Ɨ̀fàʼì 10:31 - Meta’

³¹ Wɨ̀ nyaʼa təm ghà ni, 'Kɔneliùs! Ŋwìə̀ fə zu e ə̀kɔ̀ŋgɨ̀. Wɨ̀ fə bə̀ zə ɨkab we nɨ àwɔ̀ ə nàʼ əmbɨ ə bə̂d ɨkwaŋ.

Ikan feg

³¹ Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

Ɨ̀fàʼì 10:31 ပူးပေါင်းရင်းမြစ်များ

Lk 1:13

Àyɨə aŋgɨrə̀ we nyaʼa ghà ɨ bɔ ni, “Tɨrə̀ bɔ e, kyɨə Zèkàriyà, ɨmbə̀ʼ ɨghəm nɨ Ŋwìə̀ fə zu e ə̀kɔ̀ŋgɨ̀. E ɨwi Èlisabèt bɨrɨ gywɨ wan mbaŋə̀, à bɨrɨ chu ɨkum məd ni Jɔ̌n.

Ɨ̀fàʼì 10:30

Kɔneliùs nyaʼa ghà ni, “À nyaʼa ɨghabɨ ə nyùmə̀ wɔ̂, ənɨ ɨni fə chè ɨkwè, mə̀ wɨə nyaʼə kɔ̀ŋgɨ̀ ə Ŋwiə̀ ɨŋga mɨ nəb ənɨ mɨ̀nyùmə̀ mɨ̀tad əziə. Mə̀ nɨ zə, mbaŋə̀ mɔʼɔ nɨ nyaʼa zɨ ngywɨ̌ nɨə teenɨə nyaʼa sàʼ təm ənɨ mɨ ɨfě.

Ɨ̀fàʼì 10:32

Əne tom bə̂d ə Jopà ni mbɨ kəb ə Saimòn we nɨ mbɨə bə̀ tɔŋ ənɨ Pità. Məd wɨə chub ɨŋga nəb Saimòn we nɨə tekɨə gôb. Nəb məd zɨ əŋgo rɨ̀bàà.'

Ɨ̀fàʼì 10:4

Kɔneliùs nyaʼa toŋ əghə ɨgwɨ aŋgɨrə̀ we, bɔ, əne biirɨ ni, “À kɨ ənû ə ye, masà ə?” Aŋgɨrə̀ we nyaʼa wììrɨ̀ ɨ bɔ ni, “Fîŋ Ŋwìə̀ ə bɔ̀ŋ əku ɨmbə̀ʼ ə̀kɔ̀ŋgɨ̀ ze nɨ àwɔ̀ ə kɔ̀ŋgɨ̀ə̀ fɔrɨ ɨmbə̀ʼ ɨkab we nɨ àwɔ̀ ə wèèrɨ̀ə̀ bə̂d ɨkwaŋ əŋgu. Əne wɨ̀ bɨrɨ wiirɨ e ə̀kɔ̀ŋgɨ̀.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.