Ɨ̀fàʼì 24:24 - Meta’

²⁴ Ənɨ ɨni mɔʼɔ nyaʼa chě, Felìz nyaʼa yeʼe mbɨ i ɨwi nɨ ɨkum məd nyaʼə Drùsilà. Ɨwi məd yɨə nyaʼə Jû. Wɨ̀ nyaʼa yeʼe əne, chà mbɨ tɔŋ ə Pɔ̂l, əne zu ɨnû mbe nɨ wɨ̀ nyaʼə ghà ɨmbə̀ʼ ɨchî nɨ tɨ̀ wə̀d nùŋ fîŋ ɨgun ə Kristo Yeso.

Ikan feg

²⁴ Ane ineg mɔ̀ʼɔ ya chè, Gɔbnà Feligs tì iweg məd ne ikum məd ya Drùsilà ya yeʼe. Drùsilà ya yaʼ Ju. Wì ya yeʼe pè chà bəd, mbi ghò kàrì Pɔl imbə̀ʼ icheg ne wì yaya kə̀bə̀ ni zug inug mbe ne Pɔl yaya ghàmà imbə̀ʼ anug ni nɔ̀ŋì ibḛfiŋ igun Yeso Kristo.

Ɨ̀fàʼì 24:24 ပူးပေါင်းရင်းမြစ်များ

Mk 6:20

ɨmbə̀ʼ ɨghəm nɨ Herɔ̀d wɨə nyaʼə bɔ ə Jɔ̌n. Wɨ̀ nyaʼa kyerɨ ni Jɔ̌n yɨə wə̀d zeŋɨ fɔrɨ ni ɨ wɨə nyaʼə ghɨ̀ ɨnû nɨ kuʼnɨ. Əne ɨ wɨə nyaʼə nə̀ŋgɨ əməd ni tɨ ənû ə mɔʼɔ ə ghɨ i ənɨ məd. Ɨ wɨə nyaʼə kàŋə̀ ghaʼə nɨ zu ɨnû mbe nɨ Jɔ̌n nyaʼə ghàə̀, àyɨə wɨ̀ nyaʼa mɨ zu, fîŋ tɔb əməd kwàʼ rɨŋgəʼ.

Lk 19:3

Ɨ wɨə nyaʼə kə̀b zə ə Yeso, àyɨə chəi ənɨ tɨ̀ wɨ̀ nyaʼa zə əməd ɨmbə̀ʼ ɨnɔ̂n bə̂d we nɨ nyaʼə beenɨ əbɔʼ ə Yeso fɔrɨ ɨmbə̀ʼ ɨghəm nɨ wɨ̀ nyaʼa tumnə.

Lk 23:8

Ənɨ Herɔ̀d nyaʼa zə ə Yeso, wɨ̀ nyaʼa ghaʼ kwàʼ rɨŋgəʼ, ɨmbə̀ʼ ɨghəm nɨ əgha ə nyaʼa fə sà nɨ wɨ̀ nyaʼə kə̀b zə əməd. Wɨ̀ nyaʼa fə zu ɨnû nɔnɔʼ ɨmbə̀ʼ əməd, əne ɨ wɨə nyaʼə kə̀bə̀ ni wɨ̀ ghɨ̀ ənû ə yiirɨ ə mɔʼɔ tə zə.

Ɨ̀fàʼì 16:31

Mbɨ nyaʼa wììrɨ̀ ni, “Nuŋ e fîŋ ɨgun ə Ə̀nùŋɨ̀sɨg Yeso, əne à bɨrɨ jwɨ rəŋgəʼ, əne yɨ àwɔ̀ mbɨ ə bə̂d mɨjìm mbe nɨ yeʼ ɨŋga e nəb.”

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 24:25

Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Ɨ̀fàʼì 26:22

Ɨ pè rəchɔ̀ŋ, Ŋwìə̀ fə wèèrɨ̀ əmɨ. Əne mə təm əgha ɨ gha ɨmbə̀ʼ ə Kristo əmbɨ ə bə̂d mɨjìm, əne yɨ əmbɨ mbɨ kwa bə̀ fɔrɨ əmbɨ mbɨ kyeŋ. Mə wɨə ghà àmei ɨnû mbe nɨ bə̂d ɨ̀kə̀n Ŋwiə̀ mbɨ Mose nyaʼa gha ni mbɨ bɨrɨ nɨ ghɨ̀.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Gàlesìyà 3:2

Mbə̀ sɨ mə biirɨ àmei ənû zɔ̂ ə mɔʼ ɨ nən: Ŋwìə̀ wa nyaʼa nàʼ əzwî ɨ nən ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.

Ɨnû 14:12

Əne yɨ ni bə̂d Ŋwiə̀ berɨ nyìʼ, mbɨ berɨ nùŋ tɨkə rɨ Ŋwiə̀ bə̀ nùŋ fîŋ ɨgun ə Yeso.