Ɨ̀fàʼì 13:39 - Meta’

³⁹ Əne Ŋwìə̀ fə waʼ ɨnû rɨbɔ̀ŋ wə̀d mɔʼ mɔʼ we nɨ ben ə Kristo, nɨ chəi tɨkə rɨ Mose te tɨ̀ rɨ nyaʼa waʼ.

Ikan feg

³⁹ Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.

Ɨ̀fàʼì 13:39 ပူးပေါင်းရင်းမြစ်များ

Lk 10:25

À nyaʼa əni ə mɔʼɔ, əchwiə̀ rɨ̀kə̌ mɔʼɔ nyaʼa wò əsɨ Yeso ɨmbə̀ʼ kwaʼnɨ əməd. Əne wɨ̀ nyaʼa biirɨ ɨ bɔ ni, “Əchwiə̀-ɨnû, mə kɨə wo ghɨ yè bɔŋ jɨg ɨ̀tènɨ̀ rɨ mì ə?”

Lk 10:28

Yeso nyaʼa ghà ɨ bɔ ni, “À fə wììrɨ̀ ɨchî chɔ̀m. Sɨə ghɨ əne, à bɨrɨ tènə̀.”

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Ɨ̀fàʼì 10:43

Bə̂d ɨkə̂n Ŋwiə̀ mɨjìm mbɨə nyaʼə ghà ɨnû ɨmbə̀ʼ əməd ni Ŋwìə̀ bɨrɨ chè ənjìm məd, waʼ ɨnû rɨbɔ̀ŋ wə̀d jìm we nɨ nuŋ fîŋ ɨgwɨ məd.”

Rm 10:10

À yɨ ɨmbə̀ʼ ɨchî nɨ wə̀d benɨ nɨ ghɨ̀ ni wɨ̀ təm kùʼnɨ̀. À yɨə bə̀ ɨmbə̀ʼ ɨchî nɨ wə̀d ə ghàm ənɨ i ɨchû nɨ ghɨ̀ ni wɨ̀ jwɨ rəŋgəʼ.

Rm 10:4

Tɨkə rɨ Mose fə nwì ənɨ ə Kristo, ɨmbə̀ʼ wə̀d jìm we nɨ nuŋ fîŋ ɨgun ə Kristo təm kùʼnɨ̀.

Rm 3:19

Tɨ̀nîn tɨ̀ fə kyerɨ ni ɨnû mbe nɨ tɨkə ə ghàə̀, ɨ tɨə ghàə̀ yeʼ əmbɨ ə bə̂d mbe nɨ yeʼ əton rɨkə, ɨmbə̀ʼ tɨ mbɨ berɨ ə ənû nɨ wɨrɨ ghà. Əne Ŋwìə̀ bɨrɨ saʼ bə̂d mɨ̀jìm mbe nɨ yeʼ ɨŋga ɨsɨg.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 4:24

Mbɨ nyaʼa bə̀ ŋwàʼnɨ̀ ɨmbə̀ʼ a ɨghəm. Ŋwìə̀ bɨrɨ ben ni tɨ̀ fə təm kùʼnɨ̀ ənjìm ɨchî nɨ tɨ̀ ben əməd we nɨ nyaʼa zwemnɨ ə Yeso a Ə̀nùŋɨ̀sɨg.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 5:9

Tɨ̀nîn nɨ tɨ̀ fə təm kùʼnɨ̀ ənjìm ənəm ze nɨ Kristo nyaʼa chəmnɨ, wɨ̀ bɨrɨ kaŋ ghɨ ni tɨ Ŋwìə̀ wɨrɨ sə i ɨtəm mbɨ na,

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 8:3

Ənû ze nɨ chəi rɨkə nyaʼa ghɨ̀ ɨmbə̀ʼ ɨchî nɨ nyamnyod ə feenɨə ɨsɨg, Ŋwìə̀ fə ghɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa cha i Wan wɨ̀ yeʼe ɨghabɨ ə wə̀d ɨnû rɨbɔ̀ŋ ɨmbə̀ʼ nimnɨ ɨnû rɨbɔ̀ŋ. Əne wɨ̀ nyaʼa nimnɨ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

Rm 9:31

Àyɨə chəi mɨ̀Izre nɨ nyaʼə kə̀bə̀ ni mbə̀ təm kùʼnɨ̀ ənjìm rɨkə nyaʼa təm kùʼnɨ̀, ɨmbə̀ʼ ɨghəm nɨ chəi mbɨ nyaʼə nùŋə̀ rɨkə te.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

Gàlesìyà 3:8

Ə̀ŋwàʼnɨ̀ ə Ŋwìə̀ ə nyaʼa fə ghà rɨmbì ni Ŋwìə̀ bɨrɨ ghɨ ni bə̂d mbe nɨ kaʼi mɨ̀Jû təm kùʼnɨ̀ ənjìm ɨchî nɨ mbɨ nuŋ fîŋ ɨgwɨ məd. Əne wɨ̀ nyaʼa fə bè ghà ɨkə̂n chɔ̀m əmbɨ ə Abràham ni, “Mə bɨrɨ che ənɨ e njìm zɨ̀ əbɔrəbɔd ɨgwɨ ɨbeŋ jìm.”

Gàlesìyà 5:3

Mə yì ghà əmbɨ wə̀d jìm we nɨ ben ni mbɨ ne əməd ni wɨ̀ berɨ nuŋ rɨkə jìm.

Mə̀Hibrù 10:11

Wə̀d mbàn jìm wɨə təmə fàʼ mbi ɨ̀fàʼì ɨni jìm. Ɨ wɨə nàʼ ɨkwɨ ə̀fà mɔʼ ɨghəm nɔnɔʼ, nɨ chəi əghɨ ə̀fà ze bɨrɨ nɔ nimnɨ ɨnû rɨbɔ̀ŋ bə̂d.

Mə̀Hibrù 10:4

ɨmbə̀ʼ ɨghəm nɨ ka ənəm ə mbɨ̀rɨkun mbɨ ənəm ə gywɨ ə ze tɨ̀ zɨə nimnɨ ɨnû rɨbɔ̀ŋ.

Mə̀Hibrù 7:19

Chəi ɨkə nyaʼa ghɨ ni ənû ə mɔʼɔ ə bɔŋ màànɨ̀. Əne ɨnû mbe nɨ tɨ̀ nuŋ fîŋ ɨgun tɨ̀nîn ə bɔ̀ŋ chè mbe nɨ tɨ̀ nyaʼa be nùŋ fîŋ ɨgun. Tɨ̀ wɨə che ənjìm ɨnû mbe tindɨ ɨban ə Ŋwiə̀.