2 Pità 1:12 - Meta’

¹² Mə wɨə nɔ̀ɔ̀rɨ̀ mbə ɨtu ɨghəm jìm ɨmbə̀ʼ ɨnû mbɔ̂, ka à bè yeʼi ni mbə fə bè kyerɨ ɨnû rəŋgu bə̀ kyerɨ ni mbə fə təm kàànɨ̀ ɨŋga rəsìʼ we nɨ mbɨ nyaʼa chwi ɨ nən.

Ikan feg

¹² Ka mbə̀ jiʼì kyèri inug mbo̰ bə̀ təm kà inga tesiʼ, mə biri kiri ya wènde inug mbo̰ inən mà nyumə̀ ijìm.

2 Pità 1:12 ပူးပေါင်းရင်းမြစ်များ

Ɨ̀fàʼì 16:5

Əze ə nyaʼa ghɨ̀ ni bə̂d rɨŋga tɨfetɨ bə̂d Kristo berɨ ɨbenɨ nɨ kaanɨ. Ɨnun bə̂d mbe nɨ nyaʼa ben ə Kristo wɨə nyaʼə nɔʼrɨə wò ɨmbì ɨni jìm.

Fìlipì 3:1

Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Kòlosè 2:7

Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

2 Timotì 1:6

Ɨchî nɨ à ben ə Kristo əni, mə wɨə kə̀bə̀ ni à nɔɔrɨ ɨneʼe we nɨ yeʼ ɨŋga ne, nɨ Ŋwìə̀ nyaʼa naʼ ɨ ne ənɨ ə nyùmə̀ we nɨ mə nyaʼa zab mbɨ ɨbɔ ɨgwɨ ne.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

2 Pità 1:13

Mə kàŋ kɔndɨ ni zɨə kùʼ ni mə nɔɔrɨ mbə ɨtu ɨmbə̀ʼ ɨnû mbɔ̂ ənɨ mə kɨrɨ ɨkǎ.

2 Pità 1:15

Mə bɨrɨ kywɨ ənywɨ zə ni ənɨ mə̀ fə saŋ ɨsɨg, mbə mbe tɨ̀ mbə sɨə kɔndɨ ɨnû mbɔ̂ jìm.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.

1 Jɔn 2:21

Chəi mɨə ŋwàʼnɨ̀ ɨ nən ɨmbə̀ʼ ɨghəm nɨ chəi mbə̀ kyerɨ rəsìʼ. Mə wɨə ŋwàʼnɨ̀ yeʼ ɨmbə̀ʼ ɨghəm nɨ mbə kyerɨ rəsìʼ bə̀ kyerɨ ni chəi mɨghab ə jwɨ̀ ənɨ rəsìʼ.

2 Jɔn 1:2

Mə ghaʼ əwən ɨmbə̀ʼ ɨghəm nɨ tɨ̀ kyerɨ rəsìʼ, əne rəsìʼ we bɨrɨ ten i ɨŋga na koŋ.

Jûd 1:17

Àyɨə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kɔndɨ ɨnû mbe nɨ bə̂d tom a Ə̀nùŋɨ̀sɨg Yeso Kristo nyaʼa fə gha ɨ nən.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.

Jûd 1:5

Ka à bè yeʼi ni mbə nyaʼa fə kyerɨ ɨnû mbɔ̂ jìm, àyɨə mə kə̀b nɔɔrɨ mbə ɨtu ni Ə̀nùŋɨ̀sɨg nɨ nyaʼa chɨ mɨ̀Izre rɨ ə Ɨjìpt, nyaʼa wɨrɨ nimnɨ mbe nɨ chəi mbɨ nyaʼa benɨ.