Ɨ̀fàʼì 5:41 - Meta’

⁴¹ Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Ikan feg

⁴¹ Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Ɨ̀fàʼì 5:41 ပူးပေါင်းရင်းမြစ်များ

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Ɨ̀fàʼì 5:21

Ənɨ ɨtuʼ nyaʼa chɨgɨ, mbɨ nyaʼa wò nyɨ ɨŋga mbàn Ŋwìə̀, kɔ chwi ɨnû ɨchî nɨ aŋgɨrə̀ we kəʼ ghà əmbɨ mɨ̀mə̌d. Ətu ɨgwɨ ə bə̂d mbàn Ŋwìə̀ mbɨ ə bə̂d mbe nɨ nyaʼa mbɨ məd, nyaʼa wò tɔŋ mə̀saʼ əbeŋ mɨjìm mbɨ ə bə̂d kyeŋ mɨ̀Jû mɨ̀jìm ni mbɨ wo fetɨ ɨŋga ɨ̀chàm mɨ̀mə̌d. Ənɨ mbɨ nyaʼa wò fetɨ, mbɨ nyaʼa chà bə̂d ni mbɨ wo nɨŋ bə̂d tom mbe rɨ ə nəb ndəŋ yeʼe mbɨ mɨ̀mə̌d.

Rm 5:3

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ,

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

3 Jɔn 1:7

ɨmbə̀ʼ ɨghəm nɨ mbɨ fə jwɨ̀ ɨ wo fàʼ əmbɨ Kristo nɨ chəi mbɨ ben nɨ nɨŋ əghɨ ə mɔʼɔ rɨ əmbɨ ə bə̂d mbe nɨ chəi mbɨ kɨrɨ ben ə Kristo.