Ɨ̀fàʼì 26:20 - Meta’

²⁰ Mə nyaʼa bè kɔ gha ɨŋgam Ŋwiə̀ ə Dàmaskɔ̀s, beenɨ ə Jèrusalèm, beenɨ ɨŋga ɨsɨ jìm mbe rɨ ə Jùdeyà bə̀ fɔrɨ əkaʼ bə̂d nɨ kaʼi mɨ̀Jû. Mə wɨə nyaʼə ghàə̀ ni mbɨ beŋ tə fîŋ beenɨ əbɔʼ ə Ŋwiə̀, Mə wɨə nyaʼə bə̀ ghàə̀ ni mbɨ ghɨ ɨnû mbe nɨ chwi ni mbɨ fə bèŋ tə fîŋ.

Ikan feg

²⁰ Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 26:20 ပူးပေါင်းရင်းမြစ်များ

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 3:8

Mbə̀ ghɨ ɨnû mbe nɨ chwiə ni mbə fə bèŋ tə fîŋ.

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 9:13

Mbə̀ wo kə̀b əton ənɨ ɨŋgam Ŋwiə̀ we nɨ gha ni, 'Mə kə̀b yeʼ ni bə̂d diirɨ mbɨ cherə, kaʼi ni bə̂d naʼ ɨghɨ ə̀fà ɨ num.' Chəi mə̀ nyaʼa yeʼe ɨ tɔŋ bə̂d nɨə ghɨ̀ ɨnû nɨ kuʼnɨ. Mə nyaʼa yeʼe ɨ tɔŋ yeʼ mbe nɨə ghɨ̀ ɨnû rɨbɔ̀ŋ.”

Mk 6:12

Ənɨ wɨ̀ nyaʼa tom mɨ̀mə̌d əne, mbɨ nyaʼa jwɨ̀ wò ghà ni bə̂d mɨ̀jìm beŋ tə fîŋ.

Lk 1:16

Wɨ̀ bɨrɨ ghɨ ni mɨ̀Izre nɔnɔʼ wɨrɨ bèŋ ben Ə̀nùŋɨ̀sɨg Ŋwìə̀ mɨ̀mə̌d.

Lk 13:3

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.

Lk 13:5

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.”

Lk 15:10

Mə ghà ɨ nən ni, à yɨ əndəŋ əndəŋ ni mbɨ̀aŋgɨrə̀ mbɨə ghaʼ ənɨ wə̀d fibɨ̀ tɨ̀ əbɔʼ mbe nɨə ghɨ̀ ɨnû rɨbɔ̀ŋ beŋ i fîŋ.”

Lk 15:7

Mə ghà ɨ nən ni, à yɨ əndəŋ əndəŋ ni ɨghaʼi bɨrɨ nɔʼ ɨkaŋ ənɨ wə̀d ɨnû rɨbɔ̀ŋ fibɨ̀ beŋ i fîŋ chè ɨchî nɨ wɨ bɨrɨ nɔʼ ɨgwɨ ə bə̂d ɨwum ə̀bùə chɔ̀b ə̀bùə nɨə ghɨ̀ ɨnû nɨ kuʼnɨ nɨ chəi mbɨ berɨ nɨ beŋ tə fîŋ.

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 15:19

“Əne ənû nɨ mə̀ kɔndɨ yɨ ni, tɨ rɨ̀ chə a bə̂d mbe nɨ kaʼi mɨ̀Jû nɨə beenɨ əbɔʼ ə Ŋwiə̀.

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 26:17

Mə bɨrɨ chɨ əwe rɨŋga rɨkyerɨ-ɨbɔ mbe bə̂d bə̀ chɨ̀ rɨŋga rɨkyerɨ-ɨbɔ bə̂d mbe nɨ kaʼi mɨ̀Jû, nɨ yeʼ bə̂d mbe nɨ mɨə tom əwe əsɨ mɨ̀mə̌d

Ɨ̀fàʼì 26:19

“Əne kyɨ Ɨfɔ̂n Agripà, chəi mə̀ nyaʼa ton nɨ ghɨ ənû ze nɨ Ə̀nùŋɨ̀sɨg nyaʼa gha ɨ num ɨŋga rɨ̀taanɨ njə̀m.

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Ɨ̀fàʼì 9:35

Bə̂d mɨjìm mbe nɨ nyaʼə chub ə Lidà fɔrɨ ə Sharòn nyaʼa zə əməd, əne ben Ə̀nùŋɨ̀sɨg.

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

2 Kɔrèn 3:16

Àyɨə wə̀d mɨ bèŋ wo əsɨ Ə̀nùŋɨ̀sɨg, wɨ̀ bɨrɨ chɨ ngywɨ̌ ze.

2 Kɔrèn 7:10

Ɨkwɨ ə̀kə̀nɨ̀ we nɨ Ŋwiə̀ kəb ə zɨə ghɨ̀ ni bə̂d beŋ tə fîŋ. Ə zɨə ghɨ̀ ni bə̂d jwɨ rəŋgəʼ. Chəi bə̂d berɨ nɨ kə̀n ɨmbə̀ʼ ənû zɔ̂! Àyɨə ɨkwɨ ə̀kə̀nɨ̀ we nɨ bə̂d rɨŋga ɨsɨg kəb ə zɨə ghɨ̀ ni bə̂d kwɨ.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

Ɨnû 16:11

Əne mbɨ nyaʼa zɔ̀m ə Ŋwiə̀ we nɨ yeʼ ɨkaŋ ɨmbə̀ʼ ɨchî nɨ mbɨ nyaʼə zəə ŋgəʼ bə̀ fɔrɨ ɨmbə̀ʼ mɨchɔʼɔ mbe nɨ nyaʼa ɨgun mɨ̀mə̌d. Àyɨə chəi mbɨ nyaʼa beŋ tə fîŋ tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ə̀.

Ɨnû 2:21

Mə nyaʼa nàʼ nyùmə̀ ɨ bɔ ni wɨ̀ beŋ i fîŋ ɨmbə̀ʼ ɨfabrɨ-ɨnû mbe nɨ wɨ̀ nyaʼə ghɨ̀ə̀, àyɨə wɨ nyaʼa ton i.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.