Ɨ̀fàʼì 1:16 - Meta’

¹⁶ “Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Ikan feg

¹⁶ Wì ya ghà inɔb gha, “Ìmbum məfi fɔrɔ ìtum njàbi, Ìngam Ŋwiye we ne Azwighi Ŋwiye ya ghi ifɔn Dèvid ŋwàʼrì kwàʼ aneg aneg imbə̀ʼ Judàs we ne ya fḛ Yeso abə bəd mbe ne ya gwìye Yeso fə dù ane tesiʼ.

Ɨ̀fàʼì 1:16 ပူးပေါင်းရင်းမြစ်များ

Matìyò 26:14

Wɨ mɔʼɔ rəbɔʼ mə̀mə̀ə̀nɨ̀-ɨnû Yeso mbe wum chɔ̀b rɨ̀be, nɨ ɨkum məd nyaʼə Judàs Iskàriɔ̀t, nyaʼa wò əsɨ bə̂d kyeŋ mbe rɨ ə mbàn Ŋwìə̀

Matìyò 26:47

Ənɨ Yeso nyaʼə kɨrɨ ghamə, Judàs, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be nyaʼa yeʼe. Ɨ wɨə nyaʼə yènə̀ mbɨ ɨnɔ̂n bə̂d nɨ nyaʼa yim rɨbi bə̀ yim ɨtum mbàŋ. À yɨə bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa tom mɨ̀mə̌d.

Matìyò 26:54

Àyɨə mə mɨ ghɨ̀ əne, njɨ ɨŋgam Ŋwiə̀ we nɨ gha ni ɨnû mbɔ̂ berɨ ghɨ̀, kɨə wo jwɨ ənɨ rəsìʼ rɨ ye ə?”

Matìyò 26:56

Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Mk 12:36

Əzwî ə Zeŋɨ ə nyaʼa fe ə Dèvîd wɨ̀ ghà ziə ni, 'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, Chub ənɨ mɨ əbɔ ə jɨgɨ, pè ənɨ mə̀ nuŋ mbe bə̂d pə̀n əton mbe ɨwu.'

Mk 14:43

Ənɨ Yeso nyaʼə kɨrɨ ghàmə̀, Judàs nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be nyaʼa yeʼe. Ɨ wɨə nyaʼə yènə̀ mbɨ ɨnɔ̂n bə̂d nɨ nyaʼa yim rɨbi bə̀ yim ɨtum mbàŋ. À yɨə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d kyeŋ mbe rɨŋga əbeŋ nyaʼa tom mɨ̀mə̌d.

Lk 22:47

Ənɨ Yeso nyaʼa kɨrɨ ghàmə̀, ɨnɔ̂n bə̂d nyaʼa yeʼe. À yɨə Judàs, nɨ nyaʼa wɨ̀ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be, nyaʼa chè ɨmbì. Wɨ̀ nyaʼa chè wò ɨban ə Yeso ɨmbə̀ʼ sɔɔrɨ ndə̀ʼ məd.

Jn 10:35

Ŋwìə̀ nyaʼa tɔŋ bə̂d mbe nɨ nyaʼa zu ɨŋgam məd ni mbɨ yɨ mɨ̀ŋwìə̀. Əne mbə̀ kyerɨ ni Ə̀ŋwàʼnɨ̀ ə Ŋwiə̀ ə zɨə ghà rəsìʼ.

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 19:36

Ɨnû mbɔ̂ nyaʼa ghɨ̀ ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ ni, “Chəi mbɨ bɨrɨ buʼrɨ əwu əməd ə mɔʼɔ.”

Ɨ̀fàʼì 1:20

“Ə zɨ ɨŋga Ə̀ŋwàʼnɨ̀ ə mɨ̀Sâm ni, 'Nəb məd chubɨ zɨ zobɨ, tɨ wə̀d mɔʼɔ chub i ɨŋga,' mbɨ ni, 'Wə̀d cherə nɨŋ tɨmbin ə̀fàʼì əməd.'

Ɨ̀fàʼì 13:15

Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ɨ̀fàʼì 13:38

Əne kyɨə bɔŋgɔb, mbə̀ kyerɨ ni tɨ̀ wɨə chè ənjìm wə̀d wɔ̂ ghà ɨnû ɨ nən ɨmbə̀ʼ ɨchî nɨ Ŋwìə̀ ə waʼ ɨnû rɨbɔ̀ŋ bə̂d.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 15:7

Ənɨ mbɨ nyaʼa fə gham ənɨ əgha ə se, Pità nyaʼa nɔ̀ʼ təm rətiə ghà əmbɨ mɨ̀mə̌d ni, “Mbɨ bɔŋgɔb, mbə̀ kyerɨ ni à nyaʼa ɨŋga ɨni mbe nɨ ɨnû mbɔ̂ nyaʼa kɔ, Ŋwìə̀ nyaʼa chɔʼ əmɨ rəkaʼ nən ni mə gha ɨkə̂n chɔ̀m əmbɨ bə̂d mbe nɨ kaʼi mɨ̀Jû, ɨmbə̀ʼ mbɨ zu benɨ.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 23:1

Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Ɨ̀fàʼì 23:6

Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ɨ̀fàʼì 28:17

Ənɨ ɨni nyaʼa che ɨtad, Pɔ̂l nyaʼa tɔŋ bə̂d mbe nɨ nyaʼə chàə̀ mɨ̀Jû. Ənɨ mbɨ nyaʼa fetɨ, wɨ̀ nyaʼa ghà əmbɨ mɨ̀mə̌d ni, “Mbɨ bɔŋgɔb, ka à bè yeʼi ni chəi mə̀ nyaʼa ghɨ ənû ə mɔʼɔ ənɨ mba bə̂d, kɨ̀ bè ghà ənû ə mɔʼɔ ɨmbə̀ʼ mɨchî mba mɨ̀mbǎʼ rəŋwe, mbɨ nyaʼa gywɨ̀ əmɨ ə Jèrusalèm zɨ̀ ɨŋga tɨkyerɨ-ɨbɔ məRom.

Ɨ̀fàʼì 28:25

Ɨchî nɨ chə nyaʼa i mɨ̀mə̌d ənɨ ɨchû mɔʼ, mbɨ nyaʼa jwɨ̀ rɨŋga nəb Pɔ̂l, ənɨ wɨ̀ nyaʼa fə ghǎ ənû zɔ̂ ə mɔʼ ni, “Əzwî ə Zeŋɨ ə nyaʼa kùʼ ɨchî nɨ zɨə nyaʼa chè ənjìm wə̀d ɨ̀kə̀n Ŋwìə̀ Aizayà ghà əmbɨ mbə mɨ̀mbǎʼ rəŋwe ni,

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

2 Pità 1:21

ɨmbə̀ʼ ɨghəm nɨ chəi ɨkə̂n Ŋwiə̀ nyaʼa yeʼe ɨchî nɨ bə̂d mɨ̀sɔŋɨchù nyaʼa kəbɨ. À yɨ Əzwî ə Zeŋɨ ə nyaʼa ghɨ ni bə̂d gha ɨkə̂n Ŋwiə̀.

2 Pità 2:21

Zɨə nyaʼa kàŋ bɔ̀ŋ ni tɨ mbɨ be kyerɨ ə ɨnû nɨ kuʼnɨ, chè ɨchî nɨ mbɨ kyerɨ, əne wɨrɨ firɨ njìm ənɨ rɨkə zeŋɨ te nɨ mbɨ nyaʼa naʼ əmbɨ mɨ̀mə̌d.