Ɨ̀fàʼì 17:24 - Meta’

²⁴ Ka Ŋwìə̀ we nɨ nyaʼa tekɨ ɨsɨg bə̀ tekɨ ɨghɨjìm mbe nɨ yeʼ ɨŋga, nɨ yeʼ Ə̀nùŋɨ̀sɨg ɨkaŋ fɔrɨ ɨgwɨ ə si wɨə chub i ɨŋga mbàn te nɨ bə̂d mɨ̀sɔŋɨchù korɨ,

Ikan feg

²⁴ Məd ya Ŋwiye we ne ya tangi isəg fɔrɔ ighi ijìm mbe ne yaʼi inga. Məd ya Anɔŋisəg ne tùmbə̀ ikaŋ àbɔ̀ŋɔ fɔrɔ isəg. Chəyi məd we chùghə inga mbàn te ne bəd kɔri.

Ɨ̀fàʼì 17:24 ပူးပေါင်းရင်းမြစ်များ

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 5:34

Àyɨə mə ghà ɨ nən ni, tɨ wə̀d tɔ kàn i ənû ə mɔʼɔ. Tɨ wə̀d tɔ kàn i ənû ə mɔʼɔ tɔŋ ɨkaŋ, ɨmbə̀ʼ ɨghəm nɨ ɨkaŋ yɨ ətən ɨfɔ̀n ə Ŋwiə̀.

Lk 10:21

À nyaʼa ənɨ ə nyùmə̀ we, Əzwî ə Zeŋɨ ə nyaʼa ghɨ̀ ɨghaʼi swi ɨŋga fîŋ Yeso. Əne wɨ̀ nyaʼa ghà ni, “Mɨ Mbǎʼ, Ə̀nùŋɨ̀sɨg rɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ ɨnû, sɨ chwiə yeʼ əmbɨ ə bɔn bɔd. Ee, kyɨ mɨ Mbǎʼ, à yɨ ɨchî nɨ à kəbɨ we.

Jn 1:1

Bɔŋ Ŋwìə̀ nyaʼa sɨə tekɨ ɨsɨg, məd we nɨ mbɨə tɔŋ ənɨ Ɨŋgam nyaʼa fə sɨ i əŋgu. Ɨŋgam we wɨə nyaʼa mbɨ ə Ŋwiə̀. Ɨŋgam we yɨə nyaʼə Ŋwiə̀.

Ɨ̀fàʼì 14:15

“Mba mɨ̀sə̀ʼ, mbə̀ kɨə ghɨ̀ ənû zɔ̂ ɨmbə̀ʼ ə yè ə? Tɨ̀ yɨə bə̂d mɨ̀sɔŋɨchù ɨghabɨ ə mbə̀nə. Tɨ̀ fə yeʼe mbɨ ɨkə̂n chɔ̀m ɨ nən ni mbə̀ saŋ ɨghɨ əko mbɔ̂ beenɨ əbɔʼ Ŋwìə̀ we nɨ yeʼ ɨkǎ. À yɨə məd nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Ɨ̀fàʼì 4:24

Ənɨ mbɨ nyaʼa zu ɨnû mbe, mbɨ nyaʼa fɔtɨ kɔ̀ŋgɨ̀ ə Ŋwiə̀ ghà ni, “Ə̀tùmbɨ̀ ɨsɨg, à yɨ àwɔ̀ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Ɨ̀fàʼì 7:48

“Àyɨə chəi Ə̀chè-ɨsɨg ə chub ɨŋga nəb nɨ bə̂d bɔmɨ. Wə̀d ɨ̀kə̀n Ŋwìə̀ ə ghà ni,

Rm 1:19

Ənû ze nɨ tɨ̀ bə̂d kyerɨ ɨmbə̀ʼ ə Ŋwiə̀ ə zeŋ əmbɨ mɨ̀mə̌d, ɨmbə̀ʼ ɨghəm nɨ à yɨə Ŋwiə̀ ziə fə ghɨ ni zɨə zeŋ əmbɨ mɨ̀mə̌d.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Mə̀Hibrù 3:4

Zɨə zeŋ ni nəb jìm ə berɨ wə̀d nɨ bɔmɨ, àyɨə wə̀d nɨ tekɨ ɨghɨjìm yɨə Ŋwìə̀.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.