Ɨ̀fàʼì 20:6 - Meta’

⁶ Ənɨ əchwɨ̂ ze nɨ mbɨ nyaʼə jɨgə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ nyaʼa fə che i, tɨ̀ nyaʼa nyɨ əbaŋ ɨgyɨ̀ rɨ ə Filipì nɨŋ ɨni tân wò kumnɨ mɨ̀mə̌d ə Troàs. Tɨ̀ nyaʼa chub əŋgu ɨni sambe.

Ikan feg

⁶ Anyumə̀ ne nyùmə̀ Iteri Chègun ya fə che, tì ya nɔ̀ʼ a Filipì yèn inga abaŋ igyi, niŋ ineg ita̰, kɔ̀ti awɔb a Truwàs. Tì ya chughi angu ane ineg ìsàmbe.

Ɨ̀fàʼì 20:6 ပူးပေါင်းရင်းမြစ်များ

Ɨ̀fàʼì 12:3

Ənɨ wɨ̀ nyaʼa zə ni ənû ze ə nyaʼa bɔ̀ŋ mɨ̀Jû, wɨ̀ nyaʼa wò ɨmbì gywɨ̀ ə Pità. Wɨ̀ nyaʼa ghɨ̀ ənû zɔ̂ ənɨ mbɨ nyaʼə jɨgə ŋgə̀ŋ ze nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga.

Ɨ̀fàʼì 16:10

Ənɨ Pɔ̂l nyaʼa zə tɨ̀taanɨ njə̀m ze, tɨ̀ nyaʼa tekɨ ɨnyod əwu əwən ɨ wo ə Màsèdonià, ɨmbə̀ʼ ɨghəm nɨ tɨ̀ nyaʼa kyerɨ ni Ŋwìə̀ fə tɔŋ əwa ni tɨ̀ wo ghà ɨkə̂n chɔ̀m əmbɨ ə bə̂d mbe rəŋgu.

Ɨ̀fàʼì 16:12

Tɨ̀ nyaʼa nɔ̀ʼ rəŋgu wò ə Filipì, nɨ nyaʼa əsɨ ə kyeŋ əbà əbeŋ ze rɨ ə Màsèdonià. À yɨ məRom nyaʼə tùmbɨ̀ əsɨ ze. Tɨ̀ nyaʼa chub ɨni mɔʼɔ ɨŋga əsɨ ze.

Ɨ̀fàʼì 16:8

Əne mbɨ nyaʼa wò chè ə Misià, swiʼi wò ə Troàs.

Ɨ̀fàʼì 20:16

Ɨ ghɨ ni tɨ wɨ̀ chəkɨ i nyùmə̀ ə Esià, wɨ̀ nyaʼa fə nuŋ ɨŋga i fîŋ ni tə bɨrɨ chè ɨban ə Efesùs. Wɨ̀ nyaʼa kɨə zàmbɨ̀ə̀ wò ɨmbə̀ʼ ɨchî mɨ chwiə, wɨ̀ pè ə Jèrusalèm bɔŋ əni ə Pentekɔ̀s ə sɨə kùʼə̀.

Ɨ̀fàʼì 20:5

Mbaŋə̀ tɔ̂ nyaʼa wò ɨmbì pè wòm əwa ə Troàs.

Ɨ̀fàʼì 21:4

Tɨ̀ nyaʼa pè kə̀b bə̂d mbe nɨ nyaʼa ben ə Kristo chubɨ mbɨ mɨ̀mə̌d ɨni sambe. Əzwî ə Zeŋɨ ə nyaʼa ghɨ̀ ni bə̂d mbe ghà əmbɨ Pɔ̂l ni tɨ wɨ̀ wo əwi ə Jèrusalèm.

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 28:14

Tɨ̀ nyaʼa pè əŋgu, zə bə̂d nɨ nyaʼa ben ə Kristo. Mbɨ nyaʼa tɔŋ əwa ni tɨ̀ chubɨ mbɨ mɨ̀mə̌d ɨni sambe. Əne yɨ ɨchî nɨ tɨ̀ nyaʼa wò pè ə Rom.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

2 Timotì 4:13

Ənɨ àwɔ̀ ə yeʼe, bə nɨŋ mɨ ngywɨ̌ maʼi ze nɨ mə nyaʼa nuŋ mbɨ Kapùs yeʼe mbɨ zɨwən. Mə nyaʼa nùŋ ngywɨ̌ ze ənɨ mə̀ nyaʼa ə Troàs. Bə nɨŋ mbɨ ɨ̀ŋwàʼnɨ̀ mbe nɨ mbɨ karɨ yeʼe mbɨ mbɨwən, màànɨ̀ mbe nɨ mbɨ tekɨ ənɨ ə gôb rɨ njɨ̀g.