Ɨ̀fàʼì 9:17 - Meta’

¹⁷ Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.”

Ikan feg

¹⁷ Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Ɨ̀fàʼì 9:17 ပူးပေါင်းရင်းမြစ်များ

Matìyò 19:13

Bə̂d mɔʼɔ mbɨə nyaʼə nɨŋə bɔn kwa wò əsɨ Yeso ɨmbə̀ʼ wɨ̀ zab mbi ɨbɔ bə̀ kɔ̀ŋgɨ̀ ə Ŋwiə̀ ɨgwɨ mɨ̀mə̌d. Mə̀mə̀ə̀nɨ̀-ɨnû ɨməd nyaʼa ghàm əbɔʼ ə bə̂d mbe.

Mk 5:23

buʼ ɨbɔ ɨ bɔ ənɨ i fîŋ jìm ghà ni, “Mɨ wan əyi kwa wɨə wɔ̀nə̀. Ɨ wɨə sɨə wo kwɨ. Mə buʼ ɨbɔ ni à yeʼe zab mbe ɨbɔ ɨgwɨ məd, ɨmbə̀ʼ wɨ̀ bɔtɨ wɨrɨ chub ɨkǎ.”

Mk 6:5

Chəi wɨ̀ nyaʼa ghɨ̌ ənû ə yiirɨ ə mɔʼɔ əŋgu, chè rɨ ənɨ ɨchî nɨ wɨ̀ nyaʼa zab mbi ɨbɔ ɨgun ə bə̂d əwɔn mɔʼɔ rɨpiî, vɨ̀ mɨ̀mə̌d.

Lk 1:41

Ənɨ Èlisabèt nyaʼa zu ə̀chàʼrɨ̀ ə Mèri, wan we nyaʼa gàtɨ̀ ɨŋga ɨ̀bùm məd. Əzwî ə Zeŋɨ nyaʼa swi ɨŋga məd,

Lk 1:67

Əzwî ə Zeŋɨ nyaʼa swi ɨŋga Zèkàriyà, mbǎʼ Jɔ̌n, əne wɨ̀ nyaʼa ghà ɨkə̂n Ŋwiə̀ ni,

Lk 1:76

Àwɔ̀ wan, mbɨ bɨrɨ tɔŋ əwe ni àwɔ̀ yɨə wə̀d ɨ̀kə̀n Ə̀chè-ɨsɨg, ɨmbə̀ʼ ɨghəm nɨ à bɨrɨ chè ɨmbì əmbɨ Ə̀nùŋɨ̀sɨg ɨmbə̀ʼ tekɨ ɨnə̂njɨ̀ ɨ bɔ,

Lk 15:30

Àyɨə ənɨ wan wɔ̂ ɨ ne yeʼe, nɨ fə kud mbe ɨghɨ mbɨ ɨ̀kùnɨ̀, à zwiirɨ rɨkun ze nɨ mbɨ jə zɨ̀ jeŋgɨ faŋ ɨ bɔ!'

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 13:3

Ənɨ mbɨ nyaʼa fə chub rɨ jɨg bə̀ kɔ̀ŋgɨ̀ ə Ŋwiə̀ màànɨ̀, mbɨ nyaʼa zab mbə ɨbɔ ɨgwɨ mɨ̀mə̌d, chà mɨ̀mə̌d ni mbɨ wò ə.

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 21:20

Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ɨ̀fàʼì 26:15

Mə nyaʼa biirɨ ni, 'Àwɔ̀ kɨə we, Ə̀nùŋɨ̀sɨg ə?' Ə̀nùŋɨ̀sɨg nyaʼa ghà ni, 'Mɔ̌ yɨə Yeso we nɨ àwɔ̀ ə nwèndɨ̀ tɨkyerɨ-ɨwu məd.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Ɨ̀fàʼì 6:6

Mbɨ nyaʼa nuŋ mbaŋə̀ tɔ̂ sambe ɨfě bə̂d tom mbe, əne mbɨ nyaʼa kɔŋgɨ ə Ŋwiə̀ bə̀ zab mbə ɨbɔ ɨgwɨ mɨ̀mə̌d.

Ɨ̀fàʼì 8:17

Ənɨ Pità mbɨ Jɔ̌n nyaʼa zab mbə ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d.

Ɨ̀fàʼì 9:18

Àmei əwu əwən, əghɨ ə mɔʼɔ ɨghabɨ əkəb əgwi nyaʼa feŋ tɨ ənɨ əghə əməd, əne wɨ̀ nyaʼa wɨrɨ kɔ zə ɨsɨ. Wɨ̀ nyaʼa nɔ̀ʼ nɨŋ mɨnib.

Rm 15:7

Mbə nɨŋ wə̀d mɔʼ mɔʼ ɨchî nɨ Kristo fə nɨŋ əwən. Mbə̀ ghɨ əne ɨmbə̀ʼ naʼ ɨwumnɨ əmbɨ ə Ŋwiə̀.

1 Kɔrèn 15:47

Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

1 Kɔrèn 15:8

Wɨ̀ nyaʼa sɨ nwìə̀ jwɨ̀ ənɨ mɨ ɨfě. Mɔ̌ yɨ ɨghabɨ ə wə̀d nɨ mbɨ nyaʼa gywɨ nɨ chəi nyùmə̀ nyaʼa kɨrɨ kuʼ.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

1 Timotì 4:14

Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

1 Timotì 5:22

Tɨrə̀ kɨə zàmbɨ̀ə̀ zab e mbe ɨbɔ ɨgun ə bə̂d ənɨ àwɔ̀ ə zɔʼə mɨ̀mə̌d ənɨ ə bə̂d nɨə chà ɨfetɨ. Tɨrə̀ zɨ e əbɔ ɨŋga ɨnû rɨbɔ̀ŋ bə̂d cherə. Nuŋ e ɨnyod ni wɨ chub ɨzeŋɨ zeŋɨ.

2 Timotì 1:6

Ɨchî nɨ à ben ə Kristo əni, mə wɨə kə̀bə̀ ni à nɔɔrɨ ɨneʼe we nɨ yeʼ ɨŋga ne, nɨ Ŋwìə̀ nyaʼa naʼ ɨ ne ənɨ ə nyùmə̀ we nɨ mə nyaʼa zab mbɨ ɨbɔ ɨgwɨ ne.

Filemɔ̀n 1:16

Chəi à bɨrɨ wɨrɨ nɨŋ əməd ɨghabɨ ə̀bòʼò. À bɨrɨ nɨŋ əməd ɨghabɨ wə̀d nɨ chè ə̀bòʼò. Məd yɨ aŋgɔb nɨ tɨ̀ ghaʼi kwàʼ rɨŋgəʼ. Mə ghaʼ əməd, àyɨə mə kyerɨ ni à ghaʼ əməd chè əmɨ. Ghaʼ əməd ɨghabɨ ə̀bòʼò fɔrɨ ɨghabɨ aŋgɔb ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg.

Mə̀Hibrù 6:2

Tɨ rɨ wɨrɨ gha a ɨmbə̀ʼ ənû nɨ nɨŋ mɨnib, ɨmbə̀ʼ ənû nɨ zab ɨbɔ ɨgwɨ ə bə̂d, ɨmbə̀ʼ ənû nɨ bə̂d bɨrɨ zwemə fɔrɨ ɨmbə̀ʼ ənû nɨ Ŋwìə̀ bɨrɨ sob mɨsaʼi koŋ.

2 Pità 3:15

Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.