Ɨnû 1:18 - Meta’

¹⁸ Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ikan feg

¹⁸ Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 1:18 ပူးပေါင်းရင်းမြစ်များ

Matìyò 11:23

À yeʼ ɨmbə̀ʼ əwe, àwɔ̀ Kàpenàhom, mbɨ wa bɨrɨ nɔ əwe ɨkaŋ ə? Chə̂, mbɨ bɨrɨ swi əwe màʼ ɨŋga əbeŋ ɨvɨ bə̂d, ɨmbə̀ʼ ɨghəm nɨ à kɨ nɨ ɨnû yiirɨ mbe nɨ mbɨ nyaʼa ghɨ ɨŋga ne, yɨ mbɨ nyaʼa ghɨ ə Sodòm, njɨ Sodòm wɨə kɨrɨ i pè rə̀chɔ̀ŋ!

Matìyò 16:19

Mə bɨrɨ naʼ əfiʼ tɨ ənɨ ənû ɨfɔ̀n rɨkaŋ ɨ ne. Ənû ze nɨ à ton ɨgwɨ ə si, Ŋwìə̀ bɨrɨ bɨ ton ɨkaŋ. Ənû ze nɨ à ben ɨgwɨ ə si, Ŋwìə̀ bɨrɨ bɨ ben ɨkaŋ.”

Lk 24:5

Ɨfeŋ nyaʼa yim məyi mbe, mbɨ bindɨ əne chəŋ mbə ɨtu ə si. Mbaŋə̀ te nyaʼa biirɨ əmbɨ mɨ̀mə̌d ni, “Mbə̀ kɨə kə̀bə̀ wə̀d we nɨ yeʼ ɨkǎ əkaʼ ɨvɨ bə̂d ɨmbə̀ʼ ə ye ə?

Jn 11:25

Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Rm 6:9

Tɨ̀ kyerɨ ni ɨchî nɨ Ŋwìə̀ nyaʼa fə zwemnɨ ə Kristo, ka wɨ̀ bɨrɨ nɔ wɨrɨ kwɨ i. Chəi ɨvɨ wɨrɨ berɨ ɨka ɨgwɨ məd.

2 Kɔrèn 13:4

Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Kòlosè 3:3

Mbə fə kwɨ, əne ə ɨ̀tènɨ̀ wɨ ənə̀mə mbɨ Kristo ɨfě Ŋwiə̀.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 7:16

Məd yɨə wə̀d mbàn Ŋwìə̀, kaʼ i ɨmbə̀ʼ ɨchî nɨ tɨkə ɨnəbɨ chwi əne. Məd yɨə wə̀d mbàn Ŋwìə̀ ənjìm ɨka we nɨ yeʼ ənɨ ɨ̀tènɨ̀ we nɨ chəi ənɨ tɨ̀ əghɨ ə mɔʼɔ nimnɨ.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Ɨnû 10:6

əne kàn ənɨ ɨkum məd we nɨ ten i koŋ, nɨ à yɨə məd nyaʼa tekɨ ɨkaŋ bə̀ tekɨ ɨghɨjìm mbe nɨ yeʼ ɨkaŋ, tekɨ si bə̀ tekɨ ɨghɨjìm mbe nɨ yeʼ ɨgwɨ ə si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga rɨ̀bàà. Wɨ̀ nyaʼa kàn ghà ni, “Chəi Ŋwìə̀ bɨrɨ wɨrɨ wòm.

Ɨnû 15:7

Əghɨ ə mɔʼ rəbɔʼ ɨghɨ ɨkwè mbe nɨ yeʼ ɨkǎ nyaʼa nàʼ ɨŋgupɨ ɨkaŋ sambe nɨ mbɨ nyaʼa tekɨ ənɨ ə gôl əmbɨ mbɨ̀aŋgɨrə̀ mbe sambe. Ɨsə ɨtəm Ŋwìə̀ we nɨ tən i koŋ koŋ nyaʼa swi ɨŋga ŋgupɨ ɨkaŋ mbe.

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.

Ɨnû 20:13

Rɨ̀bàà nyaʼa chɨ̀ ɨvɨ bə̂d mbe nɨ nyaʼa ɨŋga məd. Ɨvɨ mbɨ əbeŋ ɨvɨ bə̂d nyaʼa bə̀ chɨ̀ ɨvɨ bə̂d mbe nɨ nyaʼa ɨŋga mɨ̀mə̌d. Ŋwìə̀ nyaʼa saʼ mɨ̀mə̌d mɨjìm beenɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:14

Əne mbɨ nyaʼa màʼ Ɨvɨ mbɨ əbeŋ ɨvɨ bə̂d ɨŋga ɨwid kyeŋ. Ɨwid kyeŋ we yɨ ɨvɨ we nɨ pe ənɨ wɨ be.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.

Ɨnû 4:9

Ənɨ ɨghɨ mbe nɨ yeʼ ɨkǎ naʼ wumnɨ, yiirɨ bə̀ nàʼ məben-əwe əmbɨ məd we nɨ chub ɨgun ətən ɨfɔ̀n ze, nɨ wɨ̀ yeʼ ɨkǎ koŋ koŋ,

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 6:8

Mə nyaʼa neŋ, əne zə ngyǐ nɨ nyaʼa əfuʼnɨ əfuʼnɨ̀. Ɨkum wə̀d we nɨ nyaʼa kɔʼ ngyǐ ze yɨ Ɨvɨ. Əbeŋ ɨvɨ bə̂d zɨə nyaʼə beenɨ əbɔʼ məd. Mbɨ nyaʼa naʼ ɨka əmbɨ mɨ̀mə̌d ni mbɨ zwiirɨ bə̂d rɨŋga əbà ə fibɨ̀ tɨ ənɨ mbɨ kwè ɨgwɨ ə si ənɨ ə bid, ənɨ ə njì kǎ kǎ, ənɨ ɨwɔn bə̀ fɔrɨ ənɨ ə nyam tɔ̂ tɔ̂ te rɨ ɨgwɨ ə si.

Ɨnû 9:1

Aŋgɨrə̀ we nɨ pe ənɨ mbɨ mɨtân nyaʼa fə i tàŋ, əne mə nyaʼa zə fɨtəmɨ nɨ nyaʼa nɔʼ rɨkaŋ feŋ ɨgwɨ ə si. Mbɨ nyaʼa nàʼ əfiʼ tɨ ənɨ ɨchû ɨbɨgɨ nɨ chəi ɨnwǐ ɨ bɔ.