Ɨ̀fàʼì 27:2 - Meta’

² Tɨ̀ nyaʼa nyɨ əbaŋ ɨgyɨ̀ nɨ nyaʼa yeʼe rɨ ə Àdràmitiùm, nɨ nyaʼa sɨə wo nɔ̀ʼ yènə̀ təmbɨ ɨsɨ mbe nɨ ɨbaŋ ɨgyɨ̀ ə təmbɨ ə Esià. Mbaŋə̀ mɔʼɔ nɨ ɨkum məd nyaʼə Àristakùs, nɨ nyaʼa rɨ ə Tèsàlonikà ə Màsèdonià nyaʼa mbɨ na.

Ikan feg

² Tì ya nyi abaŋ igyi ne ya nɔ̀ʼi a Àdràmitìyùm. Abaŋ igyi ze ya bèrì ni nɔ̀ʼ se yḛ̀ nè tə̀mə ane isiŋi mbe inga Esìyà ne yaʼi iban igyi. Mbaŋà mɔ̀ʼɔ ne ikum məd ya Àristakùs, ne ya nɔ̀ʼi a Tèsàlonikà inga Màsèdonìyà ya yaʼ tì ina.

Ɨ̀fàʼì 27:2 ပူးပေါင်းရင်းမြစ်များ

Lk 8:22

À nyaʼa əni ə mɔʼɔ, Yeso nyaʼa wò nyɨ əbaŋ ɨgyɨ̀ mbɨ mbi mə̀mə̀ə̀nɨ̀-ɨnû. Wɨ̀ nyaʼa nyɨ əne ghà əmbɨ mɨ̀mə̌d ni, “Tɨ̀ baanɨ ə sà wò ɨnjin wə.” Mbɨ nyaʼa zu əne kɔ wǒ.

Ɨ̀fàʼì 16:17

Ɨ wɨə nyaʼə beenɨ əbɔʼ Pɔ̂l mbɨ na, yènə̀ kyeŋə ghàə̀ ni, “Bə̂d mbɔ̂ yɨə bə̂d ə̀fàʼì Ŋwiə̀ Ə̀chè-ɨsɨg. Mɨ̀mə̌d mbɨə ghà ɨnû ɨmbə̀ʼ ɨnə̂njɨ̀ we nɨ tɨ̀ bə̂d chè əŋgu jwɨ̀ rəŋgəʼ.”

Ɨ̀fàʼì 17:1

Pɔ̂l mbɨ Sailàs nyaʼa chè ə Amfipolìs fɔrɨ ə Àpolonià wò pè ə Tèsàlonikà, nɨ yeʼ əsɨ nɨ nəb ə̀kàtɨ̀ mɨ̀Jû nyaʼa əŋgu.

Ɨ̀fàʼì 19:19

Bə̂d mɔʼɔ rəbɔʼ mbe nɨ nyaʼə ghɨ̀ mɨ̀sà nyaʼa fetɨ mbə ɨ̀ŋwàʼnɨ̀ mɨ̀sà tɔ̀n ɨfě bə̂d mɨ̀jìm. Mbɨ nyaʼa taŋ ɨnun ɨkab tɨ ənɨ ɨ̀ŋwàʼnɨ̀ mbe jìm, wɨ jwɨ̀ əkam chuʼ ɨwum tân.

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 2:9

Tɨ̀ yɨ rɨ ə Patìà, rɨ ə Medìà bə̀ fɔrɨ rɨ ə Elàm; tɨ̀ yɨ rɨ ə Mèsòpòtemìà, rɨ ə Jùdeyà bə̀ fɔrɨ rɨ ə Kàpàdosìà; tɨ̀ yɨ rɨ ə Pontùs bə̀ fɔrɨ rɨ ə Esià;

Ɨ̀fàʼì 21:5

Ənɨ ɨni mbe nɨ tɨ̀ nyaʼa berɨ chub əŋgu nyaʼa fə mì i, tɨ̀ nyaʼa sàŋ mɨ̀mə̌d, nɔ̀ʼ wò əwa. Bə̂d mɨjìm mbe nɨ nyaʼa ben ə Kristo mbɨ məyi mɨ̀mə̌d fɔrɨ bɔn nyaʼa nɨŋ əwa wò chà. Mbɨ nyaʼa chubɨ mbɨ na pè ənɨ tɨ̀ nyaʼa jwɨ rɨŋga əsɨ ze. Tɨ̀ nyaʼa pè əŋgo rɨ̀bàà, chìndɨ̀ ɨtu ɨnywɨ ə si kɔ̀ŋgɨ̀ ə Ŋwiə̀.

Ɨ̀fàʼì 28:10

Mbɨ nyaʼa nàʼ ɨghɨ nɔnɔʼ ɨ na. Ənɨ tɨ̀ nyaʼa kəb wo a, mbɨ nyaʼa zɨ̀ ɨghɨ mbe nɨ tɨ̀ nyaʼa kəbɨ ɨŋga əbaŋ.

Ɨ̀fàʼì 28:12

Tɨ̀ nyaʼa pè təm ə Sirakùs, chubɨ əŋgu ɨni tad.

Ɨ̀fàʼì 28:16

Ənɨ tɨ̀ nyaʼa pè ə Rom, mbɨ nyaʼa sàŋ ə Pɔ̂l ni wɨ̀ chub ənɨ i ɨghəm. Ɨ wɨə nyaʼə chubə mbɨ sɔgyɨ̀ we nɨ nyaʼə nəŋgɨ əməd.

Ɨ̀fàʼì 28:2

Bə̂d əbeŋ ze nyaʼa ghɨ̀ ɨkwɨ chɔ̀m mɔʼɔ ənɨ ə na nɨ chəi tɨ̀ kweʼ zə. Mbɨ nyaʼa nɨŋ mbà mɨjìm kwàʼ ɨchî chɔ̀m. Mbɨ nyaʼa bə̀ nepɨ ɨwid ɨ na ɨmbə̀ʼ ɨghəm nɨ mbə̀ŋ zɨə nyaʼə nɔə, ɨfə bə̀ kɔə.

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

Filemɔ̀n 1:24

Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.