Ɨ̀fàʼì 13:2 - Meta’

² Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ikan feg

² Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 13:2 ပူးပေါင်းရင်းမြစ်များ

Matìyò 17:21

[Ka ɨkwɨ əzwî rɨbɔ̀ŋ wɔ̂ bɨrɨ jwɨ i, zɨ rɨ tɨ mbə̀ chub rɨ jɨg, kɔ̀ŋgɨ̀ ə Ŋwiə̀.]

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 9:38

Əne mbə̀ kɔŋgɨ Ə̀nùŋɨ̀sɨg nɨ berɨ mbeŋ ni wɨ̀ cha bə̂d ə̀fàʼì mbɨ wo kwə̀ŋ ɨghɨ məd.”

Lk 10:1

Ənɨ mbɨ nyaʼa maanɨ rɨ əwɔ, Ə̀nùŋɨ̀sɨg nyaʼa chɔʼ bə̂d ɨwum sambe chɔ̀b rɨ̀be, əne tom mɨ̀mə̌d mɨbe mɨbe ni mbɨ wo ɨmbì ɨ bɔ ɨŋga ɨsɨ jìm mbe nɨ məd ziə nyaʼa berɨ wo əŋgu.

Lk 2:37

Wɨ̀ nyaʼa chub ənɨ ɨku əyi pè ənɨ wɨ̀ nyaʼə sɨ ɨghəm ɨwu ɨwum famɨ chɔ̀b rɨkwè. Chəi wɨ̀ nyaʼə jwɨ̀ rɨŋga mbàn Ŋwìə̀. Ɨ wɨə nyaʼə wumnɨ ə Ŋwiə̀, chubə zɨ rɨ jɨg bə̀ kɔŋgɨ ə Ŋwiə̀ əziə mbɨ ɨzimɨ.

Ɨ̀fàʼì 10:19

Ənɨ Pità nyaʼə kɨrɨ kɔndɨ e ətu ɨmbə̀ʼ əton ənɨ tɨ̀taanɨ njə̀m ze, Əzwî ə Zeŋɨ ə nyaʼa ghà ɨ bɔ ni, “Zə, bə̂d mɨ̀tad mbɨə kə̀b əwe.

Ɨ̀fàʼì 10:30

Kɔneliùs nyaʼa ghà ni, “À nyaʼa ɨghabɨ ə nyùmə̀ wɔ̂, ənɨ ɨni fə chè ɨkwè, mə̀ wɨə nyaʼə kɔ̀ŋgɨ̀ ə Ŋwiə̀ ɨŋga mɨ nəb ənɨ mɨ̀nyùmə̀ mɨ̀tad əziə. Mə̀ nɨ zə, mbaŋə̀ mɔʼɔ nɨ nyaʼa zɨ ngywɨ̌ nɨə teenɨə nyaʼa sàʼ təm ənɨ mɨ ɨfě.

Ɨ̀fàʼì 13:3

Ənɨ mbɨ nyaʼa fə chub rɨ jɨg bə̀ kɔ̀ŋgɨ̀ ə Ŋwiə̀ màànɨ̀, mbɨ nyaʼa zab mbə ɨbɔ ɨgwɨ mɨ̀mə̌d, chà mɨ̀mə̌d ni mbɨ wò ə.

Ɨ̀fàʼì 13:4

Əzwî ə Zeŋɨ ə nyaʼa tom ə Banabàs mbɨ Sɔ̂l, əne mbɨ nyaʼa swiʼi wò ə Selusià. Mbɨ nyaʼa nɔ̀ʼ rəŋgu nyɨ əbaŋ ɨgyɨ̀ baanɨ wò əkəm əsɨ ze rɨŋga ɨgyɨ̀ nɨ mbɨ nyaʼə tɔŋ ənɨ Saiprùs.

Ɨ̀fàʼì 14:26

Mbɨ nyaʼa nɔ̀ʼ rəŋgu wò nyɨ əbaŋ ɨgyɨ̀ baanɨ bə̀ndɨ̀ wò ə Antiɔ̀k. Antiɔ̀k yɨ əsɨ ze nɨ mbɨ nyaʼa kɔŋgɨ ə Ŋwiə̀ ɨgwɨ mɨ̀mə̌d ni wɨ̀ ghɨ ɨ̀chɔ̀m mbɨ wò faʼ ə̀fàʼì ze nɨ mbɨ cherə nɔʼ rɨ màànɨ̀.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 6:4

Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Ɨ̀fàʼì 8:29

Əzwî ə Zeŋɨ ə nyaʼa ghà əmbɨ Filip ni, “Ndə̀ wo yèn ɨban ɨkarɨ we.”

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 10:15

Mbɨ kɨə wo gha ɨŋgam Ŋwiə̀ ɨmbə̀ʼ əməd rɨ yè nɨ chəi mbɨ tom mɨ̀mə̌d ə? Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨə kàŋ ənû ə chɔ̀m ni bə̂d mbe nɨə ghà ɨkə̂n chɔ̀m mbɨə yeʼe!”

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

1 Kɔrèn 12:11

Ɨnû mbɔ̂ jìm yɨ rɨ əmbɨ Əzwî ze ə mɔʼ. Əzwî ze ə zɨə nàʼ ɨneʼe əmbɨ wə̀d mɔʼ mɔʼ ɨchî nɨ wɨ̀ kə̀bɨ.

1 Kɔrèn 7:5

Tɨ̀ wə̀d ton i nɨ naʼ i ɨnyod əmbɨ awɨ̂n, kɨrɨ ənɨ mbə̀ fə ben ni mbə bɨrɨ ghɨ əne ənɨ ɨkə nyumə̀, ɨmbə̀ʼ mbə̀ nɨŋ ə nyumə̀ kɔ̀ŋgɨ̀ ə Ŋwiə̀. Mbə mɨ fə màànɨ̀, mbə wɨrɨ fɔtɨ əsɨ ɨmbə̀ʼ tɨ Satàn numbɨ i əwən ənjìm ɨchî nɨ chəi mbə̀ə yɨmbɨ ɨnyod.

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

2 Kɔrèn 6:5

Ɨ mbɨə som əwa. Ɨ mbɨ zɨə əwa ə ndəŋ. Ɨ mbɨə bù əchɔb kəb zwiirɨ əwa. Tɨ̀ wɨə nwìʼ ɨnyod mbɨ ɨ̀fàʼì. Tɨ̀ wɨə ni ɨzimɨ mɔʼɔ zɨ rɨ gwenɨ. Tɨ̀ wɨə chubə njì.

Gàlesìyà 1:15

Bɔŋ mbɨ nyaʼa sɨə gywɨ əmɨ, Ŋwìə̀ nyaʼa ghɨ̀ ɨ̀chɔ̀m ənɨ ə num chɔʼ əmɨ bə̀ tɔŋ əmɨ ni mə̀ yeʼ wə̀d məd. Wɨ̀ nyaʼa kàŋ ghaʼ əku

Efesùs 3:7

Mə wɨə fàʼə̀ nɨ ghà ɨkə̂n chɔ̀m wɔ̂ ənjìm ɨ̀chɔ̀m Ŋwiə̀ we nɨ wɨ̀ che ənjìm ɨka məd nèʼ əmɨ əŋgu.

Kòlosè 4:17

Mbə̀ gha əmbɨ Akipùs ni wɨ̀ maanɨ ə̀fàʼì ze nɨ Ə̀nùŋɨ̀sɨg zɨ ɨŋga tɨkyerɨ-ɨbɔ məd.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

2 Timotì 1:11

À yɨ ɨmbə̀ʼ ɨkə̂n chɔ̀m wɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, ni mə̀ yeʼ wə̀d tom məd, mbɨ ni mə̀ chwi ɨnû ɨmbə̀ʼ əməd.

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

2 Timotì 4:11

Àmei Luk yeʼ əgha mbɨ num. Ənɨ àwɔ̀ ə yeʼe, nɨŋ ə Mak yeʼe mbɨ məd, ɨmbə̀ʼ ɨghəm nɨ wɨ̀ bɨrɨ weerɨ əmɨ ənɨ mɨ ə̀fàʼì.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

Mə̀Hibrù 5:4

Chəi wə̀d mɔʼɔ nɨ tɨ̀ wɨ̀ yeʼ ətu ɨgwɨ ə bə̂d mbàn Ŋwìə̀ ɨmbə̀ʼ ɨchî nɨ wɨ̀ ghaʼ ɨwumnɨ we. Àmei Ŋwìə̀ berɨ chɔʼ əməd ɨchî nɨ wɨ̀ nyaʼa chɔʼ ə Eròn.