Ɨ̀fàʼì 5:16 - Meta’

¹⁶ Bə̂d mɨ̀nɔnɔʼ nyaʼa bə̀ nɔ̀ʼ rɨŋga ɨsɨ mbe nɨ nyaʼa kad ə Jèrusalèm wò mbɨ mbə bə̂d əwɔn fɔrɨ mbɨə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Bə̂d tom mbe nyaʼa vɨ̀ mɨ̀mə̌d mɨjìm.

Ikan feg

¹⁶ Bəd nɔʼ nɔʼ yaya nɔ̀ʼɔ̀ inga iben ijìm mbe ne ya che kad Jèrusalèm ghò tì ìmbɔb bəd ighɔn fɔrɔ bəd ne izwighi tibɔ̀ŋ yaʼi inga inɔb. Bədtɔm mbe ya ghù awɔb mbɔb məjìm.

Ɨ̀fàʼì 5:16 ပူးပေါင်းရင်းမြစ်များ

Matìyò 2:16

Ənɨ Herɔ̀d nyaʼa zə ni bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə tam əwi, wɨ̀ nyaʼa sə ɨtəm kwàʼ rɨŋgəʼ. Əne wɨ̀ nyaʼa chà mbi mɨ̀sɔgyɨ̀ ə Betlehem bə̀ fɔrɨ ɨŋga ɨsɨ mbe nɨ nyaʼa ɨban ɨban ni mbɨ zwiirɨ bɔn mbaŋə̀ bɔd mɨjìm mbe nɨ nyaʼa fə sɨ ɨghəm ɨwu be fɔrɨ mbe nɨ chəi mbɨ nyaʼa kɨrɨ pe ɨghəm ɨwu be. Wɨ̀ nyaʼa ghà əne beenɨ əbɔʼ nyùmə̀ we nɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa gha ɨ bɔ.

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 8:16

À nyaʼa ɨkwirɨ kwirɨ əni ze, bə̂d nyaʼa nɨŋ bə̂d mɨ̀nɔnɔʼ nɨ ɨzwî rɨbɔ̀ŋ nyaʼa ɨŋga mɨ̀mə̌d wò əsɨ Yeso. Wɨ̀ nyaʼa chɨ̀ ɨzwî rɨbɔ̀ŋ mbe àmei ənɨ ɨŋgam. Wɨ̀ nyaʼa bə̀ vɨ̀ bə̂d əwɔn mɨjìm mbe nɨ mbɨ nyaʼa yeʼe mbɨ mbɨwən.

Lk 5:17

À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Lk 6:18

Mbɨ nyaʼa wò zu ɨnû mbe nɨ Yeso nyaʼə ghàə̀. Mbɨ nyaʼa bə̀ wò ni wɨ̀ vɨ ɨwɔn mɨ̀mə̌d. Wɨ̀ nyaʼa bə̀ chɨ̀ ɨzwî rɨbɔ̀ŋ rɨŋga bə̂d mbe nɨ ɨzwî rɨbɔ̀ŋ nyaʼə chəə mɨ̀mə̌d.

Lk 9:11

Ənɨ mɨnɔ̂n bə̂d mbe nyaʼa zu ni ɨ wɨ əŋgu, mbɨ nyaʼa beenɨ əbɔʼ məd. Wɨ̀ nyaʼa nɨŋ mɨ̀mə̌d, ghà ɨmbə̀ʼ ənû ɨfɔ̀n ə Ŋwiə̀ əmbɨ mɨ̀mə̌d bə̀ vɨ̀ bə̂d mbe nɨ nyaʼa wo ni wɨ̀ vɨ mɨ̀mə̌d.

Jn 14:12

Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ɨ̀fàʼì 5:15

Ɨnû yiirɨ mbe nɨ bə̂d tom Kristo nyaʼə ghɨ̀ə̀, nyaʼa ghɨ̀ ni bə̂d beʼ mbə bə̂d əwɔn wò nùŋ ɨgun mɨkon fɔrɨ ɨgun mɨmatə̀ ɨban ɨnə̂njɨ̀, ɨmbə̀ʼ ənɨ Pità ə chèə̀, əzîŋ əməd ə ze tɨ̀ zɨə chè ɨgwɨ mbɨ mɔʼɔ, vɨ̀ mɨ̀mə̌d.

Ɨ̀fàʼì 5:17

Ə̀dìì ə nyaʼa swi ɨŋga fîŋ ətu ɨgwɨ ə bə̂d mbàn Ŋwìə̀ bə̀ swi ɨŋga fîŋ bə̂d mɨjìm mbe nɨ nyaʼa mbɨ məd, əne yɨə bə̂d rɨŋga ɨfɔtɨ mɨ̀Sadusiî.

1 Kɔrèn 12:9

Ŋwìə̀ wɨə ghɨ̀ ni wə̀d mɔʼ berɨ ɨbenɨ ənjìm Əzwî ze ə mɔʼ. Ɨ wɨə bə̀ chè àmei ənjìm Əzwî ze nàʼ ɨneʼe nɨ vɨ bə̂d əwɔn əmbɨ wɨ cherə.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.