨ ɨsɨg, məd we nɨ mbɨə tɔŋ ənɨ Ɨŋgam nyaʼa fə sɨ i əŋgu. Ɨŋgam we wɨə nyaʼa mbɨ ə Ŋwiə̀. Ɨŋgam we yɨə nyaʼə Ŋwiə̀.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 2:9

Tɨ̀ yɨ rɨ ə Patìà, rɨ ə Medìà bə̀ fɔrɨ rɨ ə Elàm; tɨ̀ yɨ rɨ ə Mèsòpòtemìà, rɨ ə Jùdeyà bə̀ fɔrɨ rɨ ə Kàpàdosìà; tɨ̀ yɨ rɨ ə Pontùs bə̀ fɔrɨ rɨ ə Esià;

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Kɔrèn 1:3

Ŋwiə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ naʼ əbɔrəbɔd ɨ nən.

2 Kɔrèn 1:2

Ŋwiə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Mə̀Hibrù 13:8

Yeso Kristo wɨ əndəŋ əndəŋ ɨchî nɨ wɨ̀ kɨə kəʼ rɨwɔ̀, ɨchî nɨ wɨ̀ yeʼ rəchɔ̀ŋ mbɨ ɨchî nɨ wɨ̀ bɨrɨ ten əne koŋ.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.

Ɨnû 1:20

Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 16:5

Mə nyaʼa zu aŋgɨrə̀ we nɨ nyaʼa berɨ ɨka ɨgwɨ mɨnib ghà ni, “Àwɔ̀ Wə̀d Zeŋɨ, àwɔ̀ we nɨ yeʼ tɨ̀nîn, nɨ nyaʼa bei əŋgu, ɨchî nɨ àwɔ̀ ə saʼə bə̂d ə kàŋ kùʼ.

Ɨnû 2:12

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Pegamùm ni, 'Ɨŋgam wɔ̂ yɨ rɨ əmbɨ wə̀d we nɨ berɨ ɨbi bid we nɨə tɔ ɨba jìm.

Ɨnû 2:18

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Tìatirà ni, 'Ɨŋgam wɔ̂ yɨ rɨ əmbɨ ə Wan Ŋwìə̀ we nɨ əghə əməd ə berɨ ɨghabɨ ɨnemɨ ɨwid, nɨ tɨkyerɨ-ɨwu məd yeʼ ɨghabɨ ə brɔnz nɨ mbɨ chiʼi.

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:8

Mɔ̌, Jɔ̌n, yɨə wə̀d we nɨ nyaʼa zu bə̀ zə ɨnû mbɔ̂. Ənɨ mə nyaʼa zu bə̀ zə, mə nyaʼa gundɨ ə si ɨban ɨwu aŋgɨrə̀ we nɨ nyaʼa chwi ɨnû mbɔ̂ ɨ num. Mə nyaʼa gundɨ ɨmbə̀ʼ wumnɨ əməd.

Ɨnû 3:1

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.

Ɨnû 4:5

Ɨbi mbə̀ŋ wɨə nyaʼə ŋwàŋə̀, gɨ̂ rɨ mɔʼɔ ghàmə̀, mbə̀ŋ bə̀ kùmə̀ rɨ ənɨ ətən ɨfɔ̀n ze. Tɨbiŋ rɨkaʼi sambe tɨə nyaʼə berə ɨfě məd. Tɨbiŋ rɨkaʼi te yɨ ɨzwî mbe sambe nɨə fàʼ əmbɨ ə Ŋwiə̀.

Ɨnû 4:8

Ɨghɨ mbe ɨkwè ɨ mɔʼ mɔʼ nyaʼa berɨ tɨbabɨ̀ rɨ̀fuə. Əghə ə nyaʼa swi ɨgun bə̀ swi əton tɨbabɨ te. Ɨghɨ mbe mbɨə nyaʼə kwerɨ ɨkyî əziə mbɨ ɨzimɨ zɨ rɨ sob. Ɨ mbɨə nyaʼə kwerɨə ni, “Ə̀nùŋɨ̀sɨg Ŋwìə̀kɔʼ ə zeŋ, ə zeŋ, ə zeŋ. Məd yɨ we nɨ nyaʼa bei əŋgu, nɨ yeʼ əŋgu rɨ̀nîn, nɨ bɨrɨ wɨrɨ yeʼe!”

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 8:2

Mə nyaʼa zə mbɨ̀aŋgɨrə̀ mbe sambe nɨə təm ɨfě Ŋwiə̀. Mbɨ nyaʼa nàʼ tàŋ sambe əmbɨ mɨ̀mə̌d.