Gàlesìyà 5:1 - Meta’

¹ Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Ikan feg

¹ Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Gàlesìyà 5:1 ပူးပေါင်းရင်းမြစ်များ

Matìyò 23:4

Ɨ mbɨə kod ɨghɨ nɨ nirɨ, zab ə mbə̀ʼ bə̂d cherə, àyɨə chəi mbɨ ə chà fi əbɔ ɨ weerɨ ghɨ ni ɨghɨ mbe zamə.

Lk 5:38

Mbɨ berɨ zɨ mɨnoʼ zwɨ̀ yeʼ ɨŋga chəŋ rɨ fi.

Ɨ̀fàʼì 15:10

Əne tɨ̀nîn mbə̀ kɨə kəb zweʼrɨ ə Ŋwiə̀ ɨchî nɨ mbɨə zɨ̀ ɨkom nɨ nirɨ ɨgun ə bə̂d mbe nɨ ben ə Kristo, nɨ chəi mba mɨ̀mbǎʼ rəŋwe kɨ̀ mbǎ mbe tɨ̀ rɨ̀ bèʼ, kɨ ɨmbə̀ʼ ə yè ə?

Rm 6:14

Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Rm 6:18

Chəi ɨnû rɨbɔ̀ŋ wɨrɨ berɨ ənû nɨ ghɨ mbɨ nən, əne mbə yɨə sɨ ɨ̀bòʼò əmbɨ ɨnû nɨ təm kùʼnɨ̀.

Rm 7:3

Mbɨ bɨrɨ tɔŋ əməd ənɨ əyi nɨə niirɨə mbaŋə̀ ənɨ wɨ̀ chubɨ mbɨ ə mbaŋə̀ cherə ənɨ ɨnom məd kɨrɨ i ɨkǎ. Àyɨə ɨnom məd mɨ fə kwɨ, chəi tɨkə te wɨrɨ yim əməd. Wɨ̀ mɨ nam ɨnom cherə, ka məd yɨ i əyi nɨə niirɨə mbaŋə̀.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

Rm 8:15

Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

1 Kɔrèn 16:13

Mbə̀ we əwən. Mbə̀ nùŋ fîŋ nɨ kaanɨ ɨgun ə Kristo. Tɨ mbə̀ bɔ ə. Mbə̀ təm kàànɨ̀.

1 Kɔrèn 7:22

Wə̀d we nɨ Ə̀nùŋɨ̀sɨg nyaʼa tɔŋ əməd ənɨ wɨ̀ nyaʼa ə̀bòʼò, fə sɨ ənɨ i ɨghəm ɨchî nɨ wɨ̀ yeʼ ənɨ ɨfɔtɨ mbɨ Ə̀nùŋɨ̀sɨg. À yɨə bə̀ əndəŋ əndəŋ ni wə̀d we nɨ nyaʼa ənɨ i ɨghəm ənɨ ə nyùmə̀ we nɨ Ə̀nùŋɨ̀sɨg nyaʼa tɔŋ əməd fə sɨ ə̀bòʼò ə Kristo.

2 Kɔrèn 11:20

Mbə mbɨə benə wə̀d mɔʼɔ we nɨ beŋ əwən ənɨ ɨ̀bòʼò, kɨ̀ we nɨ tambɨ əwən fè mbə ɨghɨ, kɨ̀ we nɨ nyem əwən ɨmbə̀ʼ jɨg mbə ɨghɨ, kɨ̀ we nɨ ghɨ ɨghabɨ ni tə yɨə Wə̀d kyeŋ mɔʼɔ, kɨ̀ we nɨ tum əbɔ ənɨ ə ɨfě.

2 Kɔrèn 3:17

Tɨ̀nîn Ə̀nùŋɨ̀sɨg yɨ Əzwî ze, əne əsɨ ze nɨ Əzwî Ə̀nùŋɨ̀sɨg ə yeʼ əŋgu, bə̂d mbɨ ənɨ ə ɨghəm.

Gàlesìyà 2:4

Ənû zɔ̂ ə nyaʼa kɔ ɨchî nɨ bɔŋgɔb mɨ̀ghab mɔʼɔ nyaʼa nyaʼrɨ yeʼe nyɨ əkaʼ na kə̀b kyerɨ ɨchî nɨ tɨ̀ nyaʼa chubɨ ənɨ a ɨghəm ɨchî nɨ tɨ̀ ɨfɔtɨ mbɨ Kristo Yeso. Mbɨ nyaʼa kə̀b yeʼ ni tɨ̀ ben ə̀bòʼò əton tɨkə rɨ Mose.

Gàlesìyà 3:25

Àyɨə tɨ̀nîn nɨ ənû nɨ nuŋ fîŋ ɨgun ə Kristo ə fə yeʼe, chə wɨrɨ əwa əton rɨkə te nɨ nyaʼə tùmbɨ̀ əwa.

Gàlesìyà 4:26

Àyɨə ka Sèra yɨ i ə̀bòʼò. Məd ə təm ənɨ Jèrusalèm we nɨ yeʼ ɨkaŋ. Məd yɨ a nɨ̌ŋ.

Gàlesìyà 4:31

Əne, kyɨə bɔŋgɔb, ka tɨ̀ yɨ əwa bɔn əyi we nɨ yeʼ ə̀bòʼò. Tɨ̀ yɨə bɔn əyi we nɨ kaʼi ə̀bòʼò.

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

Efesùs 6:14

Əne mbə̀ təm kàànɨ̀, kod ɨnû rəsìʼ ənɨ ə ɨkyerɨ ɨghabɨ ni à yɨ ɨ̀kɔ̀bɨ̀. Mbə̀ zɨ ənû nɨ təm kùʼnɨ̀ ɨfě Ŋwiə̀ ɨgwɨ nən ɨghabɨ ni à yɨə parɨwa ətənɨ.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

1 Tèsàlonikà 3:8

Tɨ̀nîn ta fîŋ fə wɨrɨ bə̀ndɨ̀ yeʼe ɨchî nɨ mbə̀ təm kàànɨ ɨŋga ɨbenɨ we nɨ mbə̀ nuŋ ɨgun Ə̀nùŋɨ̀sɨg Yeso.

2 Tès 2:15

Əne kyɨə bɔŋgɔb, mbə̀ təm kàànɨ̀, yim ɨnû mbe nɨ tɨ̀ nyaʼa chwi ɨ nən kɨ̀ à kɨ ənɨ mɨŋgam mbe nɨ tɨ̀ nyaʼə ghàə̀ kɨ̀ ɨŋga ə̀ŋwàʼnɨ̀ ze nɨ tɨ̀ ŋwaʼnɨ ɨ nən.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

2 Pità 2:19

Ɨ mbɨə kàʼə̀ ni mbə bɨrɨ chɨ̀ bə̂d mbɔ̂ rəŋgəʼ, àyɨə ənɨ ə ɨghəm, mbɨ yɨ ɨ̀bòʼò əmbɨ ɨnû rɨbɔ̀ŋ, ɨmbə̀ʼ ɨghəm nɨ wə̀d yɨ ə̀bòʼò əmbɨ əghɨ ze nɨ baŋ əməd.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.

Ɨnû 2:25

Ɨkom we nɨ mə̀ bɨrɨ zɨ ɨgwɨ nən mei ni mbə̀ nuŋ fîŋ ɨgwɨ num pè ənɨ mə̀ bɨrɨ wɨrɨ yeʼe.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.