Ɨ̀fàʼì 1:12 - Meta’

¹² Bə̂d tom mbe nyaʼa nɔ̀ʼ rɨkaŋ Ɨwum mɨ̀Olìf, bə̀ndɨ̀ wò ə Jèrusalèm. Əgha nɨ wo pe əŋgu yɨə nyaʼa ɨghabɨ kilometà mɔʼ.

Ikan feg

¹² Bədtɔm ìmbi Yeso ya swiʼi ikaŋ iwum mə̀Olìf bə̀ndì ghò a Jèrusalèm. Agha ni nɔ̀ʼ ane asiŋi ze ghò a Jèrusalèm ya icheg kìlometà imɔʼ.

Ɨ̀fàʼì 1:12 ပူးပေါင်းရင်းမြစ်များ

Matìyò 21:1

Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə tiinɨ ɨban ə Jèrusalèm, mbɨ nyaʼa pè ə Bètfagè nɨ nyaʼa ɨbom Ɨwum mɨ̀Olìf. Mbɨ nyaʼa pè əŋgu əne, Yeso tom mbi mə̀mə̀ə̀nɨ̀-ɨnû mɨ̀be ni mbɨ beə wò ɨmbì.

Matìyò 24:20

Mbə̀ kɔŋgɨ ə Ŋwiə̀ ni tɨ əni ze nɨ mbə̀ bɨrɨ ghanə nòrə̀ ə kùʼ i ənɨ ə nyùmə̀ we nɨ ɨfə ə kɔ əku, kɨ̀ ɨgwɨ əni əkwɨ mɨ̀Jû,

Matìyò 24:3

Ənɨ Yeso nyaʼa chub ə si ɨkaŋ Ɨwum mɨ̀Olìf, mə̀mə̀ə̀nɨ̀-ɨnû mbe nyaʼa wò əsɨ məd àmei mɨ̀mərə mɨ̀mərə pè biirɨ ni, “Gha ɨ na, ənû zɔ̂ ə kɨə wo ghɨ̀ əwù zi ə? Ənweenɨ ze nɨ bɨrɨ chwi ni à bɨrɨ wɨrɨ yeʼe mbɨ ni ɨsɨg bɨrɨ nwìə̀ kɨ əzi ə?”

Matìyò 26:30

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Lk 19:29

Ənɨ wɨ̀ nyaʼa pè ɨban ə Bètfagè mbɨ Betanì nɨ nyaʼa ɨkaŋ Ɨwum mɨ̀Olìf, wɨ̀ nyaʼa tom mbi mə̀mə̀ə̀nɨ̀-ɨnû mɨbe

Lk 21:37

Yeso wɨə nyaʼə chwi ɨnû ɨŋga mbàn Ŋwìə̀ ɨni jìm. À sɨ ɨkwirɨ kwirɨ, ɨ wɨə nyaʼə jwɨ̀ə̀ wò ni ɨkaŋ Ɨwum mɨ̀Olìf.

Lk 24:50

Yeso nyaʼa nɨŋ mbi mə̀mə̀ə̀nɨ̀-ɨnû mbɨ jwɨ̀ wò ə Betanì. Wɨ̀ nyaʼa pè əŋgu nɔ̀ mbi ɨbɔ zɨ̀ əbɔrəbɔd ɨgwɨ mɨ̀mə̌d.

Lk 24:52

Mbɨ nyaʼa wumnɨ əməd, wɨrɨ bə̀ndɨ̀ wò ə Jèrusalèm. Ɨghaʼi nyaʼa swi ɨŋga fîŋ tɨ mɨ̀mə̌d.

Jn 11:18

Ɨ nɔʼ rɨ ə Betanì wò ə Jèrusalèm yɨə nyaʼa ɨghabɨ mɨ̀kilometà mɨ̀tad.