Ɨ̀fàʼì 14:2 - Meta’

² Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Ikan feg

² Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 14:2 ပူးပေါင်းရင်းမြစ်များ

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 13:45

Àyɨə ənɨ mɨ̀Jû nyaʼa zə mɨnɔ̂n bə̂d mbe, ə̀dìì ə nyaʼa swi ɨŋga fîŋ tɨ mɨ̀mə̌d, əne mbɨ nyaʼa kɔ zɔm ə Pɔ̂l ghàə̀ ni ənû ze nɨ wɨə ghàə̀ yɨ mɨghab.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 14:4

Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.

Ɨ̀fàʼì 14:5

Bə̂d mbe nɨ kaʼi mɨ̀Jû mbɨ mɨ̀Jû fɔrɨ bə̂d mbe nyaʼə tekɨ ɨnû ɨŋga əbeŋ mɨ̀Jû nyaʼa kə̀b ni njɨ mbə chə bə̂d tom mbe bə̀ tumbɨ mɨ̀mə̌d ənɨ əti.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.