Ɨ̀fàʼì 7:8 - Meta’

⁸ Ŋwìə̀ nyaʼa ghà əne san fɨso mbɨ Abràham ni wɨ̀ ne bɔn mbaŋə̀. Abràham nyaʼa gywɨ ə Aizìk, ne əməd ɨgwɨ ɨni famɨ. Aizìk nyaʼa gywɨ ə Jakɔ̂b, Jakɔ̂b nyaʼa sɨ gywɨ mɨ̀mbǎʼ ɨnəbɨ mɨ̀Izre mbe wum chɔ̀b rɨ̀be.

Ikan feg

⁸ Ŋwiye ya ghà ane wàd ikan tì Abràham gha wì ŋwed bɔn mbaŋà. Anyumə̀ ne Abràham ya gwiye Azìg, ineg ya chè ìfàmi, wì ŋwed aməd. Anyumə̀ ne Azìg ya gwi Jàkɔb, ineg ya chè ìfàmi wì bə ŋwed aməd. Jàkɔb yaya bə̀ gwìye ìmbi tì bɔn ŋwère ane ineg chè ìfàmi. À ya Jàkɔb ya si gwi mə̀mbaʼ mə̀Izre mbe ìghum chɔ̀b ibe.

Ɨ̀fàʼì 7:8 ပူးပေါင်းရင်းမြစ်များ

Matìyò 1:2

Abràham yɨə nyaʼə mbǎʼ Aizìk. Aizìk yɨə nyaʼə mbǎʼ Jakɔ̂b. Jakɔ̂b yɨə nyaʼə mbǎʼ Judà mbɨ ə bɔŋgɔb məd.

Jn 7:22

Mose nyaʼa ghà ni mbə̀ ne mbə bɔn mbaŋə̀. (Kaʼi Mose nyaʼa gha ənû zɔ̂. À yɨ mbə mɨ̀mbǎʼ ɨnəbɨ nyaʼa gha ni mbə̀ ghɨ əne.) Əne mbə mbɨə nèə̀ bɔn mbaŋə̀ əni əkwɨ, nɨ kaʼi əni nɨ bə̂d berɨ nɨ fàʼ.

Ɨ̀fàʼì 2:29

“Mbɨ bɔŋgɔb, mə we tɨ̀ mə ghà ɨ nən ni mə kyerɨ ni à yɨ rəsìʼ ni à mbǎʼ ɨnəbɨ, Dèvîd, nyaʼa kwɨ mbɨ tweŋ əməd. Ətu ɨsì əməd ə zɨ mbɨ na yeʼe pè rə̀chɔ̀ŋ.

Rm 4:10

Ŋwìə̀ nyaʼa ben ni məd ə təm kùʼnɨ̀ əwù zi ə? À kɨ bɔŋ mbɨ nyaʼa sɨə ne əməd kɨ̀ ənɨ mbɨ nyaʼa fə ne əməd ə? Ŋwìə̀ nyaʼa bè ben əməd bɔŋ mbɨ nyaʼa sɨə ne əməd.

Gàlesìyà 3:15

Mbɨ bɔŋgɔb, mə bɨrɨ nɨŋ ənweenɨ rɨ ənɨ ɨnû mbe nɨ bə̂d mɨ̀sɔŋɨchù ə ghɨ̀ ɨni jìm: Bə̂d mɨ fə ben ənû ə mɔʼɔ, san fɨso, chəi wə̀d nɨ tɨ̀ wɨ̀ wɨrɨ ghà ni chəi ənɨ tɨ̀ fɨso fe təm, kɨ̀ nɨ tɨ̀ wɨ̀ yì ənû ə mɔʼɔ ənɨ fɨso fe.

Gàlesìyà 3:17

Ənû nɨ mə̀ gha yɨ ni, “Ŋwìə̀ nyaʼa san fɨso mbɨ Abràham kàʼ ni tə bɨrɨ nuŋ fɨso fe. Əne ka rɨkə te nɨ sɨ yeʼe ənɨ ɨghəm ɨwu fə che əkɨ əkwè mbɨ ɨwum tad bɨrɨ nimnɨ i fɨso fe nɨ Ŋwìə̀ nyaʼa fə be san, əne ghɨ̀ ni ənû ze nɨ Ŋwìə̀ nyaʼa kaʼi ə che ətu ə̀kǒ.”

Mə̀Hibrù 7:4

Mbə̀ zə ɨchî nɨ Mèlkizedèk nyaʼa dabə! Abràham a mbǎʼ ɨnəbɨ mɨ̀Izre nyaʼa nàʼ əsɨ ə fibɨ̀ rəbɔʼ ɨsɨ wum tɨ ənɨ ɨghɨ mbe nɨ wɨ̀ nyaʼa nɨŋ rɨ ə bid ɨ bɔ.