Ɨ̀fàʼì 20:31 - Meta’

³¹ Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Ikan feg

³¹ Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 20:31 ပူးပေါင်းရင်းမြစ်များ

Matìyò 13:25

Ənɨ bə̂d nyaʼə gwenə, wə̀d pə̀n məd nyaʼa wò kon ɨfu əkaʼ kywɨ̀ te, nɔ̀ʼ wò i.

Matìyò 3:7

Àyɨə ənɨ wɨ̀ nyaʼa zə mɨ̀Farisiî nɔnɔʼ mbɨ mɨ̀Sadusiî nɔnɔʼ nɨ nyaʼə yeʼe ni wɨ̀ naʼ mɨnib əmbɨ mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 19:8

Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 20:11

Ənɨ Pɔ̂l nyaʼa bə̀ndɨ̀ wò ɨŋga ətu ə nəb ze rɨkaŋ, wɨ̀ nyaʼa jɨg Ɨtarɨ Ə̀nùŋɨ̀sɨg bə̀ jɨg əghɨjɨg mbɨ ə bə̂d mbe. Wɨ̀ nyaʼa ghàmbɨ̀ mbɨ mɨ̀mə̌d wò pè ənɨ ɨtuʼ nyaʼa chɨgɨ. Ənɨ ɨtuʼ nyaʼa chɨgɨ, wɨ̀ nyaʼa nɔ̀ʼ wo i.

Ɨ̀fàʼì 20:19

Mə nyaʼa kàŋ swi ɨnyod, fàʼ əmbɨ Ə̀nùŋɨ̀sɨg mbɨ mɨsɨ əghə, ka à bè yeʼi ni mə wɨə nyaʼə zə ŋgəʼ ɨchî nɨ mɨ̀Jû mɔʼɔ nyaʼa taŋ mɨnaŋ ɨmbə̀ʼ zwiirɨ əmɨ.

Ɨ̀fàʼì 20:7

À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

1 Kɔrèn 4:14

Chəi mɨə ŋwàʼnɨ̀ ənû zɔ̂ ɨmbə̀ʼ ɨ naʼ tɨ̀nìd ətu ɨ nən. Mə wɨə ŋwàʼnɨ̀ ɨmbə̀ʼ kəərɨ əwən ɨchî nɨ mbə̀ yeʼ mbɨ bɔn nɨ mə̀ ghaʼi kwàʼ rɨŋgəʼ.

Fìlipì 3:18

Mə nyaʼa fə ghà ɨ nən ɨghəm nɔnɔʼ, əne mə wɨə bə̀ yɨə ghà ɨ nən tɨ̀nîn mbɨ mɨsɨ əghə ni bə̂d mɨ̀nɔnɔʼ mbɨ əŋgu nɨə chub ɨghabɨ ə bə̂d pə̀n Kristo ɨchî nɨ chəi mbɨə ben nɨ zu əton nɨ wɨ̀ nyaʼa kwɨ əzed ə baʼnɨ.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

2 Tès 2:5

Chəi mbə̀ wɨrɨ kɔndɨ ni ənɨ mə nyaʼa mbɨ nən mə nyaʼa ghà ənû zɔ̂ ɨ nən ə?

2 Tès 3:8

Chəi tɨ̀ nyaʼa jɨg tɨjɨg wə̀d mɔʼɔ nɨ chəi tɨ̀ nyaʼa chwɨ. Tɨ̀ wɨə nyaʼə fàʼə̀ kwàʼ rɨkǎ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

Ɨnû 16:15

Ə̀nùŋɨ̀sɨg Yeso ə ghà ni, “Mbə̀ zə, mə bɨrɨ yeʼe ɨghabɨ ɨjɨ! Ŋwìə̀ zɨ əbɔrəbɔd ɨgun ə wə̀d we nɨ chub ɨkyèʼe bə̀ tekɨ ti ngywɨ̌ nùŋ ɨmbə̀ʼ tɨ wɨ̀ yen i tɨ̀sɔ̀ʼ ɨkyerɨ, ətu əməd ə bə̀ nìd ɨmbə̀ʼ ɨchî nɨ bə̂d ə nèŋ əməd!”