Ɨnû 1:11 - Meta’

¹¹ ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ikan feg

¹¹ “Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:11 ပူးပေါင်းရင်းမြစ်များ

Ɨ̀fàʼì 16:14

Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

Ɨ̀fàʼì 18:24

À nyaʼa ənɨ ə nyùmə̀ we, Jû mɔʼɔ nɨ ɨkum məd nyaʼə Àpolòs nyaʼa wò ə Efesùs. Mbɨ nyaʼa gywɨ əməd ə Àlèzandrià. Wɨ̀ nyaʼa berɨ ɨŋgam ɨchû bə̀ kyerɨ ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀ kwàʼ ɨchî chɔ̀m.

Ɨ̀fàʼì 20:17

Pɔ̂l nyaʼa pè ə Miletùs chà mbɨ tɔŋ bə̂d mbe nɨ nyaʼə chà ɨfetɨ bə̂d Kristo we rɨ ə Efesùs ni mbɨ yeʼe kumnɨ əwi.

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

1 Kɔrèn 16:8

Àyɨə rɨ̀nîn, mə bɨrɨ kɨrɨ chub ə Efesùs pè əni ə Pentekɔ̀s,

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Kòlosè 2:1

Mə wɨə kə̀bə̀ ni mbə̀ kyerɨ ni mə wɨə fàʼ rɨka ɨmbə̀ʼ əwən, ɨmbə̀ʼ bə̂d mbe rɨ ə Laodisià, fɔrɨ ɨmbə̀ʼ bə̂d mɨjìm mbe nɨ chəi mbɨ kyerɨ əmɨ.

1 Timotì 1:3

Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.

Ɨnû 1:19

Əne ŋwàʼnɨ̀ ɨnû jìm mbe nɨ à fə zə, əne yɨ mbe nɨ yeʼ rɨ̀nîn mbɨ mbe nɨ bɨrɨ ghɨ̀ əwu rənjìm.

Ɨnû 1:2

Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ɨnû 1:20

Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 10:4

Ənɨ mbə̀ŋ ze nyaʼa kum ɨghəm sambe, mə nyaʼa nɨrə ŋwàʼnɨ̀ ɨnû mbe nɨ mbə̀ŋ ze nyaʼa kumɨ ghà ɨ num, àyɨə mə nyaʼa zu gɨ̂ nɨ nyaʼa ghàm rɨkaŋ ghà ni, “Tɨrə̀ tɔ ghà e ənû ze nɨ mbə̀ŋ kum ɨghəm sambe ghà ɨ ne. Tɨrə̀ bɨ tɔ ŋwàʼnɨ̀ e ə si.”

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 2:1

Ə̀nùŋɨ̀sɨg Yeso nyaʼa gha ɨ num ni, “Ŋwaʼnɨ əmbɨ aŋgɨrə̀ we nɨə nəŋgɨ ɨfetɨ bə̂d Kristo we rɨ ə Efesùs ni: “Wə̀d we nɨ yim rɨtəmɨ te sambe ɨŋga e əbɔ ə jɨgɨ, nɨə yèn əkaʼ ɨghɨ mbe sambe nɨ mbɨə te ɨnam ɨgun, nɨ mbɨ tekɨ ənɨ ə gôl, ə ghà ni,

Ɨnû 2:12

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Pegamùm ni, 'Ɨŋgam wɔ̂ yɨ rɨ əmbɨ wə̀d we nɨ berɨ ɨbi bid we nɨə tɔ ɨba jìm.

Ɨnû 2:18

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Tìatirà ni, 'Ɨŋgam wɔ̂ yɨ rɨ əmbɨ ə Wan Ŋwìə̀ we nɨ əghə əməd ə berɨ ɨghabɨ ɨnemɨ ɨwid, nɨ tɨkyerɨ-ɨwu məd yeʼ ɨghabɨ ə brɔnz nɨ mbɨ chiʼi.

Ɨnû 2:24

Àyɨə əmbɨ ə mbə̀n mbe nɨ buʼ ə Tìatirà, nɨ chəi mbɨə beenɨ əbɔʼ ɨnû mbɔ̂, nɨ chəi mbə̀ kɨrɨ kwembɨ ɨnû mbe nɨ yeʼ ənə̀mə ɨmbə̀ʼ ə Satàn, mə ghà ɨ nən ni chəi mə bɨrɨ zɨ ɨkom cherə ɨgwɨ nən.

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.

Ɨnû 21:5

Məd we nɨ nyaʼa chub ɨgun ətən ɨfɔ̀n ze nyaʼa ghà ni, “Mbə̀ zə, mə wɨə tekɨ ɨghɨjìm ənɨ mbɨ fi!” Wɨ̀ nyaʼa bə̀ ghà ni, “Ŋwaʼnɨ ənû zɔ̂ ɨmbə̀ʼ ɨghəm nɨ mɨŋgam mbɔ̂ yɨ mɨŋgam rəsìʼ nɨ tɨ̀ bə̂d benɨ.”

Ɨnû 22:10

Wɨ̀ nyaʼa ghà ɨ num ni, “Tɨrə̀ tɔ nə̀m e mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ zambɨ ghɨ̀ fə tiinə.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 3:1

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.

Ɨnû 3:4

Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.