Ɨnû 1:2 - Meta’

² Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ikan feg

² Jɔn fə ŋwàʼrì inug ijìm mbe ne wì ya bàri ne ya inug imbə̀ʼ Ìngam Ŋwiye tì inug imbə̀ʼ Yeso Kristo.

Ɨnû 1:2 ပူးပေါင်းရင်းမြစ်များ

Jn 1:32

Jɔ̌n nyaʼa ghà ɨnû mbe nɨ wɨ̀ nyaʼa zə ɨmbə̀ʼ əməd ni, “Mə nyaʼa zə Əzwî ənɨ zɨə nyaʼə swiʼi rɨkaŋ ɨghabɨ ə tə̀bə̀ŋə, pè chub ɨgwɨ məd.

Jn 12:17

Ɨnɔ̂n bə̂d we nɨ nyaʼa mbɨ məd ənɨ wɨ̀ nyaʼa tɔŋ ə Lazarɔ̀s rɨŋga ɨsì zwemnɨ əməd nyaʼa ghà ənû ze nɨ nyaʼa ghɨ̌ əmbɨ ə bə̂d cherə.

Jn 19:35

Wə̀d we nɨ nyaʼa zə ənû zɔ̂ fə ghà ɨmbə̀ʼ əzɨ əwən, ɨmbə̀ʼ mbə̀n bə̂ bə̀ benɨ. Məd ziə ə kyerɨ ni ənû ze nɨ wɨ̀ ghǎ yɨ ənû rəsìʼ.

Jn 21:24

Ə̀mə̀ə̀nɨ̀-ɨnû wɔ̂ yɨ we nɨə ghà ɨnû mbɔ̂. Məd yɨ we nɨ bə̀ ŋwàʼnɨ̀ ə si. Tɨ̀ kyerɨ ni ənû ze nɨ wɨ̀ ghǎ yɨ ənû rəsìʼ.

Jn 3:11

Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.

Ɨ̀fàʼì 22:15

ɨmbə̀ʼ ɨghəm nɨ à bɨrɨ gha ɨnû jìm mbe nɨ à fə zə bə̀ zu ɨmbə̀ʼ əməd əmbɨ ə bə̂d mɨjìm.

Ɨ̀fàʼì 26:16

Nɔʼɔ təm, mə fə jwɨ̀ ənɨ e ɨfě, ɨmbə̀ʼ chɔʼ əwe ni à faʼ ɨ num, ghà ɨnû mbe nɨ à zə ɨmbə̀ʼ əmɨ bə̀ ghà mbe nɨ mə̀ bɨrɨ chwi ɨ ne.

Ɨ̀fàʼì 4:20

Chəi tɨ̀ bɨrɨ sob nɨ gha ɨnû mbe nɨ tɨ̀ fə zə bə̀ zu.”

1 Kɔrèn 1:6

Əzɔ̂ ə chwi ɨ nən ni ɨnû mbe nɨ mɨə ghà ɨmbə̀ʼ ə Kristo berɨ yeʼ ənû rəsìʼ.

1 Kɔrèn 2:1

Mbɨ bɔŋgɔb, ənɨ mə̀ nyaʼa yeʼe əsɨ nən, chəi mə̀ nyaʼa gha ɨnû mbe nɨ yeʼ ənə̀mə ɨmbə̀ʼ ə Ŋwìə̀ ɨ nən ənɨ mɨŋgam kyeŋ kɨ̀ mbɨ ɨwe kyeŋ,

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

3 Jɔn 1:12

Wə̀d jìm wɨə ghà ɨnû chɔ̀m ɨmbə̀ʼ ə Dèmetriùs. Məd wɨə chub àmei ɨchî nɨ rəsìʼ we nɨ yeʼ ɨŋga Ə̀ŋwàʼnɨ̀ ə Ŋwiə̀ kəbɨ. Mba bə tɨ̀ bə̀ ben ni məd wɨə chub ɨchî nɨ rəsìʼ chwiə. Əne mbə̀ kyerɨ ni ənû ze nɨ tɨ̀ gha yɨ ənû rəsìʼ.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:19

Əne ŋwàʼnɨ̀ ɨnû jìm mbe nɨ à fə zə, əne yɨ mbe nɨ yeʼ rɨ̀nîn mbɨ mbe nɨ bɨrɨ ghɨ̀ əwu rənjìm.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ɨnû 12:17

Tɨ̀sɔ̀ʼɔ̀ jɔ ze nyaʼa sə ɨtəm əbɔʼ əyi we. Əne zɨ̀ nyaʼa wò kɔ maʼ bid mbɨ ə bɔn mbe nɨ buʼu tɨ ənɨ bɔn əyi we, əne yɨə bə̂d mbe nɨə nuŋ tɨkə rɨ Ŋwiə̀ mbɨ mbe nɨ nyaʼə ghà rəsìʼ ɨmbə̀ʼ ə Yeso. [

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.

Ɨnû 22:21

Ə̀nùŋɨ̀sɨg Yeso ghɨ ɨ̀chɔ̀m ənɨ ə bə̂d Ŋwiə̀ mɨ̀jìm. À yɨ əne.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.