Gàlesìyà 6:9 - Meta’

⁹ Tɨ rɨ̀ bɔd əwa nɨ ghɨ ɨ̀chɔ̀m. Tɨ̀ mɨ ton bɔd əwa, tɨ̀ bɨrɨ kwəŋ ɨghɨ nɔnɔʼ ənɨ ə nyùmə̀ kuʼu.

Ikan feg

⁹ Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Gàlesìyà 6:9 ပူးပေါင်းရင်းမြစ်များ

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 24:13

Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Matìyò 9:19

Yeso mbɨ mbi mə̀mə̀ə̀nɨ̀-ɨnû nyaʼa nɔ̀ʼ beenɨ əbɔʼ məd.

Mk 3:3

Yeso nyaʼa ghà əmbɨ ə mbaŋə̀ ze nɨ əbɔ əməd ə nyaʼa nə̀ŋɨ ni, “Yeʼe ɨfě əgha.”

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

2 Kɔrèn 4:16

Chəi ta fîŋ ə bɔrə. Ka à bè yeʼi ni ta nyamnyod tɨə chə̀ə̀rɨ̀ə̀ wòə̀, àyɨə Ŋwìə̀ wɨə nàʼ ɨ̀tènɨ̀ fi ɨ na ɨni jìm.

2 Kɔrèn 9:6

Ənû ze nɨ mɨə ghàə̀ yɨ ni: Wə̀d we nɨ kon ɨghɨ rɨpiî, bɨrɨ bɨ kwəŋ ɨghɨ rɨpiî. We nɨ kon ɨghɨ nɔnɔʼ, bɨrɨ bɨ kwəŋ ɨghɨ nɔnɔʼ.

Efesùs 3:13

Əne mə wɨə buʼ ɨbɔ ni tɨ tə fîŋ bɔd i, ɨmbə̀ʼ ɨghəm nɨ mə wɨə zəə ŋgəʼ ɨmbə̀ʼ əwən. Ɨnû mbɔ̂ jìm yɨ ɨmbə̀ʼ weerɨ əwən.

2 Tès 3:13

Mba bɔŋgɔb, tɨ mbə̀ bɔd ə nɨ ghɨ ɨnû nɨ kuʼnɨ.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

Mə̀Hibrù 12:5

Mbə wa fə neb ɨŋgam Ŋwìə̀ we nɨə tìmbɨ̀ əwən ni mbə yɨə bɔn məd ə? Ɨŋgam we ə ghà ni, “Mɨ wan, Ŋwìə̀ mɨ chə e, tɨrə̀ nɨŋ e ni à yɨ əfed. Tɨ e fîŋ bɔd i əwù ze nɨ Ŋwìə̀ gham əbɔʼ ne,

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Jems 5:7

Mbɨ bɔŋgɔb, mbə̀ yim fîŋ pè əni ze nɨ Ə̀nùŋɨ̀sɨg bɨrɨ wɨrɨ yeʼe. Mbə̀ zə, wə̀d nɨə fàʼə̀ mbeŋ wɨə wòmə̀ ni ɨghɨjɨg kɔʼ ə mbeŋ. Ɨ wɨə yimə fîŋ wòmə̀ kɔ rɨ ənɨ mbə̀ŋ chubɨ wò pè ənɨ mbə̀ŋ ə sobə.

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.

1 Pità 3:17

ɨmbə̀ʼ ɨghəm nɨ zɨə bɔ̀ŋ ni mbə zə ŋgəʼ ɨmbə̀ʼ ɨchî nɨ mbə̀ə ghɨ̀ ɨ̀chɔ̀m ɨchî nɨ Ŋwiə̀ kəbɨ, chè ɨchî nɨ zə ŋgəʼ ənɨ mbə̀ə ghɨ ɨnû rɨbɔ̀ŋ.

1 Pità 4:19

Əne bə̂d mbe nɨə zəə ŋgəʼ ɨchî nɨ Ŋwiə̀ kəbɨ, chè ɨmbì ghɨ ɨnû nɨ kuʼnɨ. Mbɨ bə nàʼ ə ɨ̀tènɨ̀ əmbɨ Ŋwìə̀ we nɨ nyaʼa tekɨ mɨ̀mə̌d. Məd wɨə ghɨ̀ ɨnû jìm mbe nɨ wɨ̀ kaʼi.

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 2:3

Mə kyerɨ ni à wɨə nyìʼə̀ bə̀ zəə ŋgəʼ əku ɨmbə̀ʼ əmɨ, àyɨə chəi à kɨrɨ bɔd.

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”