Ɨ̀fàʼì 28:4 - Meta’

⁴ Ənɨ bə̂d əbeŋ mbe nyaʼa zə rɨndum ze nɨ nyaʼə nəŋ ənɨ əbɔ ə Pɔ̂l, mbɨ nyaʼa ghà mbənə mbənə ni, “Mbaŋə̀ zɔ̂ berɨ yeʼ wə̀d nɨə zwiirɨ ə bə̂d! Ka à bè yeʼi ni wɨ̀ fə nod ɨvɨ ɨŋga rɨ̀bàà, chəi ŋwìə̀-əyi we nɨə saʼə bə̂d bɨrɨ ben i ni wɨ̀ chub ɨkǎ.”

Ikan feg

⁴ Anyumə̀ ne bəd inga aben ze ya bàri afighi ze ne yaya nə̀ŋə ane abo abə Pɔl, mbi ya ghà mbɔb mbɔb gha, “Wə̀d gho̰ mənyìʼ yaʼ wə̀d ne zwète bəd! Ka wì fə jiʼì nòrò iwu inga tìbà, chəyi ŋwiye àyi we ne beri ikuchèg tesiʼ ni sàʼ bəd biri bḛ gha wì chughi izɔm.”

Ɨ̀fàʼì 28:4 ပူးပေါင်းရင်းမြစ်များ

Matìyò 23:35

ɨmbə̀ʼ ənəm ə bə̂d mɨ̀jìm mbe nɨ nyaʼə ghɨ̀ ɨnû nɨ kuʼnɨ ɨgun ə si ə nyɨ ɨgwɨ nən, kɔ rɨ ənɨ ənəm ə Abèl we nɨ nyaʼə ghɨ̀ ənû nɨ kuʼnɨ wo pè ənɨ ənəm ə Zèkàriyà we nɨ nyaʼə wan Bèrekìà, nɨ mbə̀ nyaʼa zwiirɨ əsàn əsɨ ɨwumnɨ mbɨ ɨkwi ɨjə̀ŋ ə̀fà.

Matìyò 27:25

Bə̂d mbe mɨ̀jìm nyaʼa wììrɨ̀ ni, “Ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na bə̀ nyɨ ɨgwɨ mba bɔn!”

Lk 13:2

Wɨ̀ nyaʼa wììrɨ̀ əmbɨ mɨ̀mə̌d ni, “Mbə wa kɔndɨ ni məGaliliî mbe wa nyaʼa ghɨ̀ ənû nɨ nyaʼa kaŋ bə əku chè məGaliliî mɨjìm, ɨchî nɨ mbɨ nyaʼa zwiirɨ mɨ̀mə̌d ə?

Lk 13:4

Mbə bə̀ kɔn ni ye ɨmbə̀ʼ bə̂d mbe wum chɔ̀b famɨ nɨ nəb ɨkaŋ ze rɨ ə Silòàm nyaʼa su ɨgwɨ mɨ̀mə̌d zwiirɨ ə? Mbɨ wa nyaʼa gu ənû nɨ bə chè mbɨ bə̂d mɨjìm mbe nɨ nyaʼə chub ə Jèrusalèm ə?

Jn 7:24

Tɨ mbə̀ saʼ ə wə̀d beenɨ əbɔʼ ɨnû mbe nɨ mbə̀ə zəə. Mbə̀ saʼ beenɨ yeʼ əbɔʼ ɨchî nɨ kuʼnɨ.”

Ɨ̀fàʼì 28:2

Bə̂d əbeŋ ze nyaʼa ghɨ̀ ɨkwɨ chɔ̀m mɔʼɔ ənɨ ə na nɨ chəi tɨ̀ kweʼ zə. Mbɨ nyaʼa nɨŋ mbà mɨjìm kwàʼ ɨchî chɔ̀m. Mbɨ nyaʼa bə̀ nepɨ ɨwid ɨ na ɨmbə̀ʼ ɨghəm nɨ mbə̀ŋ zɨə nyaʼə nɔə, ɨfə bə̀ kɔə.

Ɨ̀fàʼì 28:3

Pɔ̂l nyaʼa fetɨ ɨbiŋ rɨkaʼi mɔʼɔ zɨ̀ ɨjə̀ŋ. Əne wɨ̀ nyaʼa zɨ əne, tɨndum nyaʼa jwɨ̀ rɨŋga tɨkaʼi te ɨmbə̀ʼ ɨghəm nɨ ɨwid we wɨə nyaʼə nòmə̀. Zɨ̀ nyaʼa jwɨ̀ əne nom əbɔ əməd tə̀n əŋgu.

Ɨ̀fàʼì 28:5

Àyɨə Pɔ̂l nyaʼa ŋwì rɨndum ze ɨŋga ɨwid. Chəi əghɨ ə mɔʼɔ ə nyaʼa ghɨ əməd.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”