2 Tès 1:9 - Meta’

⁹ Ŋwìə̀ bɨrɨ zɨ ŋgəʼ ɨgwɨ mɨ̀mə̌d, bə̀ ghɨ̀ ni ŋgəʼ ze chə mɨ̀mə̌d koŋ. Wɨ̀ bɨrɨ chɨ mɨ̀mə̌d rɨ ɨfě Ə̀nùŋɨ̀sɨg Yeso. Chəi mbɨ bɨrɨ bɨ nyɨ ɨŋga ɨwumnɨ məd we nɨ kaŋ dabə.

Ikan feg

⁹ Mbɔb biri nyi inga ngəʼ ne chəyi ìnwḭ. Chəyi mbɔb biri nɔʼ bàd Anɔŋisəg. Chəyi mbɔb biri nyi inga ighumni kyen məd ka.

2 Tès 1:9 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 22:13

Əne ɨfɔ̂n we nyaʼa ghà əmbɨ mbi bə̂d ə̀fàʼì ni, 'Mbə̀ kod əməd, ɨbɔ fɔrɨ ɨwu, màʼ ɨsɨg ɨŋga ɨsɨ firɨ, nɨ yeʼ əsɨ nɨ bə̂d bɨrɨ sɨə zə̀ʼə̀ kud əsɔŋ.'

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Matìyò 7:23

Mbɨ mɨ ghà əne, mə bɨrɨ ghà əmbɨ mɨ̀mə̌d ni, 'Chəi mə kweʼ kyerɨ əwən. Mbə̀ nɔʼ rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ.'

Lk 13:27

Àyɨə wɨ̀ bɨrɨ gha ni, 'Mə ghà ɨ nən ni chəi mə̀ kyerɨ əsɨ ze nɨ mbə̀ nɔʼ rəŋgu. Əne mbə̀ nɔʼ ə rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ!'

Jn 5:14

Ənɨ əmad ə nyaʼa zombɨ, Yeso nyaʼa zə mbaŋə̀ ze nɨ wɨ̀ kə̀ʼ vɨ̀ əməd ɨŋga mbàn Ŋwìə̀, əne wɨ̀ nyaʼa ghà ɨ bɔ ni, “Zə, à fə bɔtɨ e! Tɨrə̀ wɨrɨ ghɨ e ənû rɨbɔ̀ŋ, ɨmbə̀ʼ tɨ ənû nɨ bə chè əzɔ̂ ə nyɨ i ɨgwɨ ne.”

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

1 Tèsàlonikà 5:3

Ənɨ bə̂d ə ghàə̀ ni, “Tɨ̀ wɨ a ənɨ əbɔrəbɔd, chəi əton nɨ bɔ ənû ə mɔʼɔ,” ŋgəʼ rɨbɔ̀ŋ bɨrɨ saʼ nyɨ ɨgwɨ mɨ̀mə̌d àmei ɨghabɨ ɨchî nɨ əyi ə zu rɨbuʼ ənɨ wɨə nombɨə. Chəi bə̂d bɨrɨ vɨ rɨŋga ŋgəʼ ze.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Mə̀Hibrù 10:29

Zɨə nɨə yeʼ əne, njɨ mbə kɔn əzən ni à kɨ ɨkwɨ ɨchə nɨ kaanɨ rɨ ye nɨ tɨ̀ mbɨ nàʼ əmbɨ ə wə̀d we nɨ təənɨ Wan Ŋwìə̀, tìbrɨ̀ ənəm ze nɨ mbɨ nyaʼa nɨŋ san fɨso fe nɨ nyaʼa zeŋnɨ əməd, bə̀ zɔ̀m Əzwî ə Ŋwiə̀ ze nɨə ghɨ̀ ɨ̀chɔ̀m ənɨ ə na ə?

2 Pità 2:17

Məchwiə̀-ɨnû mɨghab mbɔ̂ yɨ ɨghabɨ mɨ̀jwɨ̀-əmboŋ nɨ fə zomɨ. Mbɨ yɨ ɨghabɨ ə pàʼ nɨ əfim ə bèʼè chè i che, nɨ chəi zɨə ghɨ̀ ni mbə̀ŋ nɔ. Ŋwìə̀ fə nùŋ rɨmbin əmbɨ mɨ̀mə̌d ɨŋga əsɨ ze nɨə finə kììm.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

Jûd 1:13

Mbɨ yɨ ɨghabɨ rɨ̀bàà nɨə kɔʼə swiʼə kwàʼ rɨ̀kǎ ghɨ̀ əjo. Əjo ze yɨ tɨ̀nìd ətu əmbɨ mɨ̀mə̌d. Mbɨ yɨ ɨghabɨ rɨtəmɨ te nɨə yènɨ̀ yenɨ, nɨ Ŋwìə̀ fə nuŋ əsɨ əmbɨ mɨ̀mə̌d ɨŋga ɨsɨ mbe nɨə finə kììm. Mbɨ bɨrɨ chub əŋgu koŋ.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.

Ɨnû 20:14

Əne mbɨ nyaʼa màʼ Ɨvɨ mbɨ əbeŋ ɨvɨ bə̂d ɨŋga ɨwid kyeŋ. Ɨwid kyeŋ we yɨ ɨvɨ we nɨ pe ənɨ wɨ be.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.