2 Pità 3:9 - Meta’

⁹ Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

Ikan feg

⁹ Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

2 Pità 3:9 ပူးပေါင်းရင်းမြစ်များ

Rm 13:11

Kaʼi əjìm əze, mbə̀ fə kàŋ kyerɨ ə nyùmə̀ wɔ̂ rɨ̀nîn. À yɨə nyùmə̀ ɨ nən nɨ nɔʼ rɨ əŋgwenɨ, ɨmbə̀ʼ ɨghəm nɨ ənû nɨ jwɨ rəŋgəʼ fə tiinɨ ɨban na tɨ̀nîn chè rɨ ənɨ nyùmə̀ we nɨ tɨ̀ nyaʼa be benɨ.

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

Rm 9:22

Ŋwìə̀ nyaʼa kə̀b chwi i ɨsə ɨtəm bə̀ ghɨ̀ ni bə̂d kyerɨ ɨka məd. Àyɨə wɨ̀ nyaʼa kaŋ yim fîŋ mbɨ ə bə̂d mbe nɨ nyaʼa ghɨ ni wɨ̀ sə ɨtəm. Bə̂d mbe nɨ nyaʼa ghɨ ni wɨ̀ sə ɨtəm yɨ mbe nɨ nyaʼa berɨ kwɨ.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

1 Timotì 2:4

Məd ə kə̀b ni wə̀d jìm kyerɨ rəsìʼ ɨmbə̀ʼ jwɨ rəŋgəʼ.

Mə̀Hibrù 10:37

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À buʼ àmei ɨkə nyùmə̀, we nɨə yeʼe bɨrɨ yeʼe. Ka wɨ̀ bɨrɨ wɨrɨ tandɨ i.

1 Pità 3:20

Mbɔ̂ yɨ ɨzwî bə̂d mbe rəŋwe nɨ chəi mbɨ nyaʼa zuunɨ ə Ŋwiə̀ ənɨ wɨ̀ nyaʼa yim fîŋ wom ənɨ ə nyùmə̀ we nɨ Noà nyaʼə kombɨ əbaŋ ɨgyɨ̀ ze. Àmei bə̂d rɨpiî, əne yɨə bə̂d famɨ nyaʼa jwɨ rəŋgəʼ ɨŋga əbaŋ ze.

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.

2 Pità 3:15

Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.

Ɨnû 2:21

Mə nyaʼa nàʼ nyùmə̀ ɨ bɔ ni wɨ̀ beŋ i fîŋ ɨmbə̀ʼ ɨfabrɨ-ɨnû mbe nɨ wɨ̀ nyaʼə ghɨ̀ə̀, àyɨə wɨ nyaʼa ton i.