Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɨ̀fàʼì 13:50 - Meta’

50 Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

အခန်းကိုကြည့်ပါ။ ကော်ပီ

Ikan feg

50 Si ya gha, itog bəd mə̀Ju mbe ya to atog abə mə̀yi kyen kyen mbe ne ya nɔŋi fìŋ igun Ŋwiye bə̀ to atog abə bəd kyen kyen mbe inga asiŋi ze. Ane, mbi ya nɔ̀ʼ ko se chɔ̀ʼɔ ibɔʼì ighog abə Pɔl tì Bànabàs, kàmni awɔb chì inga aba isəg ze.

အခန်းကိုကြည့်ပါ။ ကော်ပီ




Ɨ̀fàʼì 13:50
31 ပူးပေါင်းရင်းမြစ်များ  

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.


Jòsêf rɨ ə Àrimàtiyà nyaʼa yim fîŋ wò əsɨ Pailèt, pè ghà ɨ bɔ ni wɨ̀ naʼ əvɨ ə Yeso ɨ ni tə wò tweŋɨ. Məd yɨə wə̀d nɨ mbɨ nyaʼə wumnɨə rəbɔʼ mə̀saʼ əbeŋ. Ɨ wɨə nyaʼə bə̀ wòm ənû ɨfɔ̀n ə Ŋwìə̀.


Ənɨ bə̂d mbe nyaʼa zu əne, mbɨ nyaʼa buʼ ɨbɔ əmbɨ Yeso ni wɨ̀ saŋ ə əbà əbeŋ.


Ənɨ mbɨ nyaʼa jaŋ rɨŋga nəb ə̀kàtɨ̀ ze, mɨ̀Jû nɔnɔʼ mbɨ ə bə̂d cherə mbe nɨ nyaʼa beŋ tə fîŋ ben ənû ə Ŋwiə̀ mɨ̀Jû nyaʼa beenɨ əbɔʼ Pɔ̂l mbɨ Banabàs. Əne Pɔ̂l mbɨ Banabàs nyaʼa ghàm bə̀ tìmbɨ̀ mɨ̀mə̌d ni mbɨ wo ɨmbì nuŋ fîŋ ɨgun ə Ŋwiə̀ we nɨə ghɨ̀ ɨ̀chɔ̀m ənɨ mɨ̀mə̌d.


Àyɨə ənɨ mɨ̀Jû nyaʼa zə mɨnɔ̂n bə̂d mbe, ə̀dìì ə nyaʼa swi ɨŋga fîŋ tɨ mɨ̀mə̌d, əne mbɨ nyaʼa kɔ zɔm ə Pɔ̂l ghàə̀ ni ənû ze nɨ wɨə ghàə̀ yɨ mɨghab.


Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.


Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.


Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.


Bə̂d mbe nɨ kaʼi mɨ̀Jû mbɨ mɨ̀Jû fɔrɨ bə̂d mbe nyaʼə tekɨ ɨnû ɨŋga əbeŋ mɨ̀Jû nyaʼa kə̀b ni njɨ mbə chə bə̂d tom mbe bə̀ tumbɨ mɨ̀mə̌d ənɨ əti.


Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.


Mɨ̀mə̌d nɔnɔʼ nyaʼa ben ə Kristo. Məyi Gris kyeŋ kyeŋ mbɨ ə mbaŋə̀ Gris nɔnɔʼ nyaʼa bə̀ ben ə Kristo.


Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.


Əne wɨ̀ nyaʼa wò kɔ taŋ ɨŋga nəb ə̀kàtɨ̀ ze mbɨ mɨ̀Jû fɔrɨ mbɨ ə bə̂d mbe nɨ kaʼi mɨ̀Jû nɨ nyaʼa nùŋ fîŋ ɨgun ə Ŋwiə̀. Wɨ̀ nyaʼə bə̀ tàŋ əsam ɨwin ɨni jìm mbɨ ə bə̂d mbe nɨ nyaʼə wò əŋgu.


Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.


Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d wo ɨŋga nəb mbaŋə̀ mɔʼɔ nɨ ɨkum məd nyaʼə Taitùs Justùs. Məd wɨə nyaʼə bə̀ wumnɨ ə Ŋwiə̀. Nəb məd zɨə nyaʼa ɨban nəb ə̀kàtɨ̀ mɨ̀Jû.


À nyaʼa ənɨ ə nyùmə̀ we, mɨ̀Jû mbe nɨ nyaʼa nùŋ fîŋ ɨgun ə Ŋwiə̀ mbɨə nyaʼa ə Jèrusalèm. Mbɨ yɨə nyaʼə rɨŋga ɨbeŋ jìm mbe nɨ yeʼ ɨŋga ɨsɨg.


Ənɨ ɨni mbe sambe nyaʼə sɨə wò mì, mɨ̀Jû mɔʼɔ nɨ nyaʼa yeʼe rɨ ə Esià, nyaʼa zə ə Pɔ̂l ɨŋga mbàn Ŋwìə̀, əne mbɨ nyaʼa no ɨnɔ̂n bə̂d we jìm. Mbɨ nyaʼa gywɨ̀ ə Pɔ̂l,


Ənɨ ɨni nyaʼa che ɨtad, Pɔ̂l nyaʼa tɔŋ bə̂d mbe nɨ nyaʼə chàə̀ mɨ̀Jû. Ənɨ mbɨ nyaʼa fetɨ, wɨ̀ nyaʼa ghà əmbɨ mɨ̀mə̌d ni, “Mbɨ bɔŋgɔb, ka à bè yeʼi ni chəi mə̀ nyaʼa ghɨ ənû ə mɔʼɔ ənɨ mba bə̂d, kɨ̀ bè ghà ənû ə mɔʼɔ ɨmbə̀ʼ mɨchî mba mɨ̀mbǎʼ rəŋwe, mbɨ nyaʼa gywɨ̀ əmɨ ə Jèrusalèm zɨ̀ ɨŋga tɨkyerɨ-ɨbɔ məRom.


Ənɨ mbɨ nyaʼa ghà əne, mbɨ nyaʼa nɔm fîŋ rɨ bə̂d mbe nɨ nyaʼa əŋgu, nɔm fîŋ rɨ bə̂d kyeŋ mbe rɨŋga əbeŋ bə̀ nɔm tɨ məchwiə̀ rɨ̀kə̌. Əne mbɨ nyaʼa gywɨ̀ əməd nɨŋ wo ɨfě mə̀saʼ əbeŋ.


Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.


Mə we tɨ̀ mə ben ni ɨ mbɨə zɨ̀ ətu nɨ faʼ əmbɨ ə Ŋwiə̀, àyɨə chəi mbɨ zɨ ətu yeʼ ɨgun ənû ze nɨ mbɨ kyerɨ ɨmbə̀ʼ ə Ŋwiə̀.


Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.


Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.


À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ