Gàlesìyà 5:16 - Meta’

¹⁶ Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Ikan feg

¹⁶ Anug ne mə ghà inən ya gha, mbə̀ chughi icheg ne Azwighi Ŋwiye ze kə̀bə̀. Mbə̰ mə̀ chùghi ane, nji chəyi mbə̀ biri ya ghìyə̀ inug tibɔ̀ŋ mbe ne ìtən nyàmnyɔd te kə̀bə̀.

Gàlesìyà 5:16 ပူးပေါင်းရင်းမြစ်များ

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 3:17

Ənû nɨ mə̀ gha yɨ ni, “Ŋwìə̀ nyaʼa san fɨso mbɨ Abràham kàʼ ni tə bɨrɨ nuŋ fɨso fe. Əne ka rɨkə te nɨ sɨ yeʼe ənɨ ɨghəm ɨwu fə che əkɨ əkwè mbɨ ɨwum tad bɨrɨ nimnɨ i fɨso fe nɨ Ŋwìə̀ nyaʼa fə be san, əne ghɨ̀ ni ənû ze nɨ Ŋwìə̀ nyaʼa kaʼi ə che ətu ə̀kǒ.”

Gàlesìyà 6:8

Wə̀d mɨ kon əghɨ ze nɨ nyamnyod məd ə feenɨə, əghɨ ze nɨ wɨ̀ bɨrɨ kwəŋ yɨ ɨvɨ. Wɨ̀ mɨ kon əghɨ ze nɨ Əzwî ə kə̀bə̀, əghɨ ze nɨ wɨ̀ bɨrɨ kwəŋ yɨ ɨ̀tènɨ̀ rɨ mì.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Kòlosè 2:11

Ɨchî nɨ mbə̀ yeʼ ənɨ ɨfɔtɨ mbɨ məd, əne mbɨ nyaʼa fə bə̀ ne əwən. Kaʼi bə̂d mɨ̀sɔŋɨchù nyaʼa ne əwən ənɨ mbə ɨbɔ. À yɨə Kristo ziə nyaʼa ne əwən ɨchî nɨ wɨ̀ chɨ əwən rɨ əton ɨka we ɨnû rɨbɔ̀ŋ nyaʼa berɨ ɨgwɨ nən.

1 Pità 1:14

Ɨchî nɨ mbə yeʼ bɔn nɨə zuunɨə, tɨ mbə wɨrɨ beenɨ ə əbɔʼ ɨnû rɨbɔ̀ŋ mbe nɨ tə nyamnyod nyaʼə feenɨə ənɨ ə nyùmə̀ we nɨ chəi mbə̀ nyaʼa kɨrɨ kyerɨ ə Ŋwiə̀.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

1 Pità 4:6

Əzɔ̂ yɨ əton nɨ mbɨ nyaʼa gha ɨkə̂n chɔ̀m fɔrɨ əmbɨ ɨvɨ bə̂d, ka à bè yeʼi ni mbɨ nyaʼa fə saʼ mɨ̀mə̌d ɨchî nɨ mbɨə saʼə bə̂d cherə. Əne yɨ ɨmbə̀ʼ ɨzwî mɨ̀mə̌d yeʼ ɨghabɨ Əzwî ə Ŋwiə̀.