Ɨ̀fàʼì 9:31 - Meta’

³¹ À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Ikan feg

³¹ Anyumə̀ we, tifeti bəd Kristo tijìm te ne yaʼi a Jùdeyà fɔrɔ Galìli fɔrɔ Sàmarìyà ya yaʼ ane àbɔrɔ̀bɔd. Bəd mbe ne ya bḛ ikən chɔm yaya ghùmnə Anɔŋisəg. Azwighi Ŋwiye yaya wètè bəd mbe ne ya bḛ Kristo ni ghì gha mbe təm kà. Ìwɔb inɔ̰ yaya kwèghe ghò gho imbìghè.

Ɨ̀fàʼì 9:31 ပူးပေါင်းရင်းမြစ်များ

Ɨ̀fàʼì 12:24

Ɨŋgam Ŋwiə̀ wɨə nyaʼə jàŋə̀ wò ɨmbì. Bə̂d mɨ̀nɔnɔʼ nyaʼa zu benɨ.

Ɨ̀fàʼì 16:5

Əze ə nyaʼa ghɨ̀ ni bə̂d rɨŋga tɨfetɨ bə̂d Kristo berɨ ɨbenɨ nɨ kaanɨ. Ɨnun bə̂d mbe nɨ nyaʼa ben ə Kristo wɨə nyaʼə nɔʼrɨə wò ɨmbì ɨni jìm.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 5:11

Ɨfetɨ bə̂d Kristo mbɨ ə bə̂d mɨ̀jìm mbe nɨ nyaʼa zu ɨnû mbɔ̂ nyaʼa bɔ kwàʼ rɨŋgəʼ.”

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

1 Kɔrèn 14:12

À yɨ bə̀ əndəŋ əndəŋ mbɨ nən. Ɨchî nɨ mbə̀ə kàŋə̀ kə̀b nɨ berɨ mɨneʼe mbe nɨ Əzwî ə Zeŋɨ ə nàʼə̀, əne mbə̀ kywɨ ənywɨ zə ni mbə̀ berɨ mɨneʼe mbe nɨə ghɨ̀ ni ɨfetɨ bə̂d Kristo təm kàànɨ̀.

1 Kɔrèn 14:26

Mbɨ bɔŋgɔb, tɨ̀ gha ni yè ə? Ənɨ mbə̀ bomnɨ, wə̀d mɔʼɔ naʼ ɨkyî, wɨ cherə chwi ənû, wɨ cherə gha ənû ze nɨ Ŋwìə̀ gha ɨ bɔ, wɨ cherə gham ɨŋgam rɨsɔ̀ʼɔ̀, wɨ cherə toʼrɨ ɨŋgam we. Mbə̀ sɨə ghɨ̀ ɨnû jìm ɨmbə̀ʼ mbə̀n mɨjìm təm kàànɨ̀.

2 Kɔrèn 10:8

Ka à bè yeʼi ni mə wɨə goŋ ɨgɔ̂ əku ɨmbə̀ʼ ɨka we nɨ Ə̀nùŋɨ̀sɨg naʼ ɨ na, chəi mɨ ətu ə bɨrɨ nìd. Ɨka we yɨ ni tɨ̀ ghɨ mbə təm kàànɨ̀, kaʼi nɨ ghɨ ni tə fîŋ bɔd.

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 13:10

Mə wɨə ŋwaʼnɨ ɨnû mbɔ̂ nɨ chəi əmɨ mbɨ nən, ɨmbə̀ʼ ənɨ mə̀ yeʼe, chəi mə bɨrɨ nɨŋ ɨka we nɨ Ə̀nùŋɨ̀sɨg naʼ ɨ num nya əbɔʼ nən. Ɨka we yɨ nɨ ghɨ ni mbə̀ təm kàànɨ̀, kaʼi nɨ ghɨ ni mbə̀ bɔd.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Efesùs 4:16

À yɨ əton məd nɨ ɨsɨ ɨnyod jìm fɔtɨ ghɨ̀ nyamnyod mɔʼ. Tɨnyê tɨə ghɨ̀ ni ɨsɨ ɨnyod jìm fɔtɨ. Əsɨ ɨnyod ə mɔʼ ə mɨ yeʼə fàʼ ɨchî chɔ̀m, ɨghaʼi bɨrɨ ghɨ ni ɨnyod jìm sɨə kwiə wò ɨmbì.

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Efesùs 5:21

Mbə zuunɨ ə mbənə mbənə ɨmbə̀ʼ chwi ni mbə̀ mbɨə wumnɨ ə Kristo.

Fìlipì 2:1

Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.

1 Timotì 1:4

Gha əmbɨ mɨ̀mə̌d ni tɨ mbɨ wɨrɨə gha ə tɨpoʼ əko mbɨ ənû ɨmbə̀ʼ tɨwaŋ bə̂d nɨ chəi ɨnwǐ. Ɨnû mbɔ̂ mbɨə ghɨ̀ə̀ ni bə̂d taŋ ə. Chəi tàŋ ə ghɨ̀ ni bə̂d ghɨ ɨnû mbe nɨ Ŋwìə̀ kəbɨ. Bə̂d bɨrɨ kyerɨ ɨnû mbe nɨ Ŋwìə̀ kəbɨ àmei ənjìm ɨbenɨ.

Mə̀Hibrù 4:9

Əne əni ə̀zwììrɨ̀ ə zɨə kɨrɨ i əmbɨ ə bə̂d Ŋwiə̀.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.