Ɨnû 1:1 - Meta’

¹ Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ikan feg

¹ Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 1:1 ပူးပေါင်းရင်းမြစ်များ

Jn 12:49

Chəi mə̀ gha ɨnû mbɔ̂ ənɨ mɨ ɨghəm. Mɨ Mbǎʼ ziə we nɨ nyaʼa tom əmɨ fə nàʼ ɨkə ɨ num ɨmbə̀ʼ ənû ze nɨ mə berɨ nɨ ghà bə̀ ghàm.

Jn 15:15

Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Jn 17:8

Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.

Jn 3:32

Məd wɨə ghàə̀ ɨnû mbe nɨ wɨ̀ fə zə bə̀ zu, àyɨə chəi wə̀d nɨ ben ənû ze nɨ wɨə ghàə̀.

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Gàlesìyà 1:12

Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

Efesùs 3:3

Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Ɨnû 1:19

Əne ŋwàʼnɨ̀ ɨnû jìm mbe nɨ à fə zə, əne yɨ mbe nɨ yeʼ rɨ̀nîn mbɨ mbe nɨ bɨrɨ ghɨ̀ əwu rənjìm.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 17:1

Aŋgɨrə̀ fibɨ̀ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nyaʼa yeʼe pè ghà ɨ num ni, “Yeʼe, mə bɨrɨ chwi ɨchî nɨ mbɨ bɨrɨ chə ə̀kùnɨ̀ ə ka ze nɨ chub ɨgun mɨgyɨ̂ kyeŋ nɔnɔʼ ɨ ne.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 21:2

Mə nyaʼa zə əsɨ ə zeŋɨ nɨ nyaʼə swiʼə rɨkaŋ tɨ əmbɨ ə Ŋwiə̀. Əsɨ ə zeŋɨ ze yɨə Jèrusalèm fi. Mbɨ nyaʼa fə tekɨ əməd bə̀ yèʼ ɨchî nɨ mbɨə yèʼ ɨgən nɨ mbɨə wo chà əmbɨ ɨnom məd.

Ɨnû 21:9

Wɨ mɔʼɔ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nɨ ŋgəʼ kǎ kǎ te sambe nɨ sɨ nwìə̀ nyaʼa swi ɨŋga, nyaʼa yeʼe ghà ɨ num ni, “Yeʼe, mə bɨrɨ chwi ɨgən we nɨ yeʼ ɨwi Wan njɨ̀g ɨ ne.”

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:6

Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”

Ɨnû 22:8

Mɔ̌, Jɔ̌n, yɨə wə̀d we nɨ nyaʼa zu bə̀ zə ɨnû mbɔ̂. Ənɨ mə nyaʼa zu bə̀ zə, mə nyaʼa gundɨ ə si ɨban ɨwu aŋgɨrə̀ we nɨ nyaʼa chwi ɨnû mbɔ̂ ɨ num. Mə nyaʼa gundɨ ɨmbə̀ʼ wumnɨ əməd.

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”

Ɨnû 4:1

Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”

Ɨnû 5:7

Wan njɨ̀g we nyaʼa wò nɨŋ ə̀ŋwàʼnɨ̀ ze rɨŋga əbɔ ə jɨgɨ məd we nɨ nyaʼa chub ɨgun ətən ɨfɔ̀n.