Ɨ̀fàʼì 10:34 - Meta’

³⁴ Pità nyaʼa kɔ ghamɨ ghà ni, “Tɨ̀nîn mə kàŋ kyerɨ ənɨ rəsìʼ ni chəi Ŋwìə̀ ə ghɨ̀ ɨghə.

Ikan feg

³⁴ Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Ɨ̀fàʼì 10:34 ပူးပေါင်းရင်းမြစ်များ

Matìyò 22:16

Əne mbɨ nyaʼa tom mbə mə̀mə̀ə̀nɨ̀-ɨnû mbɨ ə bə̂d mbe nɨ nyaʼə tìmbɨ̀ ə Herɔ̀d əsɨ məd ni mbɨ wo ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni à wɨə chwi ɨnû rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ. Chəi àwɔ̀ ə bɔə bə̂d ɨmbə̀ʼ ɨghəm nɨ chəi àwɔ̀ ə ghɨ̀ ɨghə.

Matìyò 5:2

əne wɨ̀ nyaʼa kɔ chwi ɨnû əmbɨ mɨ̀mə̌d ghàə̀ ni:

Lk 20:21

Mɨ̀-ànàŋgɔŋ mbe nyaʼa pè biirɨ ɨ bɔ ni, “Əchwiə̀-ɨnû, tɨ̀ ə kyerɨ ni à wɨə ghà ɨnû bə̀ chwi ɨnû ɨchî nɨ kuʼnɨ. Chəi àwɔ̀ ə ghɨ̀ ɨghə, àyɨə à wɨə chwi rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ.

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Ɨ̀fàʼì 15:9

Chəi wɨ̀ nyaʼa ghɨ ni ɨkwepɨ jwɨ əkaʼ na mbɨ mɨ̀mə̌d. Ɨchî nɨ mbɨ nyaʼa ben ə Kristo, wɨ̀ nyaʼa bə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 8:35

Filip nyaʼa kɔ mbɨ əsɨ ə̀ŋwàʼnɨ̀ zɔ̂, ghà ɨkə̂n chɔ̀m ɨmbə̀ʼ ə Yeso ɨ bɔ.

Rm 2:11

ɨmbə̀ʼ ɨghəm nɨ chəi Ŋwìə̀ ə ghɨ̀ ɨghə.

Rm 3:29

Ŋwìə̀ wa kɨə mei wɨ mɨ̀Jû ə? Ka məd wa kɨə bə i Ŋwìə̀ bə̂d mbe nɨ kaʼi mɨ̀Jû ə? Ee, məd yɨə bə̀ ə Ŋwìə̀ bə̂d mbe nɨ kaʼi mɨ̀Jû,

Gàlesìyà 2:6

Chəi bə̂d mbɔ̂ nɨ bə̂d nyaʼə nèŋə̀ ni mbɨ yɨə bə̂d kyeŋ nyaʼa yi ənû ə mɔʼɔ əbɔʼ ɨkə̂n chɔ̀m we nɨ mə nyaʼə ghàə̀. (Kɨ̀ bə̂d mbɔ̂ nyaʼa yim mbɨ̀rɨmbin mbi, ka əze yɨ i ənû ə mɔʼɔ ɨ num. Ənû nɨ mə̀ kyerɨ yɨ ni chəi Ŋwìə̀ ə nèŋə̀ bə̂d yeʼ ənɨ mbɨ̀rimbin mbe nɨ mbɨ yimɨ).

Efesùs 6:9

Mɨ̀mbǎʼ ə̀fàʼì, mbə bə ghɨ̀ əndəŋ əndəŋ mbɨ mbə ɨ̀bòʼò. Tɨ mbə̀ kaʼ ə ni mbə bɨrɨ chə mɨ̀mə̌d. Mbə kyerɨ ni mbə̀n mɨjìm berɨ Mbǎʼ ə̀fàʼì mɔʼ nɨ yeʼ ɨkaŋ. Chəi məd ə ghɨ̀ ɨghə.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Kòlosè 3:25

Mbɨ bɨrɨ chwɨ wə̀d we nɨə ghɨ̀ ɨnû rɨbɔ̀ŋ ɨgwɨ ɨnû rɨbɔ̀ŋ mbe nɨ wɨ̀ ghɨ̌. Mbə̀ kyerɨ ni chəi Ŋwiə̀ ə ghɨ̀ə̀ ɨghə.

Jems 2:1

Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

Jems 2:4

njɨ chəi mbə̀ kɨrɨ ghabrɨ bə̂d əkaʼ nən, bə̀ saʼ bə̂d mbɨ rɨkɔndɨ rɨbɔ̀ŋ ə?

Jems 2:9

Mbə mɨ yeʼə ghɨ̀ əghə, njɨ mbə fə ghɨ̀ ənû rɨbɔ̀ŋ. Əne ɨkə fə yim əwən ɨchî nɨ wɨ̀ yim bə̂d nɨ fə gù ɨkə.

1 Pità 1:17

Ɨchî nɨ mbə̀ə tɔŋ ə Ŋwiə̀ ənɨ ə Mbǎʼ ənɨ mbə̀ə kɔ̀ŋgɨ̀ əməd, əne mbə̀ kyerɨ ni chəi məd ə ghɨ̀ ɨghə ənɨ wɨə saʼə bə̂d. Əne mbə̀ bɔ əməd ɨchî nɨ mbə̀ yeʼ ɨghabɨ ɨ̀nɔ̀ʼɔ̀ ɨgwɨ ə si əgha.