Ɨ̀fàʼì 20:35 - Meta’

³⁵ Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Ikan feg

³⁵ Ikuchèg gho̰ ne mə̀ yaya fàʼà inug ijìm angu, ya mə̀ yaya chwìte inən gha ze bɔ̀ŋ ni taŋ fàʼ imbə̀ʼ wètì bəd ne chəyi àzɔb. Mə yaya fàʼà ane nè kɔ̀ndɔ ìngam we ne Anɔŋisəg Yeso ya ghàmi məd məd gha, ‹Ŋwiye ya zìyè àbɔrɔ̀bɔd ze igun wə̀d ne nàʼà chè wə̀d ne nìŋə.›”

Ɨ̀fàʼì 20:35 ပူးပေါင်းရင်းမြစ်များ

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Matìyò 10:8

Mbə̀ vɨ bə̂d əwɔn, zwemnɨ ɨvɨ bə̂d, vɨ bə̂d əpabɨ bə̀ chɨ̀ ɨzwî rɨbɔ̀ŋ. Mə fə nàʼ ɨka wɔ̂ ɨ nən əko, əne mbə̀ bə ghɨ̀ ɨnû mbɔ̂ əko.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

Ɨ̀fàʼì 20:20

Mbə kàŋ kyerɨ ni chəi mə̀ nyaʼa nyiʼnɨ ɨnyod nɨ gha ənû ə mɔʼɔ ze nɨ tɨ̀ zɨə nyaʼa wèèrɨ̀ əwən. Mə wɨə nyaʼə chwi ɨnû ɨ nən ɨfě bə̂d bə̀ chwi ənəb ənəb.

2 Kɔrèn 12:13

Mə wa nyaʼa ghɨ ənû ə mɔʼɔ ɨŋga rɨfetɨ bə̂d Kristo cherə nɨ chəi mə nyaʼa ghɨ ɨ nən ə? Ɨmbə̀ʼ àmei ni chəi mə nyaʼa chə əwən ə? Əze ə mɨ bə, mbə̀ waʼ mbɨ ɨnû rɨbɔ̀ŋ!

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

1 Tèsàlonikà 4:11

Mbə̀ kywɨ ənywɨ ghɨ ɨnû jìm ɨmbə̀ʼ chub ənɨ əbɔrəbɔd. Tɨ mbə̀ zɨ ə mbə mɨchû ɨŋga ɨnû bə̂d cherə. Wə̀d jìm zɨ e ətu àmei ənɨ e ə̀fàʼì bə̀ fàʼ ənɨ mbi ɨbɔ ɨchî nɨ tɨ̀ nyaʼa gha ɨ nən.

2 Kɔrèn 11:12

Mə bɨrɨ wo ɨmbì ghɨ ənû ze nɨ mɨə ghɨ̀ə̀, ɨmbə̀ʼ chɨ ətən rɨ ɨnyɨ bə̂d mbe nɨə ghàə̀ nɨ mbə mbɨ əndəŋ əndəŋ mbɨ na ənɨ ɨnû mbe nɨ mbɨə goŋ ɨgɔ̂ ɨmbə̀ʼ mbɨwən.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

Ɨ̀fàʼì 20:34

Mbə̀ kàŋ kyerɨ ə ni ɨbɔ mbɔ̂ mbɨə nyaʼə fàʼə̀ bə̀ nàʼ ɨghɨ mbe nɨ mɔ̌ mbɨ ə bə̂d mbe nɨ nyaʼa mbɨ num nyaʼa kwaŋɨ.

Ɨ̀fàʼì 20:36

Ənɨ wɨ̀ nyaʼa fə gha ɨnû mbɔ̂, mɨ̀mə̌d mɨjìm nyaʼa chìndɨ̀ ɨtu ɨnywɨ ə si kɔŋgɨ ə Ŋwiə̀.

3 Jɔn 1:7

ɨmbə̀ʼ ɨghəm nɨ mbɨ fə jwɨ̀ ɨ wo fàʼ əmbɨ Kristo nɨ chəi mbɨ ben nɨ nɨŋ əghɨ ə mɔʼɔ rɨ əmbɨ ə bə̂d mbe nɨ chəi mbɨ kɨrɨ ben ə Kristo.