Ɨ̀fàʼì 10:38 - Meta’

³⁸ Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ikan feg

³⁸ Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 10:38 ပူးပေါင်းရင်းမြစ်များ

Matìyò 12:15

Yeso nyaʼa kyerɨ ni ɨ mbɨ nyaʼə taŋ mɨnaŋ ɨgwɨ ni, əne wɨ̀ nyaʼa nɔ̀ʼ rɨ əsɨ ze. Bə̂d mɨ̀nɔnɔʼ nyaʼa beenɨ əbɔʼ məd, əne wɨ̀ nyaʼa vɨ̀ bə̂d əwɔn mɨjìm mbe nɨ nyaʼa əkaʼ mɨ̀mə̌d.

Matìyò 12:28

Àyɨə mə mɨ yeʼə chɨ̀ ənɨ ɨka nɨ Əzwî ə Ŋwiə̀ naʼ ɨ num, njɨ zɨə chwɨə ni ənû ɨfɔ̀n ə Ŋwiə̀ ə fə sɨ i mbɨ nən.

Matìyò 9:19

Yeso mbɨ mbi mə̀mə̀ə̀nɨ̀-ɨnû nyaʼa nɔ̀ʼ beenɨ əbɔʼ məd.

Matìyò 9:35

Yeso nyaʼa ghanə yèn ɨŋga ɨsɨ kyeŋ jìm bə̀ fɔrɨ ɨŋga ɨsɨ kwa jìm. Wɨ̀ nyaʼə yènə̀ chwiə ɨnû ɨŋga nəb tɨ ə̀kàtɨ̀ te nɨ nyaʼa ɨŋga ɨsɨ mbe. Wɨ̀ nyaʼə bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ, bə̀ yènə̀ vɨ̀ ɨwɔn jìm bə̀ yènə̀ vɨ̀ ɨnɔʼɔ jìm.

Mk 6:6

Zɨə nyaʼa chè əməd ɨchî nɨ chəi mbɨ nyaʼa berɨ ɨbenɨ fîŋ. Yeso nyaʼa ghanə yènə̀ chwi ɨnû ɨŋga ɨsɨ mbe nɨ nyaʼa ɨban ɨban.

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Lk 9:42

Ənɨ wan we nyaʼə yènə̀ yeʼe, əzwî rɨbɔ̀ŋ ze nyaʼa yim əməd tum ə si, kɔ chiʼ əməd. Àyɨə Yeso nyaʼa gham əbɔʼ əzwî rɨbɔ̀ŋ ze, vɨ̀ wan we, wɨrɨ naʼ əmbɨ mbǎʼ məd.

Lk 9:56

Əne mbɨ nyaʼa chè wò ɨŋga əsɨ ə cherə.

Jn 10:32

Yeso nyaʼa wììrɨ̀ əmbɨ mɨ̀mə̌d ni, “Mɨ Mbǎʼ fə ghɨ̀ ni mə ghɨ ɨnû chɔ̀m nɔnɔʼ əkaʼ nən. À kɨə zi rəbɔʼ ɨnû mbɔ̂ nɨ mbɨə kəb tumbɨ əmɨ ɨmbə̀ʼ əzɨ əwən ə?”

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Ɨ̀fàʼì 10:37

Mbə kyerɨ ənû ə kyeŋ ze nɨ nyaʼa ghɨ̌ ɨŋga Izre jìm. Ənû ze ə nyaʼa kɔ ə Galiliî ənɨ Jɔ̌n nyaʼa gha ni bə̂d beŋ tə fîŋ, nɨŋ mɨnib.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Mə̀Hibrù 1:9

À wɨə ghaʼə ɨnû nɨ kuʼnɨ bə̀ bànə̀ mbe nɨ chəi mbɨ kuʼnɨ, əne Ŋwìə̀, e Ŋwìə̀ fə zɔʼ e ənɨ mɨwud ɨmbə̀ʼ ɨghaʼi swi ɨŋga e fîŋ. Wɨ̀ fə zɔʼ e chè ɨchî nɨ wɨ̀ zɔʼ mbe bɔŋgɔb.”

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.