2 Pità 3:16 - Meta’

¹⁶ Ənû ze nɨ wɨ̀ ŋwaʼnɨ mbɨ ɨŋga ɨ̀ŋwàʼnɨ̀ jìm mbe nɨ wɨ̀ ŋwaʼnɨ. Ɨnû mɔʼɔ mbɨ ɨŋga ɨ̀ŋwàʼnɨ̀ mbe nɨ Pɔ̂l ŋwaʼnɨ nɨ chəi ənɨ tɨ ɨtu bə̂d zeŋ ɨmbə̀ʼ mbɨwən. Bə̂d mbe nɨ chəi mbɨ kyerɨ ɨnû, nɨ ɨbenɨ mɨ̀mə̌d kɨrɨ bɔd, bɨrɨ toʼrɨ ɨnû mbɔ̂ ɨchî cherə. Bə̂d mbɨə kwepɨ ɨnû ɨŋga ɨ̀ŋwàʼnɨ̀ mbɔ̂ àmei ɨchî nɨ mbɨə kwepɨ ɨŋga ɨ̀ŋwàʼnɨ̀ Ŋwiə̀ cherə. Ɨchî nɨ mbɨə ghɨ̀ əne, ɨ mbɨə tɔŋə ŋgəʼ ɨgwɨ mbə ɨtu.

Ikan feg

¹⁶ Wì ŋwàʼrì inug mbo̰ kwàʼ məyi ane ikuchèg ifibì inga ìŋwàʼrì məd ijìm. Inug mɔ̀ʼɔ mbe inga ìŋwàʼrì mbe ne wì ŋwàʼri ne chəyi tì itog bəd zàmbì zen imbə̀ʼ mbiwən. Bəd mbe ne chəyi mbi kyeri inug, ne ìwɔb ibḛfiŋ kiri bɔri, mbɔb biri tòʼrì inug mbo̰ ane ikuchèg ndəŋ. Bəd mbe kɔ̀pɔ inug inga ìŋwàʼrì mbo̰ kwàʼ icheg ne mbɔb mbe bə̀ kɔ̀pɔ inga ìŋwàʼrì Ŋwiye ndəŋ. Icheg ne mbɔb mbe ghìyə̀ ane, mbi ya zìye yaʼ ngəʼ igun ìmbɔb itog.

2 Pità 3:16 ပူးပေါင်းရင်းမြစ်များ

Matìyò 15:3

Wɨ̀ nyaʼa wììrɨ̀ əmbɨ mɨ̀mə̌d ni, “Əton nɨ chəi mbə̀ə nùŋ tɨkə rɨ Ŋwìə̀, mbə bən nùŋ yeʼ mɨchî əbeŋ mbe nɨ mbə mɨ̀mbǎʼ nyaʼa nuŋɨ kɨ ɨmbə̀ʼ ə yè ə?

Matìyò 15:6

əne chəi əton ənɨ tɨ wɨ̀ wɨrɨ 'wumnɨ i mbǎʼ.' Əzɔ̂ ə zɨə chwi ɨchî nɨ mbən ə tə̀ə̀nɨ̀ ɨŋgam Ŋwiə̀ ɨmbə̀ʼ beenɨ əbɔʼ mbə mɨchî əbeŋ.

Matìyò 22:29

Yeso nyaʼa wììrɨ̀ əmbɨ mɨ̀mə̌d ni, “Mbə fə fèbə̀, ɨmbə̀ʼ ɨghəm nɨ chəi mbə̀ kyerɨ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀, kɨ̀ bè kyerɨ ɨka Ŋwiə̀.

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

Mə̀Hibrù 5:11

Tɨ̀ berɨ ɨnû nɔnɔʼ nɨ ghà ɨmbə̀ʼ ənû zɔ̂, àyɨə zɨə kàŋ se nɨ toʼrɨ ɨ nən, ɨmbə̀ʼ ɨghəm nɨ chəi mbə̀ə kɨə zàmbɨ̀ə̀ kyerɨ ɨnû mbe nɨ mbɨ chwi ɨ nən.

Jems 1:8

Fîŋ məd zɨ ɨba be. Ənɨ ɨnû jìm mbe nɨ wɨə ghɨ̀ə̀, ɨ wɨə bid i birɨ.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

2 Pità 3:2

Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.