Ɨ̀fàʼì 2:23 - Meta’

²³ Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ikan feg

²³ Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

Ɨ̀fàʼì 2:23 ပူးပေါင်းရင်းမြစ်များ

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Matìyò 27:35

Ənɨ mbɨ nyaʼa fə kòmbɨ̀ əməd əzed ə baʼnɨ, mbɨ nyaʼa sɔ̀ŋ mbaŋ ghàpɨ̀ ngywɨ̌ rɨ məd əkaʼ mɨ̀mə̌d.

Mk 15:24

Mbɨ nyaʼa kòmbɨ̀ əməd əzed ə baʼnɨ, əne sɔ̀ŋ mbaŋ ɨmbə̀ʼ zə əbà ə ngywɨ̌ ze nɨ wə̀d mɔʼ mɔʼ bɨrɨ nɨŋ. Mbɨ nyaʼa ghɨ̀ əne ghàpɨ̀ ngywɨ̌ rɨ məd əkaʼ mɨ̀mə̌d mɨ̀jìm.

Lk 22:22

Wan Wə̀d bɨrɨ kwɨ ɨchî nɨ Ŋwìə̀ nyaʼa fə nuŋɨ, àyɨə ŋgəʼ bɨrɨ nyɨ ɨgun ə wə̀d we nɨ fen əməd!”

Lk 22:37

Mə ghà ɨ nən ni ɨŋgam Ŋwiə̀ we nɨ gha ni, 'Mbɨ nyaʼa fɔtɨ əməd əbɔʼ bə̂d mbe nɨə ghɨ̀ ɨnû rɨbɔ̀ŋ,' ə berɨ jwɨ ənɨ rəsìʼ, ɨghəm nɨ ɨnû jìm mbe nɨ mbɨ nyaʼa ŋwaʼnɨ ɨmbə̀ʼ əmɨ berɨ jwɨ ənɨ rəsìʼ.”

Lk 23:33

Ənɨ mbɨ nyaʼa wò pè əsɨ ze nɨ mbɨ nyaʼə tɔŋ ənɨ Ɨwɔʼ-ətu, mbɨ nyaʼa kòmbɨ̀ əməd mbɨ ə mbaŋə̀ te nɨ nyaʼa gu ənû. Mbɨ nyaʼa kòmbɨ̀ wɨ̀ fìbɨ̀ əba əbɔ ə jɨgɨ, bə̀ kòmbɨ̀ wɨ fìbɨ̀ əba əbɔ ə tweŋ.

Lk 24:20

Mba bə̂d kyeŋ mbe rɨ ə mbàn Ŋwìə̀ mbɨ mə̀tùmbɨ̀ əbeŋ nyaʼa gywɨ̀ əməd, nàʼ əmbɨ gɔmnà ni wɨ̀ sob ni mbɨ zwiirɨ əməd. Əne mbɨ nyaʼa kòmbɨ̀ əməd əzed ə baʼnɨ.

Jn 19:18

Mbɨ nyaʼa kòmbɨ̀ əməd əŋgu, bə̀ kòmbɨ̀ mbaŋə̀ cherə rɨbe əbɔʼ əməd. Mbɨ nyaʼa kòmbɨ̀ wɨ̀ fibɨ̀ əbà əbɔ ə jɨgɨ, bə̀ kòmbɨ̀ wɨ̀ fibɨ̀ əbà əbɔ ə tweŋ. Yeso nyaʼa ɨŋga mɨgharə̀ mɨ̀mə̌d.

Jn 19:24

Mbɨ nyaʼa nɨŋ əne ghà mbənə mbənə ni, “Tɨ rɨ seerɨ a ngywɨ̌ zɔ̂, àyɨə tɨ̀ sɔŋ mbaŋ zə wə̀d we nɨ bɨrɨ jɨg. Ənû zɔ̂ ə nyaʼa ghɨ̀ ɨmbə̀ʼ ɨŋgam Ŋwiə̀ we nɨ mbɨ nyaʼa ŋwaʼnɨ jwɨ ənɨ rəsìʼ ni, Mbɨ nyaʼa ghàpɨ̀ tɨ ngywɨ̌ əkaʼ mɨ̀mə̌d, bə̀ sɔ̀ŋ mbaŋ ɨmbə̀ʼ jɨg mɨ ngywɨ̌ ze rɨŋga.” À yɨ ənû nɨ mɨ̀sɔgyɨ̀ mbe nyaʼa ghɨ̌.

Ɨ̀fàʼì 13:27

Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.

Ɨ̀fàʼì 15:18

Əzɔ̂ yɨ ənû nɨ Ə̀nùŋɨ̀sɨg we nɨ nyaʼa ghɨ ni mbɨ kyerɨ ɨnû mbɔ̂ nɔ̀ʼ tɨ rəŋwe, ghǎ.'

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Ɨ̀fàʼì 4:28

ɨmbə̀ʼ ghɨ ɨnû jìm mbe nɨ à nyaʼa nuŋ ənɨ e ɨka bə̀ fɔrɨ ənɨ e ɨkɔndɨ ni mbɨ bɨrɨ ghɨ̀.

Ɨ̀fàʼì 5:28

“Tɨ̀ nyaʼa fə jeŋgɨ patɨ əwən ni tɨ mbə̀ chwi ə ənû ə mɔʼɔ ənɨ ɨkum wɔ̂, àyɨə ɨnû mbe nɨ mbə̀ə chwiə fə jaŋ ɨŋga Jèrusalèm jìm. Mbə mbɨə bə̀ kə̀b ghɨ̀ ni ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na.”

Ɨ̀fàʼì 5:30

Ŋwìə̀ mba mɨ̀mbǎʼ rəŋwe nyaʼa zwemnɨ ə Yeso we nɨ mbə̀ nyaʼa kombɨ əzed ə baʼnɨ, zwiirɨ.

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

Rm 2:12

Bə̂d mɨjìm mbe nɨə ghɨ̀ ɨnû rɨbɔ̀ŋ, nɨ chəi mbɨ kyerɨ tɨkə rɨ Mose, bɨrɨ nim ɨghabɨ bə̂d nɨ chəi mbɨ kyerɨ tɨkə te. Àyɨə Ŋwìə̀ bɨrɨ nɨŋ tɨkə rɨ Mose saʼ bə̂d mɨ̀jìm mbe nɨ kyerɨ rɨkə, àyɨə ɨ mbɨə kɨrɨ ghɨ ɨnû rɨbɔ̀ŋ,

Rm 4:17

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Abràham ni, “Mə fə ghɨ̀ e ənɨ ə mbǎʼ ɨgwɨ ɨbeŋ nɔnɔʼ.” Abràham yɨ a mbǎʼ ɨfě Ŋwiə̀ we nɨ wɨ̀ nyaʼa nuŋ fîŋ ɨgwɨ məd. Məd yɨə Ŋwìə̀ we nɨə nàʼ ɨ̀tènɨ̀ əmbɨ ɨvɨ bə̂d. Məd wɨə bə̀ ghàə̀ ni ɨghɨ mbe nɨ chə nyaʼa i mbɨ yeʼ əŋgu.

1 Tèsàlonikà 2:15

Mbɨ mɔʼɔ nyaʼa zwiirɨ ə Yeso, mbɨ mɔʼɔ nyaʼa zwiirɨ bə̂d ɨ̀kə̀n Ŋwiə̀, mbɨ mɔʼɔ nyaʼa fid əwa tɨ ɨŋga ɨbeŋ mɨ̀mə̌d. Ɨ mbɨə nyaʼə ghɨ̀ ɨnû nɨ chəi fîŋ Ŋwìə̀ nyaʼa bɔŋ əbɔʼ mɨ̀mə̌d. Mbɨ yɨə bə̂d pə̀n əmbɨ wə̀d jìm,

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.