Ɨ̀fàʼì 5:34 - Meta’

³⁴ Àyɨə Farisiî mɔʼɔ nɨ ɨkum məd nyaʼə Gàmalièl wɨə nyaʼa əbɔʼ mə̀saʼ əbeŋ mbe. Məd yɨə nyaʼə əchwiə̀ rɨ̀kə̌. Bə̂d mɨ̀jìm mbɨə nyaʼə bə̀ wumnɨ əməd. Wɨ̀ nyaʼa nɔ̀ʼ təm ghà ni mbɨ cha bə̂d tom mbe ɨsɨg ənɨ ɨkə nyumə̀.

Ikan feg

³⁴ Si ya gha, Farìsi mɔ̀ʼɔ ne ikum məd ya Gàmalìyè ya yaʼ abɔ̀ʼ bəd mbe ne sàʼa aben. Məd ya yaʼ wə̀d ne chwìte mə̀nɔ̀ʼɔ̀. Bəd məjìm yaya ghùmnə aməd. Wì ya nɔ̀ʼ təm titighe ghà gha mbe cha bədtɔm mbe isəg iki piʼì.

Ɨ̀fàʼì 5:34 ပူးပေါင်းရင်းမြစ်များ

Lk 2:46

Ənɨ ɨni nyaʼa chè tad, mbɨ nyaʼa zə əməd ɨŋga mbàn Ŋwìə̀ nɨ wɨ̀ nyaʼa chub əkaʼ məchwiə̀-ɨnû. Ɨ wɨə nyaʼə zwetɨə ɨnû mbe nɨ mbɨ nyaʼə ghàə̀, bə̀ biirɨ ɨnû rɨ əmbɨ mɨ̀mə̌d.

Lk 5:17

À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Jn 3:10

Yeso nyaʼa wììrɨ̀ ɨ bɔ ni, “Àwɔ̀ yɨə wə̀d nɨə chwi ɨnû əmbɨ mɨ̀Izre, əne chəi à kyerɨ ɨnû mbɔ̂ ə?

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Ɨ̀fàʼì 4:15

Əne mbɨ nyaʼa ghà əmbɨ Pità mbɨ Jɔ̌n ni mbɨ jwɨ rɨŋga nəb ɨsaʼi ze wo ɨsɨg. Ənɨ mbɨ nyaʼa jwɨ wò, mbɨ nyaʼa ghà mbənə mbənə

Ɨ̀fàʼì 5:21

Ənɨ ɨtuʼ nyaʼa chɨgɨ, mbɨ nyaʼa wò nyɨ ɨŋga mbàn Ŋwìə̀, kɔ chwi ɨnû ɨchî nɨ aŋgɨrə̀ we kəʼ ghà əmbɨ mɨ̀mə̌d. Ətu ɨgwɨ ə bə̂d mbàn Ŋwìə̀ mbɨ ə bə̂d mbe nɨ nyaʼa mbɨ məd, nyaʼa wò tɔŋ mə̀saʼ əbeŋ mɨjìm mbɨ ə bə̂d kyeŋ mɨ̀Jû mɨ̀jìm ni mbɨ wo fetɨ ɨŋga ɨ̀chàm mɨ̀mə̌d. Ənɨ mbɨ nyaʼa wò fetɨ, mbɨ nyaʼa chà bə̂d ni mbɨ wo nɨŋ bə̂d tom mbe rɨ ə nəb ndəŋ yeʼe mbɨ mɨ̀mə̌d.

Ɨ̀fàʼì 5:27

Ənɨ mbɨ nyaʼa nɨŋ mɨ̀mə̌d wò əne, mbɨ nyaʼa pè nùŋ mɨ̀mə̌d ni mbɨ təm ɨfě mə̀saʼ əbeŋ mbe. Ətu ɨgwɨ ə bə̂d mbàn Ŋwìə̀ nyaʼa biirɨ əmbɨ mɨ̀mə̌d ni,

Ɨ̀fàʼì 5:35

Ənɨ mbɨ nyaʼa cha mɨ̀mə̌d ɨsɨg, wɨ̀ nyaʼa ghà əmbɨ mə̀saʼ əbeŋ mbə̂ ni, “Mɨ̀Izre, mbə̀ we ə mbɨ ənû ze nɨ mbə̀ə kə̀b ghɨ̀ mbɨ ə mbaŋə̀ tɔ̂.