Ɨ̀fàʼì 20:30 - Meta’

³⁰ Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

Ikan feg

³⁰ Bəd biri dù fɔrɔ inga inən ne biri kɔpi tesiʼ imbə̀ʼ icheg ne mbe kə̀bə̀ gha mə̀mə̀nənùg beni inɔb anjìm.

Ɨ̀fàʼì 20:30 ပူးပေါင်းရင်းမြစ်များ

Matìyò 23:15

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə baanɨ rɨ̀bàà bə̀ yèn ɨbeŋ jìm ɨmbə̀ʼ beŋ wə̀d mɔʼ ni wɨ̀ ben ənû ə Ŋwiə̀. Ənɨ wɨ̀ benɨ, mbə ghɨ̀ wɨ̀ kùʼ nɨ nyɨ ɨŋga əsɨ ɨchə chè əwən ɨghəm be.

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 21:38

Əne ka àwɔ̀ yɨ e wə̀d Ijìpt we nɨ nyaʼa cherə bù əchɔb, nɨŋ mə̀zwììrɨ̀-bə̂d chuʼ rɨkwè wò mbɨ mbɨwən ɨŋga ɨbad rɨkwàʼi ə?”

2 Kɔrèn 11:13

Tɨkwɨrɨ bə̂d tɔ̂ yɨə bə̂d tom mɨghab. Ɨ mbɨə tambɨ ə bə̂d ənɨ ɨnû mbe nɨ mbɨə ghɨ̀ə̀. Ɨ mbɨə bə̀ bègrə̀ ɨghabɨ ni mbə yɨə bə̂d tom Kristo rəsìʼ.

1 Timotì 5:13

Kaʼ àmei əze, mbɨ bɨrɨ kwembɨ ənû nɨ kɔ ghɨ ɨgwed. Mbɨ bɨrɨ bə̀ kɔ ghanə nyɨrə nəb. Kaʼ àmei ənû nɨ ghɨ ɨgwed, mbɨ bɨrɨ kɔ ghanə ghɨ̀ mɨniə bə̀ kɔ zɨ ɨchû ɨŋga ɨnû mbe nɨ chəi mbɨ de mɨ̀mə̌d. Mbɨ bɨrɨ bə̀ kɔ ghà ɨnû nɨ chəi mbɨ berɨ nɨ ghà.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

Ɨnû 2:6

Àyɨə ənû ə chɔ̀m ze nɨ à ghɨ̌ yɨ ni: à bàn ɨnû mbe nɨ bə̂d mbe nɨə beenɨ əbɔʼ Nikolaùs ə ghɨ̀ə̀, àmei ɨchî nɨ mə̀ bə bàn.