Ɨ̀fàʼì 20:27 - Meta’

²⁷ ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Ikan feg

²⁷ À ya ane imbə̀ʼ icheg ne chəyi mə̀ ya to̰ ni mə̀tì inug ijìm mbe ne Ŋwiye kàʼi ni fàʼ inən.

Ɨ̀fàʼì 20:27 ပူးပေါင်းရင်းမြစ်များ

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 7:30

Àyɨə mɨ̀Farisiî mbe mbɨ məchwiə̀ rɨ̀kə̌ mbe nyaʼa ton ənû ze nɨ Ŋwìə̀ nyaʼa fə taŋ nùŋ ɨmbə̀ʼ mɨ̀mə̌d, ɨmbə̀ʼ ɨghəm nɨ chəi mbɨ nyaʼa ben ni Jɔ̌n naʼ mɨnib əmbɨ mɨ̀mə̌d.

Jn 15:15

Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Ɨ̀fàʼì 13:36

Ənɨ Dèvîd nyaʼa kɨrɨ ɨkǎ, wɨ̀ nyaʼa ghɨ̀ ɨnû mbe nɨ Ŋwìə̀ nyaʼa kəbɨ ni wɨ̀ ghɨ ə. Wɨ̀ nyaʼa kwɨ mbɨ tweŋ əbɔʼ mɨ̀mbǎʼ məd rəŋwe, əne wɨ̀ nyaʼa bɔb.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 20:20

Mbə kàŋ kyerɨ ni chəi mə̀ nyaʼa nyiʼnɨ ɨnyod nɨ gha ənû ə mɔʼɔ ze nɨ tɨ̀ zɨə nyaʼa wèèrɨ̀ əwən. Mə wɨə nyaʼə chwi ɨnû ɨ nən ɨfě bə̂d bə̀ chwi ənəb ənəb.

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

1 Kɔrèn 11:23

Ənû ze nɨ mə̀ nyaʼa zu rɨ əmbɨ Ə̀nùŋɨ̀sɨg ziə, à yɨ əzɨ əwən ze nɨ mə̀ nyaʼa gha ɨ nən. Ənû ze yɨ ni, ɨzimɨ we nɨ mbɨ nyaʼa fen Ə̀nùŋɨ̀sɨg Yeso, wɨ̀ nyaʼa nɨŋ chiŋ ŋgə̀ŋ,

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Gàlesìyà 4:16

Mə wa fə bèŋ ənɨ ə wə̀d pə̀n ɨchî nɨ mə ghà rəsìʼ ɨ nən ə?

Efesùs 1:11

Ŋwìə̀ nyaʼa ghɨ̀ ɨnû jìm ɨchî nɨ wɨ̀ nyaʼa fə taŋɨ bə̀ nùŋ. Wɨ̀ nyaʼa chɔʼ əwa ənɨ ɨfɔtɨ mbɨ Kristo ni tɨ̀ yeʼ mbi bə̂d àmei ɨchî nɨ wɨ̀ nyaʼa kəbɨ bə̀ nùŋ.

1 Tèsàlonikà 2:4

Tɨ̀ wɨə ghà àmei ɨchî nɨ Ŋwìə̀ kəbɨ ni tɨ̀ ghamə. Wɨ̀ fə nèŋ əwa zə ni tɨ̀ kùʼ ni wɨ̀ saŋ ɨkə̂n chɔ̀m wɔ̂ ɨŋga ta rɨkyerɨ-ɨbɔ. Chəi tɨə ghà ɨmbə̀ʼ ghɨ ni fîŋ rɨ bə̂d bɔŋə. Tɨ̀ wɨə ghàə̀ yeʼ ɨmbə̀ʼ fîŋ Ŋwìə̀ we nɨ kyerɨ ta rɨkɔndɨ bɔŋə.