2 Pità 1:16 - Meta’

¹⁶ Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.

Ikan feg

¹⁶ Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.

2 Pità 1:16 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 17:1

Ənɨ ɨni nyaʼa che rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n nɨ nyaʼə aŋgɔb Jems. Wɨ̀ nyaʼa nɨŋ əne mbɨ kɔʼ wò ɨkaŋ ɨwum se mɔʼɔ əsɨ nɨ àmei mɨ̀mə̌d nyaʼa əŋgu.

Matìyò 24:27

Ɨchî nɨ ɨbi mbə̀ŋ ə ŋwàŋ rɨ əbà ze nɨ nyùmə̀ ə tòʼə̀ wò pè əbà ze nɨ nyùmə̀ ə nyɨə, yɨə bə ɨchî nɨ Wan Wə̀d bɨrɨ yeʼe.

Matìyò 24:3

Ənɨ Yeso nyaʼa chub ə si ɨkaŋ Ɨwum mɨ̀Olìf, mə̀mə̀ə̀nɨ̀-ɨnû mbe nyaʼa wò əsɨ məd àmei mɨ̀mərə mɨ̀mərə pè biirɨ ni, “Gha ɨ na, ənû zɔ̂ ə kɨə wo ghɨ̀ əwù zi ə? Ənweenɨ ze nɨ bɨrɨ chwi ni à bɨrɨ wɨrɨ yeʼe mbɨ ni ɨsɨg bɨrɨ nwìə̀ kɨ əzi ə?”

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Mk 14:62

Yeso nyaʼa wììrɨ̀ ni, “Mə yɨ wɨwən. Əne mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə swiʼ ɨŋga pàʼ.”

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Lk 9:43

Bə̂d mbe mɨjìm nyaʼa yiirɨ ɨchî nɨ mbɨ nyaʼa zə ɨka Ŋwiə̀. Ənɨ bə̂d mbe nyaʼə kɨrɨ yiirɨ ɨnû jìm mbe nɨ Yeso nyaʼa ghɨ̌, wɨ̀ nyaʼa ghà əmbɨ mbi mə̀mə̀ə̀nɨ̀-ɨnû ni,

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

1 Kɔrèn 1:17

Mə wɨə ghà əne ɨmbə̀ʼ ɨghəm nɨ chəi Kristo nyaʼa tom əmɨ ni mə̀ naʼ mɨnib. Wɨ̀ nyaʼa tom əmɨ yeʼ ni mə̀ gha ɨkə̂n chɔ̀m ənɨ ɨŋgam nɨ chəi wɨ nɔʼ rɨ ənɨ ɨwe bə̂d mɨ̀sɔŋɨchù, njɨ chəi ənû ze nɨ tɨə ghà ɨmbə̀ʼ ɨchî nɨ Yeso nyaʼa kwɨ əzed ə baʼnɨ ə wɨrɨ berɨ ɨka.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 1:7

Əne chəi mbə̀ kwaŋ ɨneʼe mɔʼɔ we nɨ Əzwî ə nàʼ ɨchî nɨ mbə̀ə wòm ənɨ tə fîŋ rɨjìm ni a Ə̀nùŋɨ̀sɨg Yeso Kristo wɨrɨ yeʼe.

1 Kɔrèn 2:1

Mbɨ bɔŋgɔb, ənɨ mə̀ nyaʼa yeʼe əsɨ nən, chəi mə̀ nyaʼa gha ɨnû mbe nɨ yeʼ ənə̀mə ɨmbə̀ʼ ə Ŋwìə̀ ɨ nən ənɨ mɨŋgam kyeŋ kɨ̀ mbɨ ɨwe kyeŋ,

1 Kɔrèn 2:4

Ənɨ mə̀ nyaʼə ghà ɨŋgam Ŋwiə̀ ɨ nən, chəi mə̀ nyaʼa nɨŋ ɨwe mbɨ ɨŋgam nəmɨ nəmɨ bɔŋ ghàm. Mə wɨə nyaʼə ghàə̀ yeʼ ɨchî nɨ Əzwî ə nyaʼə chwi ɨnə̂njɨ̀ ɨ num bə̀ nàʼ ɨka ɨ num.

1 Kɔrèn 5:4

ənɨ ɨkum Yeso Kristo. Ənɨ mbə̀ fetɨ, əne mɨ əzwî mbɨ ɨka we nɨ a Ə̀nùŋɨ̀sɨg Yeso nyaʼa naʼ ɨ nən ə yeʼ mbɨ nən,

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

1 Tèsàlonikà 2:19

À kɨ mɨwe ə ghɨ̀ ni tɨ̀ nuŋ ɨkɔndɨ ɨgwɨ ɨghɨ mbe nɨ tɨ ə wòm ə? À kɨ mɨwe bɨrɨ ghɨ ni tɨ̀ ghaʼrɨ ə? À kɨ mɨwe bɨrɨ ghɨ ni tɨ̀ goŋ ɨgɔ̂ ɨfě Ə̀nùŋɨ̀sɨg Yeso ənɨ wɨrɨ yeʼe ɨghabɨ ni tɨ̀ yɨə bə̂d nɨ chè ə̀nòtɨ̀ ə? Kaʼ à wa kɨ i mbə̀nə ə?

2 Tès 2:9

Wə̀d we nɨ ton ə Ŋwiə̀ bə̀ ton tɨkə rɨ məd bɨrɨ yeʼe mbɨ ɨka we nɨ Satàn naʼ ɨ bɔ. Wɨ̀ bɨrɨ pe ghɨ̀ tɨkwɨrɨ ɨnû yiirɨ mɨghab jìm, ghɨ̀ tɨkwɨrɨ ɨnweenɨ-ɨnû mɨghab jìm bə̀ ghɨ̀ tɨkwɨrɨ ɨnû mɨghab jìm nɨ dabə.

1 Timotì 1:4

Gha əmbɨ mɨ̀mə̌d ni tɨ mbɨ wɨrɨə gha ə tɨpoʼ əko mbɨ ənû ɨmbə̀ʼ tɨwaŋ bə̂d nɨ chəi ɨnwǐ. Ɨnû mbɔ̂ mbɨə ghɨ̀ə̀ ni bə̂d taŋ ə. Chəi tàŋ ə ghɨ̀ ni bə̂d ghɨ ɨnû mbe nɨ Ŋwìə̀ kəbɨ. Bə̂d bɨrɨ kyerɨ ɨnû mbe nɨ Ŋwìə̀ kəbɨ àmei ənjìm ɨbenɨ.

1 Timotì 4:7

Ton tɨpoʼ əko mɔʼɔ te nɨ chəi tɨə ghɨ̀ ni bə̂d kyerɨ ə Ŋwiə̀. Dandɨ e ɨnyod nɨ ghɨ ɨnû mbe nɨ chwi ni à wɨə wumnɨ ə Ŋwiə̀.

Tayitùs 1:14

Əne chəi mbɨ bɨrɨ wɨrɨ zwetɨ rɨpoʼ əko mɔʼɔ te nɨ mɨ̀Jû nyaʼa tekɨ, kɨ̀ bè zwetɨ ɨnû mbe nɨ bə̂d mbe nɨ ton rəsìʼ ə ghàə̀.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

Jûd 1:14

À yɨ ɨmbə̀ʼ ə bə̂d mbɔ̂ nɨ Enɔ̀k nyaʼa ghamɨ rəŋwe. Enɔ̀k yɨə nyaʼə tɨ ənɨ əghaŋ ə Adàm nɨ pè ənɨ ɨwaŋ sambe. Wɨ̀ nyaʼa ghà ni, “Mbə̀ zə, Ə̀nùŋɨ̀sɨg wɨə yeʼe mbɨ mbi mbɨ̀aŋgɨrə̀ zeŋɨ chuʼ mbɨ ə chuʼ

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.