2 Pità 2:3 - Meta’

³ Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Ikan feg

³ Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

2 Pità 2:3 ပူးပေါင်းရင်းမြစ်များ

Matìyò 23:14

[Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə tambɨə mɨku əyi ɨmbə̀ʼ fe ɨghɨ mɨ̀mə̌d. Mbə mɨ nɨə ghɨ̀ əne, mbə sɨ bègrɨ̀ kɔ̀ŋgɨ̀ ə Ŋwiə̀ ənɨ əgha ə se. Ŋwiə̀ bɨrɨ zɨ ɨsaʼi nɨ chè əbɔ ɨgwɨ nən.]

Lk 18:8

Mə ghà ɨ nən ni wɨ̀ bɨrɨ zambɨ weerɨ mɨ̀mə̌d. Àyɨə ənɨ Wan Wə̀d wɨrɨ yeʼe, wɨ̀ wa bɨrɨ zə ɨchî nɨ bə̂d rɨŋga ɨsɨg nuŋ fîŋ ɨgwɨ məd ə?”

Lk 20:20

Mbɨ nyaʼa kɔ kəb əpan nɨ gywɨ əməd. Əne mbɨ nyaʼa chà mɨ̀-ànàŋgɔŋ, nɨ nyaʼa begrɨ ɨghabɨ ni mbə yɨə bə̂d rəsìʼ, ni mbɨ wo zɨ̀ ətam gywɨ̀ əməd ənɨ ɨŋgam məd. Mbɨ nyaʼa ghɨ̀ əne ɨmbə̀ʼ mbɨ gywɨ̀ əməd wò nàʼ əmbɨ gɔmnà ni wɨ̀ saʼ əməd ɨmbə̀ʼ ɨghəm nɨ à yɨə gɔmnà nyaʼa berɨ ɨka ɨgwɨ mɨ̀mə̌d mɨjìm.

Lk 22:47

Ənɨ Yeso nyaʼa kɨrɨ ghàmə̀, ɨnɔ̂n bə̂d nyaʼa yeʼe. À yɨə Judàs, nɨ nyaʼa wɨ̀ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be, nyaʼa chè ɨmbì. Wɨ̀ nyaʼa chè wò ɨban ə Yeso ɨmbə̀ʼ sɔɔrɨ ndə̀ʼ məd.

Jn 2:16

Wɨ̀ nyaʼa ghà əmbɨ ə bə̂d mbe nɨ nyaʼə fènə̀ mbɨ̀rə̀bəŋə ni, “Mbə nɨŋ mbɨ̀rə̀bəŋə mbɔ̂ jwɨ̀ rɨ əgha. Tɨ mbə̀ beŋ ə nəb mɨ Mbǎʼ ənɨ ə nəb ɨwin.”

Rm 16:18

ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

1 Tèsàlonikà 2:5

Mbə̀ kyerɨ ə ni chəi tɨ̀ nyaʼa gha ɨŋgam nəmɨ nəmɨ ɨ nən ɨmbə̀ʼ tambɨ əwən. Ŋwiə̀ bə̀ kyerɨ ni ka tɨ̀ yɨ a bə̂d əjə, əne chəi tɨ̀ nyaʼa gha ɨnû mbe ɨmbə̀ʼ nəm ni tɨ̀ yɨə bə̂d əjə.

1 Tèsàlonikà 5:3

Ənɨ bə̂d ə ghàə̀ ni, “Tɨ̀ wɨ a ənɨ əbɔrəbɔd, chəi əton nɨ bɔ ənû ə mɔʼɔ,” ŋgəʼ rɨbɔ̀ŋ bɨrɨ saʼ nyɨ ɨgwɨ mɨ̀mə̌d àmei ɨghabɨ ɨchî nɨ əyi ə zu rɨbuʼ ənɨ wɨə nombɨə. Chəi bə̂d bɨrɨ vɨ rɨŋga ŋgəʼ ze.

1 Timotì 3:3

Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

1 Timotì 3:8

Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.

Tayitùs 1:11

À berɨ ghɨ ni mbɨ kubrɨ mbə mɨchû, ɨmbə̀ʼ ɨghəm nɨ ɨ mbɨə bùùrɨ̀ mɨnəbɨ jìm ɨchî nɨ mbɨə chwi ɨnû mbe nɨ chəi mbɨ berɨ nɨ chwiə. Ɨ mbɨə ghɨ̀ əne ɨmbə̀ʼ berɨ ɨkab ənɨ ɨnə̂njɨ̀ nɨ chəi wɨ kuʼnɨ.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

1 Pità 5:2

mbə nəŋgɨ njɨ̀g rɨ Ŋwiə̀ te nɨ wɨ̀ zɨ ɨŋga tə rɨkyerɨ-ɨbɔ. Tɨ mbə̀ ghɨ̀ ə əne ɨghabɨ ni ɨ mbɨə nyeŋ əwən nyeŋɨ. Mbə̀ ghɨ əne ɨchî nɨ mbə̀ benɨ fɔrɨ ɨchî nɨ Ŋwiə̀ kəbɨ. Tɨ mbə̀ ghɨ̀ ə əne ɨmbə̀ʼ ədɔʼ ɨkab. Mbə̀ ghɨ yeʼ ɨmbə̀ʼ ɨchî nɨ mbə̀ ghaʼ nɨ fàʼ.

2 Pità 1:16

Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.

Jûd 1:15

ɨ saʼ bə̂d mɨ̀jìm chə mɨ̀mə̌d, bə̀ zɨ̀ ɨsaʼi ɨgwɨ ə bə̂d mɨ̀jìm mbe nɨ chəi mbɨə wumnɨ ə Ŋwiə̀. Wɨ̀ bɨrɨ zɨ ɨsaʼi ɨgwɨ mɨ̀mə̌d ɨmbə̀ʼ ɨnû ɨzɨg mbe nɨ chəi bə̂d mbe nɨə wumnɨ ə Ŋwiə̀ ə ghɨ̀ə̀. Wɨ̀ bɨrɨ bɨ zɨ ɨsaʼi ɨmbə̀ʼ mɨŋgam rɨbɔ̀ŋ jìm mbe nɨ bə̂d mbe nɨə ghɨ̀ ɨnû rɨbɔ̀ŋ, nɨ chəi mbɨə wumnɨ ə Ŋwiə̀ ə gha ɨmbə̀ʼ əməd.”

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Jûd 1:7

Mbə̀ kɔndɨ ə Sodòm mbɨ Gòmorà bə̀ kɔndɨ ɨbeŋ mbe nɨ nyaʼa ɨban ɨban. Ɨ mbɨə nyaʼə ghɨ̀ ɨnyamnɨ-ɨnû bə̀ ghɨ̀ tɨkwɨrɨ ɨfabrɨ-ɨnû jìm mbe nɨ bə̂d ə feenɨə. Ɨchî nɨ mbɨə zəə ŋgəʼ ɨŋga ɨwid we nɨ ten i koŋ yɨ ənweenɨ əmbɨ ə bə̂d mɨ̀jìm.