2 Pità 1:1 - Meta’

¹ À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Ikan feg

¹ À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 1:1 ပူးပေါင်းရင်းမြစ်များ

Matìyò 10:2

Tɔ̂ yɨ rɨkum bə̂d tom mbe wum chɔ̀b rɨ̀be: Wɨ rɨtu yɨə Saimòn nɨ mbɨ nyaʼə bə̀ tɔŋ ənɨ Pità mbɨ Andrù nɨ nyaʼə aŋgɔb məd; Jems wan Zebèdiî mbɨ Jɔ̌n nɨ nyaʼə aŋgɔb məd;

Matìyò 4:18

Ənɨ Yeso nyaʼə yèn ɨban ə sà ze rɨ ə Galiliî, wɨ̀ nyaʼa zə bɔŋgɔb mɨbe nɨ nyaʼa mə̀gywɨ̀-əgwi. Ɨ mbɨə nyaʼə màʼə̀ kɨ̀ ɨŋga ə sà ze. Ɨkum wɨ fìbɨ̀ yɨə nyaʼə Saimòn nɨ mbɨ nyaʼə bə̀ tɔŋ əməd ənɨ Pità. Ɨkum aŋgɔb məd yɨə nyaʼə Andrù.

Lk 1:47

mɨ fîŋ zɨə ghaʼə ɨmbə̀ʼ ɨchî nɨ Ŋwìə̀ chɨ əmɨ rəŋgəʼ,

Lk 11:49

Ŋwìə̀ nyaʼa fə we i əne ghà ɨmbə̀ʼ ənû zɔ̂ ni, 'Mə bɨrɨ cha bə̂d ɨ̀kə̀n bə̀ chà bə̂d tom əsɨ mɨ̀mə̌d. Mbɨ bɨrɨ zwiirɨ mbɨ mɔʼɔ bə̀ nwèndɨ̀ tɨkyerɨ-ɨwu mbɨ cherə.'

Jn 1:42

Wɨ̀ nyaʼa ghà əne nɨŋ ə Saimòn mbɨ wò əsɨ Yeso. Yeso nyaʼa nèŋ ə Saimòn ghà ni, “Àwɔ̀ yɨə Saimòn wan Jɔ̌n. Bə̂d bɨrɨ sɨə tɔŋ əwe ni Sefàs.” Ɨkum wɔ̂ ənɨ ɨŋgam Grik yɨ ni Pità.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Ɨ̀fàʼì 15:14

Saimòn fə tòʼrɨ̀ ɨchî nɨ Ŋwìə̀ nyaʼa be chwi ni tə wɨə nəŋgɨə bə̂d mbe nɨ kaʼi mɨ̀Jû. Wɨ̀ nyaʼa ghɨ̀ əne ɨchî nɨ wɨ̀ nyaʼa chɔʼ bə̂d mɔʼɔ rəkaʼ mɨ̀mə̌d ənɨ mbi.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 1:12

Əne yɨ ni, ɨbenɨ we tɨ̀ berɨ ɨgun ə Kristo tìmbɨ̀ əwa mbǎ mbǎ, wən tìmbɨ̀ wum, wum bə̀ tìmbɨ̀ wən.

Rm 1:17

Ɨkə̂n chɔ̀m wɔ̂ wɨə chwi ɨchî nɨ Ŋwìə̀ ə ghɨ̀ ni bə̂d təm kùʼnɨ̀ ənjìm ɨbenɨ. Ɨ wɨə kɔ rɨ ənɨ ɨchî nɨ bə̂d nuŋ fîŋ ɨgun ə Kristo bə̀ wò nwì àmei ənɨ ɨchî nɨ bə̂d nuŋ fîŋ ɨgun ə Kristo. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ ɨnû məd kùʼnɨ̀ bɨrɨ ten ənjìm ɨbenɨ.”

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

1 Kɔrèn 15:9

À yɨ əne ɨmbə̀ʼ ɨghəm nɨ rəbɔʼ bə̂d tom Kristo mɨ̀jìm, mɔ̌ yɨə we nɨ kə chè. Chəi mə̀ kuʼ nɨ tɨ̀ mbɨ tɔŋ əmɨ ənɨ ə wə̀d tom, ɨmbə̀ʼ ɨghəm nɨ mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

2 Kɔrèn 4:13

Tɨ̀ berɨ ɨkwɨ ɨbenɨ mɔʼ mbɨ məd we nɨ nyaʼa ŋwaʼnɨ ni, “Mə nyaʼa benɨ, əne mə fə ghàm.” Mba bə̂ tɨ bə̀ benɨ, əne tɨ̀ wɨə ghàmə̀.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Gàlesìyà 2:8

Ɨtu mɨ̀mə̌d nyaʼa zeŋ ni Ŋwìə̀ we nɨ nyaʼa chɔʼ ə Pità tom ni wɨ̀ fàʼ əkaʼ mɨ̀Jû, nyaʼa bə̀ chɔʼ əmɨ tom ni mə faʼ əkaʼ ə bə̂d mbe nɨ kaʼi mɨ̀Jû.

Efesùs 3:5

Chəi Ŋwìə̀ nyaʼa ghɨ ni tɨ̀ghə̀m rɨ bə̂d te nɨ nyaʼa fə che kyerɨ ənû zɔ̂ ɨchî nɨ wɨ̀ fə che ənjìm Əzwî tɨ̀nîn chwi əmbɨ mbi bə̂d tom zeŋɨ bə̀ chwi əmbɨ mbi bə̂d ɨ̀kə̀n.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Efesùs 4:5

Ə̀nùŋɨ̀sɨg we mɔʼ, ɨbenɨ we mɔʼ, ənû nɨ nɨŋ mɨnib ze ə mɔʼ.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

2 Timotì 1:5

Mə fə bə̀ wɨrɨ kɔndɨ ɨbenɨ rəsìʼ we nɨ à berɨ, nɨ yeʼ ɨkwɨ ɨbenɨ we nɨ Lɔis avɨ we kyeŋ mbɨ Yunis avɨ we nyaʼa berɨ. À berɨ ɨbenɨ rɨ̀nîn ɨchî nɨ mə̀ kyerɨ.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 2:7

Əmbɨ mbə̀n mbe nɨ benɨ, ɨti we ə bɔ̀ŋ kwàʼ rɨŋgəʼ, àyɨə əmbɨ mbe nɨ chəi mbɨ benɨ, “Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb,”

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.