Ɨ̀fàʼì 13:40 - Meta’

⁴⁰ Əne mbə̀ we ə, njɨ ənû ze nɨ bə̂d ɨ̀kə̀n Ŋwiə̀ nyaʼa ghǎ ə bɨrɨ ghɨ ənɨ ə nən. Ənû ze yɨ ni,

Ikan feg

⁴⁰ Ane, mbə̀ we awən nji anug ze ne bədkə̀n Ŋwiye ya gha biri dù igun inən. Anug ze ya gha,

Ɨ̀fàʼì 13:40 ပူးပေါင်းရင်းမြစ်များ

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 6:45

Bə̂d ɨ̀kə̀n Ŋwìə̀ nyaʼa ŋwàʼnɨ̀ ni, 'Ŋwìə̀ bɨrɨ chwi ɨnû əmbɨ mɨ̀mə̌d mɨjìm.' Wə̀d jìm we nɨ zu ənû ze nɨ Ŋwìə̀ ghǎ bə̀ kwembɨ ənû rɨ bɔ bɨrɨ yeʼe əsɨ num.

Ɨ̀fàʼì 15:15

Mɨŋgam mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ə bòmnɨ̀ mbɨ ɨnû mbɔ̂ nɨ mə̀ gha ɨ nən. Mbɨ nyaʼa ŋwàʼnɨ̀ ni,

Ɨ̀fàʼì 7:42

Àyɨə Ŋwìə̀ nyaʼa fid i njìm ənɨ mɨ̀mə̌d. Wɨ̀ nyaʼa ghɨ̀ ni mbɨ kɔ wumnɨ tɨtəmɨ te rɨ əton ɨkaŋ ɨchî nɨ mbɨ nyaʼa ŋwaʼnɨ ɨŋga ə̀ŋwàʼnɨ̀ bə̂d ɨ̀kə̀n ni: Mɨ̀Izre, mbə wa nyaʼa nàʼ nyam te nɨ mbɨ kyemɨ bə̀ nàʼ ɨghɨ ə̀fà ɨ num ənɨ mbə̀ nyaʼa ɨghəm ɨwu ɨwum kwè ɨŋga ɨbad rɨkwàʼi ə?

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.