2 Pità 2:9 - Meta’

⁹ Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

Ikan feg

⁹ Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

2 Pità 2:9 ပူးပေါင်းရင်းမြစ်များ

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Rm 2:5

Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

2 Timotì 3:12

Mbɨ bɨrɨ kàŋ nwendɨ tɨkyerɨ-ɨwu bə̂d mɨ̀jìm mbe nɨ ben ə Kristo Yeso. Mbɨ berɨ ghɨ əne ɨmbə̀ʼ ɨchî nɨ ɨ mbɨə chub ɨchî nɨ Ŋwìə̀ kəbɨ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.