Ɨ̀fàʼì 9:2 - Meta’

² pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

Ikan feg

² Àŋwàʼrì ze ya ni tòʼrì wə̀d ne Sɔl yaʼi abə bəd inga məchamì Ŋwiye mbe a Dàmaskòs. Ze biri ghì mbɔb kyeri gha Sɔl mə̀ bàd bəd mɔ̀ʼɔ angu ne bène abɔ̀ʼ Inɔnjì we ne Yeso yaya chwìte, kə̀ àkə mə̀yi kə̀ àkə mbaŋà, məd we tì wì gwitì awɔb kɔd niŋ ghò a Jèrusalèm ane bəd ndəŋ.

Ɨ̀fàʼì 9:2 ပူးပေါင်းရင်းမြစ်များ

Matìyò 10:17

Mbə̀ we əwən mbɨ ə bə̂d, ɨmbə̀ʼ ɨghəm nɨ mbɨ bɨrɨ yim əwən wò naʼ əmbɨ mə̀saʼ əbeŋ. Mbɨ bɨrɨ bɨ te əwən ɨŋga nəb tɨ ə̀kàtɨ̀ tɨ mɨ̀mə̌d.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Ɨ̀fàʼì 18:25

Wɨ̀ nyaʼa fə kwembɨ ɨnû ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Ɨ wɨə nyaʼə ghà ɨŋgam Ŋwiə̀ bə̀ chwi ɨnû ɨmbə̀ʼ ə Yeso ɨchî nɨ kuʼnɨ, ka à be yeʼi ni wɨ̀ nyaʼa kyerɨ àmei ənû ɨmbə̀ʼ ɨchî nɨ Jɔ̌n nyaʼə nàʼ mɨnib.

Ɨ̀fàʼì 19:23

À nyaʼa ənɨ ə nyùmə̀ we, əchɔb ə ka ka ə nyaʼa jwɨ̀ ə Efesùs ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə.

Ɨ̀fàʼì 19:9

Àyɨə mbɨ mɔʼɔ nyaʼa koorɨ mbə ɨ̀tǒŋ. Chəi mbɨ nyaʼa ben ənû ze nɨ Pɔ̂l nyaʼə ghàə̀. Mbɨ nyaʼa kɔ ghà ɨnû rɨbɔ̀ŋ ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Əne Pɔ̂l nyaʼa jwɨ̀ i rəkaʼ mɨ̀mə̌d. Wɨ̀ nyaʼa nɨŋ bə̂d mbe nɨ nyaʼa ben ə Kristo mbɨ ni, mbɨ kɔ taŋ ɨni jìm ɨŋga ɨ̀chàm we nɨ Tìranùs nyaʼə chwi ɨnû ɨŋga.

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 24:22

Felìz nɨ nyaʼa jeŋgɨ kyerɨ Ɨnə̂njɨ̀ we nɨ Yeso nyaʼa chwiə, nyaʼa chà ɨsaʼi we ɨmbì, ghàə̀ ni, “Ənɨ Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ swiʼi yeʼe, mə bɨrɨ sob ɨsaʼi wɔ̂.”

Ɨ̀fàʼì 26:10

Mə wɨə nyaʼə ghɨ̀ əne ə Jèrusalèm. Bə̂d kyeŋ mbe rɨ ə mbàn Ŋwìə̀ nyaʼa nàʼ ɨka ɨ num ni mə wupɨ bə̂d Kristo nɔnɔʼ ə nəb ndəŋ. Ənɨ mbɨ nyaʼa sob ni mbɨ zwiirɨ mɨ̀mə̌d, mə nyaʼa bə̀ benɨ.

Ɨ̀fàʼì 26:12

“À yɨ ɨmbə̀ʼ ənû zɔ̂ nɨ bə̂d kyeŋ mbe rɨ ə mbàn Ŋwìə̀ nyaʼa naʼ ɨka ɨ num bə̀ tom əmɨ ə Dàmaskɔ̀s.

Ɨ̀fàʼì 6:9

Bə̂d mɔʼɔ nɨ nyaʼa rɨŋga nəb ə̀kàtɨ̀ mɨ̀Jû mbe nɨ nyaʼa jwɨ rɨ ənɨ ə̀bòʼò, ɨchî nɨ mbɨ nyaʼə tɔŋə nəb ə̀kàtɨ̀ ze, nyaʼa kɔ tàŋɨ mbɨ Stɨfɨ̀n. Bə̂d mbe yɨə nyaʼə mɨ̀Jû nɨ nyaʼa rɨ ə Sìrin, rɨ ə Àlèzandrià, rɨ ə Selisià bə̀ fɔrɨ rɨ ə Esià.

Ɨ̀fàʼì 7:19

Wɨ̀ nyaʼa taŋ mɨnaŋ ɨgwɨ mba bə̂d, ghɨ̀ ɨzɨg ənɨ mɨ̀mə̌d ɨchî nɨ wɨ̀ nyaʼa nyeŋ mɨ̀mə̌d ni mbɨ waʼ mbə bɔn bɔd ɨsɨg, ɨmbə̀ʼ mbɨ kwɨrɨ.

Ɨ̀fàʼì 9:14

Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”

Ɨ̀fàʼì 9:21

Bə̂d mɨjìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ əne biirɨ ni, “Ka wɔ̂ wa kɨ i mbaŋə̀ ze nɨə kə̀ʼə̀ nàʼə̀ ŋgəʼ əmbɨ ə bə̂d mbe nɨə tɔŋ ɨkum wɔ̂ ə? Wɨ̀ rɨ wa yeʼe i əgha ɨmbə̀ʼ gywɨ bə̂d mbe nɨə wumnɨə mbaŋə̀ ze nɨ mbɨə tɔŋ ənɨ Yeso, kod mɨ̀mə̌d nɨŋ wò əsɨ bə̂d kyeŋ mbe rɨ ə mbàn Ŋwìə̀ ə?”

2 Kɔrèn 11:32

Ənɨ mə nyaʼa ə Dàmaskɔ̀s, gɔmnà we nɨ nyaʼa əton ɨfɔ̀n Aretàs nyaʼa chà mɨ̀sɔgyɨ̀ ni mbɨ nəŋgɨ əsɨ ze ɨmbə̀ʼ gywɨ əmɨ.

Gàlesìyà 1:17

Chəi mə̀ nyaʼa be wò ə Jèrusalèm ɨ zə bə̂d mbe nɨ nyaʼa ə bə̂d tom Kristo ɨmbì num. Mə nyaʼa wò əwu əwən yeʼ ə Àrebìà bɔŋ mə̀ nyaʼa sɨ wɨrɨ bə̀ndɨ̀ wò ə Dàmaskɔ̀s.